Euskal Herriko Agintaritzaren Aldizkaria

128. zk., 2011ko uztailaren 6a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

XEDAPEN OROKORRAK

Euskal Herriko Unibertsitatea

3456

ERABAKIA, UPV/EHUko Gobernu Kontseiluarena, 2011ko maiatzaren 26koa, UPV/EHUko Euskal Kriminologiaren Euskal Institutuaren arautegia aldatzeko dena.

1.- Kriminologiaren Euskal Institutuaren Arautegiko 12.1 artikuluak honakoa dio:

«1.- KREIko Ohorezko Batzordea Zuzendariak, Zuzendariordeek, Idazkariak, KREIko Kontseiluak izendatutako pertsona batek, eta Kriminologiaren Euskal Institutuko Ohorezko Kideek aukeratutako lau ordezkarik osatuko dute.»

2.- Institutuko Kontseiluak erabaki zuen, 2009ko irailaren 16an, Kriminologiaren Euskal Institutuaren Arautegiko 12.1 artikulua aldatzea, honako hau xedatzeko: KREIko Kontseiluak bost ordezkari hautatutako ditu Kriminologiaren Euskal Institutuko ohorezko kideen artetik, KREIko Ohorezko Batzordeko kide izan daitezen.

3.- UPV/EHUko Ikerketa Institutuen Oinarrizko Arautegiak dio Gobernu Kontseiluari dagokiola ematea behin betiko onespena institutuen arautegietan egindako aldaketei.

Adierazitakoa kontuan harturik, idazkari nagusiak hala proposatuta, Gobernu Kontseiluak

ERABAKI DU:

Lehenengoa.- Kriminologiaren Euskal Institutuaren Arautegiko 12.1 artikuluaren edukia aldatzea. Artikulu hori honela geratuko da:

«1.- KREIko Ohorezko Batzordea honako hauek osatuko dute: KREIko zuzendariak, zuzendariordeek, idazkariak, eta KREIko Kontseiluak Kriminologiaren Euskal Institutuko ohorezko kideen artetik hautatutako bost ordezkarik.»

Bigarrena.- Agindua ematea erabaki hau Euskal Herriko Agintaritzaren Aldizkarian argitaratzeko.

Leioa, 2011ko maiatzaren 26a.

Errektorea,

IÑAKI GOIRIZELAIA ORDORIKA.

Idazkari nagusia,

EVA FERREIRA GARCÍA.

Azterketa dokumentala