RSS
250. zk., 2009ko abenduaren 30a, asteazkena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Xedapen Orokorrak
Ekonomia eta Ogasun Saila
Industria, Berrikuntza, Merkataritza eta Turismo Saila
6785
627/2009 Dekretua, abenduaren 22koa, Euskal Autonomia Erkidegoko Administrazioaren 2009ko ekitaldiko aurrekontuko «Espainiako Sektore Publikoarekiko Finantza Harremanak» 9211 programan diru-sarrerak lortu direla-eta, «Teknologia» 5413 programan 7.616.799 euroko kredituak gaitzen dituena.
Euskal Autonomia Erkidegoan Nazioarteko I+G+b sustatzeko jarduerak Euroingenio Funtsaren kontura finantzatzeko, CDTIk eta Euskal Autonomia Erkidegoko Administrazio Orokorrak izenpetutako hitzarmena dela-eta, 7.616.799 euroko diru-sarrera gehigarriak lortu dira. Industria, Berrikuntza, Merkataritza eta Turismo Sailak kreditu horiek gaitzea eskatu du.
Horregatik, Euskadiko Aurrekontu Erregimenari buruzko indarreko lege-xedapenen testu bategina onartu zuen irailaren 27ko 1/1994 Legegintzako Dekretuko 82. eta 83. artikuluetan ezarritakoari jarraituz, gaitu egiten da aipatutako zenbatekoa.
Ondorioz, Ekonomia eta Ogasuneko sailburuak eta Industria, Berrikuntza, Merkataritza eta Turismoko sailburuak proposatuta, Jaurlaritzaren Kontseiluak 2009ko abenduaren 22an egindako bilkuran aztertu eta onartu ondoren, hauxe
XEDATU DUT:
Artikulu bakarra.- Euskal Autonomia Erkidegoko Administrazio Orokorraren 2009ko ekitaldiko aurrekontuan kreditu batzuk gaitzea onartzea, gastuen egoera-orri hauetan:
Programa Azpikontzeptua Euroak
5413 454.99 2.116.799
5413 752.00 5.500.000
Diru-sarreren egoera-orri honetan beste hainbesteko diru-sarrerak lortzetik sortzen dira kredituok:
Programa Azpikontzeptua Euroak
9211 431.00 2.116.799
9211 731.00 5.500.000
Funts horiek Euroingenio Funtsaren kontura egin beharreko neurriak finantzatzeko erabiliko dira.
AZKEN XEDAPENA
Dekretu hau Euskal Herriko Agintaritzaren Aldizkarian argitaratzen den egunaren biharamunean jarriko da indarrean.
Vitoria-Gasteizen, 2009ko abenduaren 22an.
Lehendakaria,
FRANCISCO JAVIER LÓPEZ ÁLVAREZ.
Ekonomia eta Ogasuneko sailburua,
CARLOS AGUIRRE ARANA.
Industria, Berrikuntza, Merkataritza
eta Turismoko sailburua,
BERNABÉ UNDA BARTUREN.
