Euskal Herriko Agintaritzaren Aldizkaria

21. zk., 2009ko urtarrilaren 30a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileria

Justizia, Lan eta Gizarte Segurantza Saila

470

AGINDUA, 2009ko urtarrilaren 14koa, Justizia, Lan eta Gizarte Segurantza sailburuarena, irailaren 15eko JUS/2976/2006 Aginduaz Euskal Autonomia Erkidegoan dei egindako hautaprobak gainditu dituzten Justizia Administrazioko Prozesu- eta Administrazio-Kudeaketako Kidegoko funtzionarioei (barne-sustapeneko txanda) lantokiak esleitzeko dena.

Justizia Administrazioaren zerbitzupeko funtzionarioak lanera sartzeko, lanpostuak hornitzeko eta lanpostuz igotzeko Arautegia onartzen duen abenduaren 7ko 1451/2005 Errege Dekretuko 28 eta 29. artikuluetan ezarritakoa betez, 2009ko urtarrilaren 14ko Aginduaren bidez Prozesu- eta Administrazio-Izapidetzako Kidegoko karrerako funtzionario izendatu diren Justizia Administrazioko Prozesu- eta Administrazio-Kudeaketako Kidegoko funtzionarioei (barne sustapeneko txanda) I. eranskinean zerrendatzen diren organo judizial eta fiskaletan lantokiak esleitzea ebatzi dut, honakoak kontuan hartuta:

Lehenengoa.- Agindu honen bidez lantokia esleitzen zaien Prozesu- eta Administrazio-Kudeaketako Kidegoko funtzionarioek egutegiko hogei eguneko epean hartu beharko dute jabetzan haien kargua, agindu hau Euskal Herriko Agintaritzaren Aldizkarian argitaratu eta biharamunetik zenbatzen hasita, edo, Euskal Herriko Agintaritzaren Aldizkarian eta Estatuko Aldizkari Ofizialean batera argitaratu ezean, Estatuko Aldizkari Ofizialean argitaratzen den egunetik zenbatzen hasita, aipatutako errege-dekretuko 29. artikuluan xedatutakoaren arabera.

Lanpostu-jabetzea Giza Baliabideen zuzendariaren edo hark eskuordetutako funtzionarioaren aurrean egingo da, Araba, Gipuzkoa edo Bizkaiko EATetan, esleitutako lantokiari dagokion lurraldearen arabera.

Giza Baliabideen Zuzendaritzak ale bat bidaliko du Justizia Administrazioko Giza Baliabideen Zuzendariordetza Nagusiko Langileen Erregistro Nagusira.

Bigarrena.- Agindu honen bidez lantokia esleitu zaien eta Prozesu- eta Administrazio-Kudeaketako Kidegoan lanean jarraitzea erabakitzen duten funtzionarioek ez dute esleitutako lanpostua jabetzan hartzera joan beharrik izango. Nahikoa izango da hartutako erabakia lehenengo idatz-zatian adierazitako epean Giza Baliabideen Zuzendaritzari jakinaraztea, zuzendaritza horrek Botere Judizialaren uztailaren 1eko 6/1985 Lege Organikoaren 506.d) artikuluan aurreikusitako borondatezko eszedentzia aitortu diezaien. Borondatezko eszedentzia aitortzeko ebazpenaren kopia Justizia Administrazioko Giza Baliabideen Zuzendariordetza Nagusiko Langileen Erregistro Nagusira bidaliko da.

Hirugarrena.- Prozesu- eta Administrazio-Kudeaketako Kidegoan sartzea erabakitzen duten funtzionarioek Justizia Administrazioan emandako zerbitzuetan hutsunerik sortu nahi ez badute —lanpostuaz jabetzeko beharrezkoa den denbora kontuan izanik— egun Prozesu- eta Administrazio-Kudeaketako Kidegoan betetzen duten funtzionario-destinoa Euskal Autonomia Erkidegoan badago, karguaz jabetzeko egun bateko baimen ordaindua eskatu ahal izango diote Giza Baliabideen Zuzendaritzari udalerri-aldaketarik ez baldin badago, edo bi egunekoa udalerri-aldaketa badago, Kanariar Uharteetara, Balear Uharteetara, Ceutara edo Melillara joan behar direnen kasuan izan ezik; horiek gehienez hiru egun hartu ahal izango dituzte kargu berriaz jabetzeko.

Giza Baliabideen Zuzendaritzak lanpostuaz jabetzeari buruzko eta egindako aukerari buruzko aktaren kopia helaraziko dio Justizia Administrazioko Giza Baliabideen Zuzendariordetza Nagusiko Langileen Erregistro Nagusiari.

Funtzionarioak beste lurralde-kudeatzailetza batetik edo giza baliabideen gaineko eskumena duen beste autonomia-erkidego batetik badatoz eta lanpostu berria aukeratzen badute, agiri horiek organo horietara helarazi beharko dira, Prozesu- eta Administrazio-Kudeaketako Kidegoan lanpostuaz jabetzen diren egunaren bezperan Prozesu- eta Administrazio-Izapidetzako Kidegoan borondatezko eszedentzia eta kargugabetze automatikoa ofizioz eman diezaieten, horrela ordainsarietan etenaldirik ez gertatzeko.

Laugarrena.- Prozesu- eta Administrazio-Kudeaketako Kidegoko lanpostu berrian gelditzea aukeratzen duten funtzionarioek, lanpostuaz jabetzen direnetik, martxoaren 10eko 364/1995 Errege Dekretuko bosgarren xedapen gehigarrian ezarritako baimen ordaindua hartzeko eskubidea izango dute. Baimen horretatik agindu honetako hirugarren idatz-zatian aipatzen diren egunak kenduko dira.

Bosgarrena.- Onartutako hautagaiei esleitu zaizkien lanpostuak betetzen ari diren bitarteko funtzionarioek titularra lanpostuaz jabetzen den egunean utziko dute lanpostua.

Seigarrena.- Agindu honen bidez lantokia esleitzen zaien Prozesu- eta Administrazio-Kudeaketako Kidegoko funtzionarioek, kalifikazio-hurrenkera dela-eta lantokia derrigorrean esleitzen bazaie ere, agindu honen datatik zenbatzen hasita bi urte igaro arte ezin izango dute lekualdatze-lehiaketetan parte hartu. Bi urte horiek zenbatzeko, Botere Judizialaren uztailaren 1eko 6/1985 Lege Organikoko 529.3 artikuluko bigarren paragrafoan xedatutakoari jarraituko zaio.

Zazpigarrena.- 2009ko urtarrilaren 14ko Aginduaren bidez izangaiei eskaini eta Prozesu- eta Administrazio-Kudeaketako Kidegoan barne-sustapenaren bidezko izangai sartu berriei esleitu gabe utzitako plazek hutsik jarraituko dute, txanda libreko Prozesu- eta Administrazio-Kudeaketako Kidegoan sartzen diren izangaientzat gordeta.

Agindu honen aurka interesdunek aukerako berraztertzeko errekurtsoa aurkez diezaiokete Justizia, Lan eta Gizarte Segurantza sailburuari hilabeteko epean; bestela, administrazioarekiko auzi-errekurtsoa aurkez dezakete, Euskal Autonomia Erkidegoko Auzitegi Nagusiko Administrazioarekiko Auzien Salan, bi hilabeteko epean. Agindua Estatuko Aldizkari Ofizialean argitaratu eta hurrengo egunetik aurrera zenbatuko dira epeak bi kasuetan.

Vitoria-Gasteiz, 2009ko urtarrilaren 14a.

Justizia, Lan eta Gizarte Segurantza sailburua,

JOSEBA AZKARRAGA RODERO.

I. ERANSKINA

Hurrenkera-zk. NAN Abizenak Izena Esleitutako destinoa Udalerria Probintzia

1 11909554 Alonso Riocerezo Raquel Lehen Auzialdiko 11 zenbakiko Epaitegia Bilbao Bizkaia

2 11910201 Fuente Vinagre Francisco, de la Lehen Auzialdiko 3 zenbakiko Epaitegia Bilbao Bizkaia

3 30569888 Salcedo Sastre Ana Maria Zigor arloko 7 zenbakiko Epaitegia Bilbao Bizkaia

4 30609402 Quinteiro Garcia Amaia Lehen Auzialdiko 6 zenbakiko Epaitegia Vitoria-Gasteiz Araba

5 30592594 Paniagua Andres Ana Cristina Lehen Auzialdiko eta Instrukzioko 2 zenbakiko Epaitegia (E.Z.) Amurrio Araba

6 17442758 Perez Sanchez Isabel Instrukzioko 4 zenbakiko Epaitegia Donostia-San Sebastián Gipuzkoa

7 30596323 Marcos Melendo Ana Maria Lehen Auzialdiko 3 zenbakiko Epaitegia Bilbao Bizkaia

8 14596984 Alvarez Lacalle Jesus Maria Lehen Auzialdiko eta Instrukzioko 4 zenbakiko Epaitegia Durango Bizkaia

9 11904719 Olaeta Uribarri Edurne Zigor arloko 7 zenbakiko Epaitegia Bilbao Bizkaia

10 30609146 Perez Barredo Maria Elena Emakumearen aurkako Indarkeriaren arloko 2 zenbakiko Epaitegia Bilbao Bizkaia

11 16302747 Gonzalez Lorenzana Maria Concepcion Lehen Auzialdiko 4 zenbakiko Epaitegia Vitoria-Gasteiz Araba

12 16279277 Gomez Arrazola Maria Soledad Zigor arloko 2 zenbakiko Epaitegia Vitoria-Gasteiz Araba

13 15371444 Albeniz Sasieta Eva Maria Lehen Auzialdiko eta Instrukzioko 4 zenbakiko Epaitegia Bergara Gipuzkoa

14 16555453 Lopez Aguayo Mercedes Zigor arloko 7 zenbakiko Epaitegia Bilbao Bizkaia

15 78867376 Ortega Ortega Rosa Maria Lehen Auzialdiko eta Instrukzioko 1 zenbakiko Epaitegia (E.Z.) Eibar Gipuzkoa

16 30595833 Fernandez Fernandez Maria Isabel Emakumearen aurkako Indarkeriaren arloko 2 zenbakiko Epaitegia Bilbao Bizkaia

17 15947771 Bellido Bolivar Francisco Javier Lehen Auzialdiko 6 zenbakiko Epaitegia Donostia-San Sebastián Gipuzkoa