Euskal Herriko Agintaritzaren Aldizkaria

Gipuzkoako Foru Aldundiak, 2006ko uztailaren 18an, “Mutrikuko Hiri Antolaketako Arauen Berrikuspena” izeneko proiektuaren espediente behin betiko onartu zuen.

Etxebizitza eta Gizarte Gaietako Sailaren 2007ko azaroaren 28ko Aginduaren bidez hasiera eman zitzaion jabetza nahitaez kentzeko prozedurari, “Mutrikuko SR-4 Magdalena Sektoreko Urbanizatzeko jarduketa-programa (U.J.P)” proiektuak hartzen dituen ondasun eta eskubideez jabetzeko.

Agindutako moduan jendaurrean jarri ondoren Jaurlaritzaren Kontseiluak, 2008ko maiatzaren 6ko Dekretuaren bidez, erabaki zuen presakotzat jotzea eraginpeko ondasun eta eskubideez jabetzea, Jabetza Nahitaez Kentzeari buruzko 1954ko abenduaren 16ko Legearen 52. artikuluan ezarritakoarekin bat etorriz.

Horretarako, ondasun eta eskubideen titularrei dei egiten zaie, erantsitako zerrendan agertzen baitira, aipatzen diren egunean eta orduan, eta Mutrikuko Udaletxera azaldu ondoren, eraginpeko ondasunez eta eskubideez jabetu aurreko aktak egin daitezen, eta, formalki ere okupatuko dira lursailok. Horrez gainera, gauzak zehaztearren, interesdunek hala eskatuz gero, lursailera bertara joateko aukera ere egongo da.

Egun horretan, eraginpeko norbanakoak beren izenean azaldu ahal izango dira edo berak ordezkatuko dituen eta horretarako behar bezala baimenduta egongo den pertsona batekin. Bere titulartasuna egiaztatzen duten agiriak aurkeztu beharko ditu (eskritura publikoak, pribatuak, ziurtagiriak edo Jabego Erregistroaren informazio-oharrak, eta abar) bai eta bere eskubideen egiaztagiriren bat ere. Egoki ikusiz gero, bere perituekin eta notario batekin ere azaldu ahal izango da, gastu horiek berak ordaindu behar izango baditu ere.

Era berean, Jabetza Nahitaez Kentzeari buruzko Legearen 56.2 artikuluan xedatutakoaren arabera, interesatuek, eta argitaratutako zerrendetan agian jaso ez diren eskubide errealen edo interes ekonomikoen titular diren pertsonek, egokitzat jotako alegazioak aurkeztu ahal izango dituzte idatziz Eusko Jaurlaritzako Etxebizitza eta Gizarte Gaietako Sailaren Bizkaiko Lurralde Ordezkaritzaren bulegoetan (Andia, 13, Donostia-San Sebastián), aktak jasotzeko izendatuta dagoen egunera arte, hartu behar diren ondasunen eta eskubideen zerrenda egiterakoan agian egindako akatsak zuzentzea xede dela.

Vitoria-Gasteiz, 2008ko maiatzaren 6a.

Etxebizitza eta Gizarte Gaietako sailburua,