RSS
181. zk., 2008ko irailaren 23a, asteartea
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Industria, Merkataritza eta Turismo Saila
5359
EBAZPENA, 2008ko ekainaren 23koa, Energia eta Meategien zuzendariarena, zeinaren bitartez onartu eta herri-onurako deklaratzen baitira Muskiz eta Abanto-Zierbena udalerrietan, 14. eta 8. euskarrien artean, 10 Somorrostro-Muskiz Zirkuitua eta Campillo-Gallarta 4 Zirkuitua lotzeko airetiko 13,2 kV-ko linea elektrikoaren proiektua eta instalazioa.
Erref.: L-6926-ATH-2008-01-ASS/JAR.
AURREKARIAK
1.– 2008ko urtarrilaren 2an, Iberdrola Distribución Eléctrica SAk (Bilboko Gardoki kalea, 8) ondoko linea elektrikoari doakion proiektua onartzea, herri-onurako deklaratzea eta administrazio-baimena eskatu zituen: Muskiz eta Abanto-Zierbena udalerrietan, 14. eta 8. euskarrien artean, Somorrostro-Muskiz 10 Zirkuitua eta Campillo-Gallarta 4 Zirkuitua lotzeko airetiko linea elektrikoa, 13,2 kV-koa. Hartarako, Joseba Sáez de Vicuña Díez industria-ingeniari teknikoak sinatutako eta Arabako Industri Ingeniarien Elkargo Ofizialak 2007-12-20an 023852 zenbakiz bisatutako proiektu teknikoa aurkeztu zuen, eskabidearekin batera.
2.– Eusko Jaurlaritzaren abenduaren 3ko 282/2002 Dekretuaren 10. artikuluan aurreikusitako ondorioetarako, Iberdrola Distribución Eléctrica SAren aipatu eskabidea jendaurrean erakusteko iragarkia argitaratu zen, 2008-01-25ean BAOn, 2008-02-20an EHAAn eta 2008-01-21ean Deia egunkarian.
3.– 2008ko urtarrilaren 14an, Muskiz eta Abanto-Zierbenako udalei ofizio bat bidali zitzaien, hain justu ere euren udaletxeetan iragarki-oholetan aipatu iragarkia erakuts zezaten; instalazioa herri-onurako izateaz edo ez izateaz txostena emateko ere eskatu zitzaien, bai eta, egoki bada, baldintza teknikoak azaltzeko ere. Horretaz gain, Bizkaiko Foru Aldundiari ere eskatu zitzaion aipatu txostena emateko.
4.– 2008ko apirilaren 30ean, Muzkizko Udalari, Bizkaiko Foru Aldundiari eta Abanto-Zierbanako Udalari berriro eskatu zitzaien txostena, 2008ko ekainaren 4ko datarekin. Izan ere, lehenengo eskarian ezarritako epearen barruan ez baitzen jaso erantzunik.
5.– Horretarako ezarritako jendaurreko informazio-epean, Bizkaiko Lurralde Bulegoan ez da alegazio partikularrik jaso, ez eta eraginpeko udalen eta erakundeen baldintza teknikorik ere, horretarako emandako epeetan.
ZUZENBIDEKO OINARRIAK
Espedientean ondokoetan xedatutako legezko izapideak bete dira: abenduaren 3ko 282/2002 Dekretuko 10. artikulua (2002-12-23ko EHAA) eta abenduaren 1eko 1955/2000 Errege Dekretuko 144. artikulua (2000-12-27ko BOE), testu horretako azken xedapenetarik lehenengoa, Nahitaezko Desjabetzeari buruzko 1957ko apirilaren 26ko Legearen Erregelamenduko 17. artikulua eta Sektore Elektrikoari buruzko azaroaren 27ko 54/1997 Legeko 53. artikulua, airetiko goi-tentsioko linea elektrikoak arboladietatik pasatzeko preskripzio espezifikoak ezartzeko Energia eta Meategien zuzendariaren 2007ko urtarrilaren 29ko Ebazpena (2007-05-04ko EHAA) eta bat datozen gainerako legeak.
Energia zuzendariak, Industria, Merkataritza eta Turismo Sailaren egitura organikoa eta funtzionala ezartzen dituen urriaren 11ko 284/2005 Dekretuan (2005-10-27ko EHAA) aitortzen dizkion ahalmenenak betez, ondoko hau
EBATZI DU:
Iberdrola Distribución SAUri baimena ematea eta Muskiz eta Abanto-Zierbena udalerrietan, 14. eta 8. euskarrien artean, 10 Somorrostro-Muskiz Zirkuitua eta Campillo-Gallarta 4 Zirkuitua lotzeko airetiko 13,2 kV-ko linea elektrikoaren proiektua onartzea. Hauek dira proiektuaren ezaugarri nagusiak:
Airetiko linea elektrikoa.
– Zerbitzu-tentsioa: 13,2 kV.
– Eroaleak: AL-AC tipoko 3 (1x116,2 mm2).
– Euskarriak: metalikoak.
– Luzera: 1.907 m.
– Hasiera: 10. euskarria, 10 Somorrostro-TEA Muskiz zirkuitua lineakoa.
– Amaiera: 7. euskarria, 4 Campillo-TEA Gallarta zirkuitua lineakoa.
Baimentzen den instalazioa herri-onurakotzat deklaratzea eta deklarazioak, azaroaren 27ko 54/1997 Legeko 54. artikuluan xedatutakoaren indarrez, honako hauek dakartza: ondasunak okupatu eta eraginpeko eskubideak hartu behar direla eta okupazioa, gainera, presaz egin behar dela. Deklarazioak, halaber, Nahitaezko Desjabetzeari buruzko 1954ko abenduaren 16ko Legearen 52. artikuluak presaz okupatzeko deklarazioari dagokionez ezartzen dituen ondorioak ekartzen ditu, 53. artikuluan zehaztutako erregistro ondorioekin.
Abenduaren 1eko 1955/2000 Errege Dekretuan eta abenduaren 3ko 282/2002 Dekretuan xedatutakoarekin bat etorriaz eta ondoko baldintza orokorrekin ematen da ebazpen hau:
1.– Joseba Sáez de Vicuña Díez industria ingeniari teknikoak sinatutako eta Arabako Industri Ingeniarien Elkargo Ofizialak 2007-12-20an 023852 zenbakiarekin ikus-onetsitako proiektuaren arabera burutu beharko dira obrak.
2.– Martxan jartzeko epea urtebetekoa izango da, ebazpen honen datatik hara.
3.– Instalazioen titularrak obrak amaitu direla jakinarazi beharko dio Bizkaiko Lurralde Bulegoari, betiere behin betiko errekonozimenduaren ondorioetarako eta martxan jartzeko akta emateko.
4.– Obrak egiteko beharrezko diren udal edo probintzien eskumenpeko baimen edo lizentziak eta gainerakoenak errespetaturik, ematen da baimen hau, eta ez du salbuesten eskatzailea haiek eskuratzeko obligaziotik. Halaber, inoren eskubideei kalterik egin gabe eta jabetza-eskubideari eutsiz ematen da.
Ebazpen honek ez du administrazio-bidea amaitzen. Beraz, gora jotzeko errekurtsoa aurkez daiteke Berrikuntza eta Energia sailburuaren aurrean, ebazpena jakinarazten den egunaren biharamunetik hasi eta hilabeteko epean, hala agintzen baita 4/1999 Legean (lege horrek Herri Administrazioen Araubide Juridiko eta Administrazio Prozedura Erkidearen azaroaren 26ko 30/1992 Legea aldatu zuen).
Vitoria-Gasteiz, 2008ko ekainaren 23a.
Energia eta Meategien zuzendaria,
TXABER LEZAMIZ CONDE.
