Euskal Herriko Agintaritzaren Aldizkaria

116. zk., 2011ko ekainaren 20a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Hezkuntza, Unibertsitate eta Ikerketa Saila

3193

EBAZPENA, 2011ko ekainaren 10ekoa, Unibasqeko zuzendariarena. Honen bitartez, lan-kontratu iraunkorra duten EHUko irakasleen (Irakasle Oso, Irakasle Agregatu, Irakasle Lankide finko eta Ikertzaile finkoak) ikerketa-jarduera ebaluatzeko eskaeren ebazpena emateko eta jakinarazteko epea etetea adosten da.

Herri Administrazioen Araubide Juridikoaren eta Administrazio Prozedura Erkidearen (AJAPEL) azaroaren 26ko 30/1992 Legearen 42.5.c) artikuluak xedatutakoaren arabera eta deialdiak ezartzen duenaren arabera eskaeren ebaluazioa ebazteko guztiz beharrezkoa da CNEAIk Unibasqera nahitaezko txostenak bidaltzea (2010eko azaroaren 30eko EHAA, 230. zenbakia; 2011ko urtarrilaren 18ko EHAAk aldatuta, 11. zenbakia).

EBATZI DUT:

Lehenengoa.- Lan-kontratu iraunkorra duten EHUko irakasleen (Irakasle Oso, Irakasle Agregatu, Irakasle Lankide finko eta Ikertzaile finkoak) ikerketa-jarduera ebaluatzeko eskaeren ebazpena emateko eta jakinarazteko epea etetea CNEAIk nahitaezko txostenak bidali arte. Behin txostenak jasota, deialdian aurreikusitako 6 hilabeteko epeari berrekingo zaio (ekainaren 30ean bukatzen zena). Beraz, Unibasqek ebazpen hau EHAAn argitaratzen denetik 2011ko ekainaren 30era arte geldituko liratekeen egunak izango ditu eskatzaileei ebaluazioen emaitzak jakinarazteko.

Bigarrena.- Interesdunei Ebazpen hori jakinaraztea, horren berri izan dezaten, AJAPELeko 58. eta 59. artikuluetan xedatutakoari jarraiki.

Vitoria-Gasteiz, 2011ko ekainaren 10a.

Unibasqeko zuzendaria,

Mikel Urquijo Goitia.