Euskal Herriko Agintaritzaren Aldizkaria

116. zk., 2011ko ekainaren 20a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarkiak

Industria, Berrikuntza, Merkataritza eta Turismo Saila

3211

IRAGARKIA, 2011ko maiatzaren 16koa, Industria, Berrikuntza, Merkataritza eta Turismo Sailaren Bizkaiko lurralde-ordezkariarena; honen bitartez, jendaurreko informaziopean jartzen da honako instalazio elektriko honen espedientea (administrazio-baimenaren eskaera, egikaritzapen-proiektuaren onarpena, onura publikoko deklarazioa eta ingurumen-inpaktuko deklarazioa), «Luminabaso izeneko 220 kV-ko azpiestazio elektriko berria Amorebieta-Etxano udalerrian».

Abenduaren 3ko 282/2002 Dekretuaren 10. artikuluan (2002-12-23ko EHAA) eta abenduaren 1eko 1955/2000 Errege Dekretuaren (2008-12-27ko BOE) 144. artikuluan aurreikusitako ondorioetarako, eta testu beraren azken xedapenen arteko lehenengoan, Nahitaezko Desjabetzeari buruzko 1957ko apirilaren 26ko Legearen Erregelamenduko 17. artikuluan, Sektore Elektrikoari buruzko azaroaren 27ko 54/1997 Legearen 53. artikuluan, eta Proiektuen Ingurumen Inpaktuaren Ebaluazioari buruzko Legearen testu bategina onartzen duen urtarrilaren 11ko 1/2008 Legegintzako Errege Dekretuaren (2008-01-26ko BOE) 9. artikuluan xedatutakoari jarraiki, Euskadiko Ingurumena Babesteko otsailaren 27ko (1998-03-27ko BOE) 3/1998 Legean aurreikusitakoari dagokionez, jendaurreko informaziopean jartzen da honako instalazio hau, eskatzailea Red Electrica de España SAU delarik.

Erref.: 70 zk. ASS/SM.

- Kokapena: Amorebieta-Etxano udalerria.

- Aurrekontua: 4.424.020 euro.

- Helburua: Energia elektrikoaren garraioa.

- Oinarrizko ezaugarriak:

Tentsio nominaleko 220 kV-ko azpiestazioa.

Instalazioa aterperik gabekoa izango da, etengailudun 6 posiziorekin eta beste hiru posizio erreserban, barra bikoitzeko konfigurazioarekin.

Administrazio-baimena, egikaritzapen-proiektuaren onarpena, onura publikoko deklarazioa eta ingurumen-inpaktuko deklarazioa eskatzen da.

Hori guztia argitara ematen da guztiak eta, bereziki, lurren jabeak eta proiektuak eraginpean hartutako gainerako titularrak jakinaren gainean egon daitezen (haien zerrenda iragarki honen amaieran txertatu da), proiektua eta ingurumen-inpaktuari buruzko azterlana Lurralde Bulego honetan (Concha Jenerala kalea 23, 5. solairua, Bilbao) edo kasuari dagokion udalean azter dadin, eta bidezkotzat hartzen diren erreklamazioak bi aletan aurkez daitezen. Horretarako epea hilabetekoa izango da, iragarki hau argitaratu eta biharamunetik zenbatzen hasita.

Bilbao, 2011ko maiatzaren 16a.

Lurralde ordezkaria,

MIREN AINTZANE IZAGUIRRE ETXEBERRIA.