![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
40. zk., 2011ko otsailaren 28a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Justizia Administrazioa
Tolosako Lehen Auzialdiko 1 Zenbakiko Epaitegia
1038
EDIKTUA, guraso eta seme-alaben arteko neurrien erregulazio adostasunik gabekoari buruzko 429/10 prozeduraren ondoriozkoa.
JAKINARAZPEN-ZEDULA
Tolosako Lehen Auzialdiko 1 zenbakiko Epaitegian (Gipuzkoa), guraso eta seme-alabentzako neurrien erregulazio adostasunik gabekoari dagokionez eta Pasnicu Florea Ilie-ren aurka, ezkontzaz kanpoko seme-alabei neurriei buruz bideratu den 429/10 prozeduran epaia eman da, zeinaren idazpurua eta epaitza honako hauek baitira:
196/10 EPAIA
Epailea: Helena Antona Suena.
Lekua: Tolosa (Gipuzkoa).
Eguna: bi mila eta hamarreko abenduaren hamalaua.
Alderdi demandatzailea: Maria Ionela Mate.
Abokatua.
Prokuradorea: Jose Ignacio Otermin Garmendia.
Alderdi demandatua: Pasnicu Florea Ilie, auzi-ihesean.
Judizioaren gaia: Pasnicu Florea Ilie-ren aurka, Maria Ionela Mate-ren ezkontzaz kanpoko harremaneko banaketaren ondoriozko neurriak.
XEDAPENAK
Guraso eta seme-alabentzako neurrien erregulazio adostasunik gabekoari buruzko demanda baietsi egiten dut. Demanda hori, Maria Ionela Mate-ren izenean, José Ignacio Otermin epaitegietako prokuradoreak aurkeztu zuen, eta, bestalde, andre hura José Carretero letratuak defendatu zuen:
- XXXXXXXXX eta XXXXXXXXX adingabekoen zaintza eta jagoletza amari ematen zaio.
- Adingabekoekiko guraso-ahalaren titulartasuna guraso biena izango da.
- Ez da ezartzen aitarentzako bisita-erregimenik; izan ere, guraso bien adostasunaz finkatuko da-eta, eta zaintza ez duen gurasoak ez du izango eskubiderik adingabekoak bere etxean gaurik egitekoa.
- Seme-alabentzat 200 euroko hileko elikadura-pentsioa ezartzea, aitak ordaindu beharrekoa. Pentsioa aurretiaz ordaindu beharko du, hile bakoitzeko lehenengo bost egunen barruan, amak izendatzen duen kontuan. Zenbateko hori urtero eguneratuko da Estatistikako Institutu Nazionalak edo horren ordezko erakundeak argitaratutako KPIren arabera.
Aurretik adieraziaz gain, eta bien seme-alabek sor ditzakeen eta, noski, mantenu-pentsiotik kanpo gelditzen diren ezohiko gastuei dagokienez, bi gurasoek ordaindu beharko dituzte, izan ere, biek baitute guraso-ahala. Dena dela, egin beharreko gastua eta guraso bien adostasuna baloratu beharko dira. Honakoak bereiziko dira:
- Jatorri medikoa edo farmazeutikoa dutenak eta, jatorri ludikoa edo akademikoa izanik, bi gurasoek adostasunean erabaki dituztenak edo, adostasunik ezean, judizialki onartu direnak, erdibana ordainduko dituzte.
- Guraso bien baiezko barik edo horren ordezko baimen judizial barik, egindako gatu akademikoak eta ludikoak, horiek sustatu eta eragin dituen gurasoak ordaindu beharko ditu.
Ez da kosturik ezartzen.
Jakinaraz bekie ebazpen hau alderdiei eta Fiskaltzari, eta ohartarazi ebazpena ez dela irmoa eta bere aurka apelazio-errekurtsoa ezar daitekeela epaitegi honetan, bost eguneko epean eta Probintzia Auzitegiari zuzenduta, betiere Prozedura Zibilaren Legean xedatutakoarekin bat etorriaz. Errekurtsoa izapidetu ahal izateko, 50 euroko gordailua eratu beharko da epaitegiaren Gordailu eta Kontsignazioen kontuan, eta baldintza hori bete izana egiaztatu, 1/2009 Lege Organikoarekin bat etorriaz egiaztatu ere.
Epai honen bidez eta Erregearen izenean erabaki, agindu eta sinatzen dut. Bestalde, epai honen testigantza batu zaie dagokien autoei.
Argitalpena.- Epaiari dagokion egunean, jendaurreko entzunaldia egiten ari zelarik, epaia eman zuen epaile berberak agindu, irakurri eta argitaratu zuen.
Eta Pasnicu Florea Ilie demandatuari behar bezalako jakinarazpena balio dezan, ematen eta sinatzen dut ediktu hau, Tolosan (Gipuzkoa), bi mila eta hamaikako zazpian.
IDAZKARIA.