Euskal Herriko Agintaritzaren Aldizkaria

41. zk., 2009ko otsailaren 27a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Bilboko Lehen Auzialdiko 6 Zenbakiko Epaitegia

1097

EDIKTUA, dibortzioari buruzko 366/08 zenbakiko prozeduraren ondoriozkoa.

Bilboko Lehen Auzialdiko 6 zenbakiko Epaitegia (Bizkaia).

Adostasunik gabeko 366/08 dibortzioa.

Alderdi demandatzailea: Gerardo Fernandez García.

Alderdi demandatua: Maria Elena Benitez Beltran.

Gaia: Dibortzioa, 5. XG.

Judizio horretan ebazpena eman da eta honela dio hitzez hitz:

12 ZENBAKIKO EPAIA

Epaia ematen duen epailea: Francisco Benito Alonso jauna.

Lekua: Bilbao (Bizkaia).

Eguna: bi mila eta bederatziko urtarrilaren hamaseia.

Alderdi demandatzailea: Gerardo Fernandez Garcia.

Abokatua: Milagros Vicente Zorrilla.

Prokuradorea: Maria Teresa Bajo Auz.

Alderdi demandatua: Maria Elena Benitez Beltran.

Judizioaren gaia: Dibortzioa, 5. XG.

EPAITZA

Lehenengoa.- Gerardo Fernandez Garcia eta M.ª Elena Benitez Beltran jaun-andreen arteko ezkontza desegintzat ematen da, dibortzioa dela medio, legezko ondorio guztietarako.

Bigarrena.- Behin betiko neurri hauek ezartzen dira eta, nolanahi ere, aurretik ezarri ahal izan diren neurriak ordezkatzen dituzte:

1.- Epaia irmoa denean, ezkontzako ondasunei dagokienez ezkontzako erregimen ekonomikoa deseginda geratuko da.

2.- Ezkontza-etxebizitzaren erabilera eta gozamena Gerardo Fernandez Garcíari esleitzen zaio, etxeko altzariekin eta hornidurarekin, harik eta ezkontideen ondarea likidatzen den arte. Astrabudua-Erandioko Juanene plazako 5. zenbakiko 4.eko C aldean dago kokatuta aipatu etxebizitza.

Hirugarrena.- Kostuak ez zaizkio berariaz inori ezartzen.

Laugarrena.- Epaiaren lehenengo paragrafoa irmoa egindakoan jakinaraz bekie, besterik gabe, dagokien erregistro zibilei, beharrezkoak diren idazpenak egiteko.

Inpugnatzeko modua: Bizkaiko Probintzia Auzitegian apelazio-errekurtsoa jarriz (PZLb, 455. artikulua).

Errekurtsoa prestatzeko, idazkia aurkeztu behar da epaitegi honetan bost egun balioduneko epean, ediktu hau jakinarazi eta biharamunetik aurrera. Idazki horretan, bestalde, honakoak adieraziko dira: apelatutako ebazpena, errekurritzeko nahia eta zein erabaki inpugnatzen den (PZLb, 457.2 artikulua).

Eta nire epaia hau denez, erabaki, agindu eta sinatzen dut.

Argitarapena.- Epaiari dagokion egunean, jendaurreko entzunaldia egiten ari zelarik, epaia eman zuen epaile magistratu berberak eman, irakurri eta argitaratu zuen epaia. Eta nik, idazkari naizenez, horren guztiaren fede ematen dut Bilbon, 2009ko urtarrilaren 16an.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, epaileak, 2008-11-06ko Probidentziaren bitartez, Euskal Herriko Agintaritzaren Aldizkarian ediktu hau argitaratzea ebatzi du, epaia jakinarazteko eginbidea gauzatzeko, hain justu ere.

Bilbao (Bizkaia), 2009ko urtarrilaren 20a.

IDAZKARI JUDIZIALA.