Euskal Herriko Agintaritzaren Aldizkaria

1.– Entitate kontratatzailearen izena, helbidea, telefono zenbakia eta faxa:

Euskal Trenbide Sarea entitate publikoa, Santiago de Compostela, 12-5. solairua, 48003, Bilbao. Telefonoa: 34 94 657 26 00. Faxa: 34 94 657 26 01. E-maila: ets@ets-rfv.es.

2.– Sailkatzeko sistemaren helburua.

CPV: 27150000, 27212000, 27350000, 28000000, 29120000, 29813000, 29836300, 29851330, 29852000, 29852100, 29852500, 29861300, 29861600, 30190000, 30217300, 30231200, 31600000, 31680000, 31681410, 32523000, 34000000, 36700000, 40100000, 45000000, 45220000, 45233292, 45234100, 45311000, 45314000, 45315300, 45350000, 50000000, 50222000, 50700000, 63000000, 64200000, 66000000, 70310000, 72000000, 72500000, 74120000, 74131100, 74131110, 74200000, 74230000, 74231800, 74276200, 74610000, 74614000, 85142300, 90121000, 93000000.

Kategorietan biltzen diren obra, produktu eta zerbitzu multzoak sailkatzen ditu iragarki honek; kategoria horietarako, Euskal Trenbide Sareak hornitzaileen erregistroko (aurrerantzean proTRANS) datu-basea erabiliko du.

Obra, produktu eta zerbitzuen kodea, multzoen deskribapena:

1. Obra eta instalazioak.

1.1. Trenbideen azpiegituretako obrak.

1.2. Obra orokorrak.

1.3. Elektrifikazioa.

1.4. Lokal eta eraikinetako instalazioak.

1.5. Segurtasuneko instalazioak.

1.6. Trenbide-segurtasuneko instalazioak.

1.7. Telekomunikazio instalazioak.

1.8. Geltokien ekipamendua.

1.9. Industria-ekipamendua.

2. Produktu orokorrak.

2.1. Lehengaiak, oro har.

2.2. Ekipamendua eta material elektrikoa.

2.3. Hodiak eta osagarriak.

2.4. Ekipamendu mekanikoak eta lantegietakoak.

2.5. Arropa, oinetakoak eta segurtasuneko langileen ekipamendua.

2.6. Industria-ibilgailuak.

2.7. Energia, ura, olioak, gasak eta petrolioaren produktu finduak.

2.8. Bulegoko materiala, informatikako tresneria eta hornidurak.

2.9. Ibilgailuentzako akabera-ekipamenduak.

3. Trenbide-sektoreko produktuak.

3.5. Trenbideko elektrizitate ekipoa (nagusia eta laguntzailea).

3.6. Instalazio finko, trenbide eta obretarako materiala.

3.7. Trenbidearekin lotura zuzena duten beste hornidura batzuk.

4. Autobus bidezko garraioaren sektoreko produktuak.

4.1. Autobusen hornidura.

7. Zerbitzu orokorrak.

7.1. Eraikin eta instalazioen mantentze-lanak.

7.2. Informatika, erreprodukzio eta telekomunikazio zerbitzuak.

7.3. Aseguru, banku eta lege zerbitzuak eta horiekin lotutakoak.

7.4. Higiene-zerbitzuak eta hondakinak kudeatzekoak.

7.5. Alokatzea, renting-a eta leasing-a.

7.6. Zaintza eta segurtasuna.

7.7. Aholkularitza, ingeniaritza eta laguntza teknikoa.

7.8. Garraioak eta bidaiak eta horiei lotutako zerbitzuak.

7.9. Beste zerbitzu orokor batzuk.

8. Trenbide-sektoreko berariazko zerbitzuak.

8.3. Beste trenbide-zerbitzu batzuk.

Multzo horietako bakoitzean sartzen diren obra, produktu eta zerbitzuen kategoriak jakin nahi izanez gero, obra, produktu eta zerbitzuen kodea eska dezakezu 6. puntuan adierazitako helbidean.

3.– Sailkapenean bete behar diren baldintzak, egiaztatze sistemaren eta metodoen arabera.

Hornitzaileak oinarrizko ezaugarrien arabera erregistratuko dira eta, bereziki, obren, produktuen eta zerbitzuen arabera eskatzen duten kategoriarako dituzten giza baliabide eta baliabide material, ekonomiko eta teknikoak kontuan hartuta. Hornitzaileak sistemari dagokion galdetegia bete behar du, bai eta eskatzen zaizkion agiriak eta sinatutako aitorpena igorri ere.

Galdetegian datu hauek aztertzen dira: konpainiari buruzko informazio orokorra eta Merkataritza Erregistroko edo horren baliokide den entitate bateko datuak; harremanetan jartzeko pertsona; funtsezko langileak eta langileen kopurua; enpresak dituen biltegiak eta ekoizpen-zentroak; konpainia elkartuak; azken bi urteetako finantza-datuak; banku eta kontu-ikuskari nagusiak; lanbideko arriskuen aseguramendua; kalitatea ziurtatzeko sistemei buruzko informazioa; ingurumen-kudeaketa eta laneko arriskuen prebentzioa eta hautatutako obra, produktu edo zerbitzuari buruzko informazio zehatza (erreferentziak barne).

4.– Sailkatzeko sistemaren indarraldia eta berritzeko izapideak.

Hornitzaileen Erregistroko Sistemak (proTRANS) mugagabeko iraupena izango du, baina hor egindako inskripzioak urtero berritu beharko dira, 3. puntuko informazioa eguneratzeko. Edozein hornitzaile une oro sartu ahal izango da sisteman.

5.– Iragarkia lizitazioaren deialdia dela aipatzea.

Iragarki hau lizitaziorako deialdia ere izango da: prozedura negoziatua edo murriztua erabiliko da. Bigarren puntuan aipatutako obra, produktu eta zerbitzuen multzoan sartzen diren kategorietarako erabiliko du Euskal Trenbide Sareak Hornitzaileen Erregistroko Sistema (proTRANS).

6.– Sistemari buruzko informazioa eta agiriak jasotzeko lekua.

Sistemaren zehaztasunetan, jarduteko prozedura eta parte hartzeko behar diren agiriak aipatzen dira; zehaztasunak toki hauetan jaso daitezke:

Departamento de Registro, Aquiles España y Portugal, SL, General Ramírez de Madrid, 8-10, 1. solairua, 28020, Madril.

Telefonoa: 34 91 426 49 13. Faxa: 34 91 426 49 11; web orria: www.achilles.com. E-maila: protrans@achilles.com.

7.– Bestelako argibideak.

Euskal Trenbide Sarea entitate publikoak Hornitzaileen Erregistro-Sistema Bateratu bat, “proTRANS” izenekoa, ezarri du enpresa hauekin: Empresa Municipal de Transportes de Madrid, S.A., Empresa Municipal de Transportes de Valencia, S.A., Eusko Trenbideak Ferrocarriles Vascos, S.A., Ferrocarril Metropolità de Barcelona, S.A., Ferrocarrils de la Generalitat de Catalunya, Ferrocarrils de la Generalitat Valenciana, Ferrocarril de Sóller, S.A., Metro Bilbao, S.A., Metro de Madrid, S.A., Metro de Málaga, S.A., Metro Tenerife, S.A., MINTRA (Madrid, Infraestructuras del Transporte), Transports de Barcelona, S.A. eta Transportes Urbanos de Sevilla. Horren helburua da hornitzaileak eta kontratistak modu eraginkor eta objektibo batez erregistratzeko tresna izatea, inor diskriminatuko ez duena eta beti eguneratuta egongo dena.

Sistema lehenengo fasea baino ez da, Euskal Trenbide Sarea entitate publikoa sailkatzeko prozesuaren aurrekoa. Enpresak sailkapen-fase osagarriak ezar ditzake; horretarako, irizpide osagarriak ezarriko ditu jarduera-sektore berezietarako.

Hornitzaileen Erregistroko Sisteman (proTRANS) izena emanda dauden enpresek, eskaintzak aurkezterakoan, ez dute zertan aurkeztu administrazio-agiririk.

Hornitzaileen Erregistroko Sisteman (proTRANS) izena emanda egon arren, horrek ez du esan nahi hornitzaileari eskaintzak aurkezteko gonbita egingo zaionik ez eta inskripzioak dirauen bitartean kontratu bat esleituko zaionik ere.

Euskal Trenbide Sarea entitate publikoa pro-TRANS erregistroan oinarrituko da hautagaiak aukeratzerakoan, 2. puntuan aipatutako obra, produktu eta zerbitzuen kategorietako eskaintzetatik 31/2007 Legearen menpe daudenak aurkez ditzaten.

Euskal Trenbide Sareak deitutako prozedura murriztu eta negoziatuetan, 2. paragrafoan aipatutako obra, produktu eta zerbitzuen kodeari dagozkion obra, hornidura eta zerbitzuen eskaintzak aurkeztu ahal izateko, interesatuek nahitaez egon behar dute izena emanda Hornitzaileen Erregistroko Sisteman (proTRANS), kasuan kasuko multzoan edo azpimultzoan; gainera, baldintza orokorren eta zehatzen pleguetan adierazitako baldintza zehatzak ere bete beharko dituzte.

Aurreko lerrokadan esandakoa gorabehera, aipatutako multzo edo azpimultzoetako obrak, produktuak edo zerbitzuak esleitzeko orduan, enpresak proTRANS erregistroan ez dauden lizitatzaileak gonbidatu ahal izango ditu eskaintzak aurkeztera, baina kasu honetan baino ez: horien zenbatekoa, aurrekontuen arabera, 31/2007 Legean kontratu bakoitzerako zehaztutakoa baino txikiagoa denean eta egoerak hala eskatzen duenean.

Egoki deritzonean, Euskal Trenbide Sareak iragarkiak argitaratuko ditu kategoria horietako kontratu berezietarako.

ProTRANS erregistroan izena emanda dauden edo izena emateko eskaria egin duten hornitzaileek ez dute berriro erristratzeko eskatu beharrik.

Iragarkia Europar Batasunaren Aldizkari Ofizialera bidali den eguna: 2008ko maiatzaren 27a.

Iragarkia Europar Batasunaren Aldizkari Ofizialean jaso den eguna: 2008ko maiatzaren 27a.

Bilbao, 2008ko maiatzaren 29a.

Idazkari nagusia,