Euskal Herriko Agintaritzaren Aldizkaria

247. zk., 2009ko abenduaren 24a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileria

Euskal Herriko Unibertsitatea

6718

EBAZPENA, 2009ko azaroaren 27koa, Universidad del País Vasco / Euskal Herriko Unibertsitateko gerentearena, UPV/EHUko lanpostu bat izendapen askearen bidez betetzeko deialdi publikoa ebazten duena.

Bilboko Industria Ingeniaritza Teknikoko UEko zuzendariak egindako txostena ikusita eta lanposturako proposatutako pertsonak 2009ko irailaren 23ko ebazpenean (2009ko urriaren 16ko EHAA) eskatzen ziren betekizunak eta ezaugarriak betetzen dituela ikusita -ebazpen horretan UPV/EHUko lanpostu huts bat izendapen askeaz betetzeko deiladi publikoa iragartzen zen-, Ebazpen horren laugarren oinarria betez eta Euskal Funtzio Publikoari buruzko uztailaren 6ko 6/1989 Legearekin bat etorriz (1989ko uztailaren 28ko EHAA). Gerentzia honek, Universidad del País Vasco / Euskal Herriko Unibertsitateko errektorearen 2009ko urtarrilaren 26ko ebazpenaz eskuordetu zaizkion aginpideez baliatuz (2009ko otsailaren 24ko EHAAn argitaratutako ebazpena, Unibertsitateko Errektoregoaren egitura eta funtzionamendu atalak zehaztu eta eginkizunak eskuordetzen dituena), honako hau

EBATZI DU:

Lehenengoa.- Esperanza Maestre Marín andrea izendatzea behean azaltzen den lanpostua betetzeko.

- Izena: Dekano/Zuzendariaren idazkaria.

- Erref.: F 619.

- Eskala: Administratiboa / Administrazio laguntzailea.

- Taldea: C/D.

- Zenbatgarrena: 28.

- Maila: 18.

- Hizkuntz eskakizuna: 2.

- Langunea: Bilboko Industria Ingeniaritza Teknikoko UE.

- Campusa: Bizkaia.

Bigarrena.- Izendapena EHAAn argitaratu den egunetik ondorioak izango ditu.

Hirugarrena.- Ebazpen honek administrazio-bidea agortzen du eta bere aurka berraztertzeko errekurtsoa jarri ahal izango daGerentzia honen aurrean, hilabeteko epean. Nahiago bada, administrazio-auzietako errekurtsoa jarri ahal izango da zuzenean Bilboko Administrazio Auzietako Epaitegi egokian; horretarako hilabete bi egongo dira, Ebazpen hau Errektoregoko iragarki-oholean argitaratzen den egunaren biharamunean hasita. Hori guztia, Unibertsitateko Estatutuetako 220. artikuluan, urtarrilaren 13ko 4/1999 Legeak aldatutako azaroaren 26ko Herri Administrazioen Araubide Juridikoaren eta Administrazio Prozedura Erkidearen 30/1992 Legeko 116. artikuluan eta uztailaren 13ko Administrazioarekiko Auzien Jurisdikzioa arautzen duen 29/1998 Legeko 8. eta 14. artikuluetan ezarritakoa betetzeko.

Leioa, 2009ko azaroaren 27a.

Gerentea,

XABIER AIZPURUA TELLERIA.