RSS
238. zk., 2010eko abenduaren 14a, asteartea
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Justizia Administrazioa
Tolosako Lehen Auzialdiko 1 Zenbakiko Epaitegia
6113
EDIKTUA, gurasoen eta seme-alaben arteko neurriei buruzko 456/09 prozeduraren ondoriozkoa.
JAKINARAZPEN-ZEDULA
Tolosako (Gipuzkoa) Lehen Auzialdiko 1 zenbakiko Epaitegian bideratutako ezkontzaz kanpoko seme-alabentzako neurriei buruzko 456/09 prozeduran epaia eman da. Janeth Marisol Freire Herrerak sustatu du prozedura, Fernando Gabriel Rondal Llugcharen aurka, guraso eta seme-alaben arteko neurriak eta neurri ekonomikoak arautzeari buruz. Hona hemen idazpurua eta epaitza:
186/10 EPAIA
Epailea: Helena Antona Suena.
Lekua: Tolosa (Gipuzkoa).
Eguna: 2010eko azaroaren 12a.
Alderdi demandatzailea: Janeth Marisol Freire Herrera.
Abokatua: Juan Ignacio Tolosa.
Prokuradorea: Juan Manuel Sanz Elosegui.
Alderdi demandatua: Fernando Gabriel Rondal Llugcha, auzi-ihesean.
Judizioaren gaia: guraso eta seme-alaben arteko eta mantenuari buruzko neurriak.
Helena Antona Suena, Tolosako (Gipuzkoa) Lehen Auzialdiko 1 zenbakiko Epaitegiko eta bere barrutiko epaileak, ikusi ditu guraso eta seme-alaben arteko neurriak arautzeko 456/09 judizioko autoak. Idazpuruan ageri diren alderdiek parte hartu dute. Eta ondoko epaia eman du:
XEDAPENAK
Janet Marisol Freire Herreraren izenean eta ordez, Nora Astiazaran Rodríguez prokuradoreak eskatutako neurriak betetzea bidezkoa da, Fernando Gabriel Rondal Llugcharen aurkakoak. Eta ondokoa ezartzen da:
- Elizabeth Anahi Rondal Freire adingabearen zaintza eta babespea amari ematen zaizkio.
- Adingabearekiko guraso-ahala, bi gurasoek edukiko dute.
- Ez da Fernando Gabriel Rondal Llugcha aitaren aldeko bisita-erregimenik ezartzen.
- Alaba adingabearentzat 180 euroko hileko mantenu-pentsioa ezartzen da. Pentsioa hile bakoitzeko lehenengo bost egunetan ordaindu beharko da, amak izendatzen duen kontuan. Zenbateko hori urtero eguneratuko da Estatistikako Institutu Nazionalak edo horren ordezko erakundeak argitaratutako KPIren arabera.
Aurretik adieraziaz gain, eta bien alabak sor ditzakeen eta, noski, mantenu-pentsiotik kanpo gelditzen diren ezohiko gastuei dagokienez, bi gurasoek ordaindu beharko dituzte, izan ere, biek baitute guraso-ahala. Dena dela, egin beharreko gastua eta guraso bien adostasuna baloratu beharko dira. Honakoak bereiziko dira: jatorri medikoa edo farmazeutikoa dutenak eta jatorri ludikoa edo akademikoa izanik, bi gurasoek adostasunean erabaki dituztenak edo, adostasunik ezean, judizialki onartu direnak, erdibana ordainduko dituzte. Jatorri ludikoa edo akademikoa izanik, bi gurasoen adostasunik edo baimen judizial gehigarririk ez duten gastuak, baimena ematen duenak ordainduko ditu, gauzatuz gero.
- Jakinaraz bekie ebazpen hau alderdiei eta Fiskaltzari, eta ohartarazi ebazpena ez dela irmoa eta bere aurka apelazio-errekurtsoa ezar daitekeela epaitegi honetan, bost eguneko epean eta Gipuzkoako Probintzia Auzitegiari zuzenduta (PZLb, 457. artikulua). Errekurtsoa izapidetu ahal izateko, 50 euroko gordailua eratu beharko da epaitegiaren Gordailu eta Kontsignazioen kontuan eta baldintza hori bete izana egiaztatu, beti ere, 1/09 Lege Organikoaren arabera.
- Epai honen bidez eta Erregearen izenean erabaki, agindu eta sinatzen dut. Bestalde, epai honen testigantza emango da oinarri dituen autoetara.
Eta Fernando Gabriel Rondal Llugcha demandatuari behar bezala jakinarazteko ematen eta sinatzen dut hau, Tolosan (Gipuzkoa), bi mila eta hamarreko azaroaren hamabian.
IDAZKARIA.
