Euskal Herriko Agintaritzaren Aldizkaria

40. zk., 2011ko otsailaren 28a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Tolosako Lehen Auzialdiko 1 Zenbakiko Epaitegia

1037

EDIKTUA, guraso eta seme-alaben arteko neurrien erregulazioaz bideratutako 283/10 prozeduraren ondoriozkoa.

JAKINARAZPEN-ZEDULA

Tolosako Lehen Auzialdiko 1 zenbakiko Epaitegian (Gipuzkoa), guraso eta seme-alaben arteko neurrien erregulazio adostasunik gabekoari dagokionez, Yuliya Ripkak eskatuta, Andrian Ivanovych Petraschchuk-en aurka bideratutako 283/10 ezkontzaz kanpoko seme-alabei neurriei buruzko prozeduran epaia eman da, zeinen idazpurua eta epaitza honako hauek baitira:

194/10 EPAIA

Epailea: Helena Antona Suena.

Lekua: Tolosa (Gipuzkoa).

Eguna: bi mila eta hamarreko abenduaren hamalaua.

Alderdi demandatzailea: Yuliya Ripka.

Abokatua: Jose Leon Eguiguren Amondarain.

Prokuradorea: Ana Rosa Ros Noriega.

Alderdi demandatua: Andrian Ivanovych Petraschchuk, zein auzi-ihesean baitago.

Judizioaren gaia: guraso eta seme-alaben arteko neurriak arautzea.

XEDAPENAK

Baietsi egiten dut guraso eta seme-alaben arteko neurriak arautzeko auzi-demanda, zein auzitegietako prokuradore Ana Rosa Ros Noriegak eta Yuliya Ripkak -judizioan letratu José León Eguigurenek defenditutakoak- aurkeztu baitute. Ezarritako baldintzak:

- Amari izendatu zaio adingabekoaren zaintza eta babespea.

- Adingabearekiko guraso-ahala, babespea duen gurasoak baino ez du edukiko.

- Babespea ez duen aitak ez du bisita erregimenik izango.

- Bi gurasoen alabaren aldeko elikagai pentsioa ezartzen da: babespea ez duen gurasoak hileko soldataren % 30 jarri beharko du, baldin eta soldatarik badu.

Aurretik adieraziaz gain, eta bien alabak sor ditzakeen eta, noski, mantenu-pentsiotik kanpo gelditzen diren ezohiko gastuei dagokienez, bi gurasoek ordaindu beharko dituzte erdibana. Dena dela, egin beharreko gastua eta guraso bien adostasuna baloratu beharko dira. Honakoak bereiziko dira:

Jatorri medikoa edo farmazeutikoa dutenak eta jatorri ludikoa edo akademikoa izanik, bi gurasoek adostasunean erabaki dituztenak edo, adostasunik ezean, judizialki onartu direnak, erdibana ordainduko dituzte.

Jatorri ludikoa edo akademikoa izanik, bi gurasoen adostasunik edo baimen judizial gehigarririk ez duten gastuak, baimena ematen duenak ordainduko ditu, gauzatuz gero.

Ez da kosturik ezartzen.

Jakinaraz bekie ebazpen hau alderdiei eta Ministerio Fiskalari, jakitera emanaz ezen, ez dela irmoa eta, bere aurka, apelazio errekurtsoa aurkez dezaketela Gipuzkoako Probintzia Auzitegian, zein jakinarazpena egin ondorengo bost hileren barruan aurkez baitaiteke, epaitegi honen aurrean aurkeztu ere, Prozedura Zibilaren Legean xedatutakoaren arabera, eta kontuan izanik izapideak egitera onartzeko nahitaezkoa izango dela 50 euro jartzea gordailuan epaitegi honetako Kontsignazio eta Gordailuen Kontuan, horrelaxe dago-eta ezarrita 1/2009 Legean. Egiaztatu egin beharko da hori.

Epai honen bidez eta Erregearen izenean erabaki, agindu eta sinatzen dut. Bestalde, epai honen testigantza batu zaie dagokien autoei.

Argitalpena.- Epaiari dagokion egunean, jendaurreko entzunaldia egiten ari zelarik, epaia eman zuen epaile berberak agindu, irakurri eta argitaratu zuen.

Eta Andrian Ivanovych Petraschchuk demandatuari behar bezalako jakinarazpena egiteko balio dezan ematen eta sinatzen dut hau, Tolosan (Gipuzkoa), bi mila eta hamarreko abenduaren hogeita zazpian.

IDAZKARIA.