RSS
118. zk., 2008ko ekainaren 23a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Industria, Merkataritza eta Turismo Saila
3834
IRAGARKIA, Industria, Merkataritza eta Turismo Saileko Bizkaiko Lurralde Bulegoko buruarena, Etxebarriko Udalerrian etxe- eta merkataritza-erabileretarako “MOP 5 bar-eko gas naturala banatzeko sarea eta Etxebarriko ENE” deritzon proiektuaren administrazio-baimenerako eskabidea jendaurrean erakusteko dena. Erreferentzia : Gud- XXXI-Etxebarria-CGB-2008/12 JCE/JAR. Hidrokarburoen Sektoreari buruzko urriaren 7ko 34/1998 Legeko 73.4 artikuluan (1998-10-08ko BOE), eta Gas naturaleko instalazioetako garraioa, banaketa, merkaturatzea, horniketa-jarduerak eta baimen-prozedurak onartzen dituen abenduaren 27ko 1434/2002 Errege Dekretuan (2002-12-31ko BOE) aurreikusitako ondorioetarako, etxe- eta merkataritza-erabileretarako gas naturalaren banaketa-proiektuaren baimenerako eskabidea jendaurrean jartzen da; hona hemen berari buruzko datuak: Eskatzailea: Naturgas Energía Distribución, S.A.U. Helbidea: Pío Baroja enparantza-3, 2. solairua. 48001 Bilbao. Kokalekua: Etxebarriko udal-mugartea. Eskabidearen xedea: Etxebarriko etxe- eta merkataritza-erabileretarako gas natural kanalizatuaren banaketa eta horniketa egiteko instalazioak eraikitzeko administrazio-baimena eskatzen da. Aurrekontua: 213.679,80 euro. Eta hori guztia argitara ematen da, batetik, Bilboko Concha Jeneralaren kaleko 23ko 5. solairuan dagoen Bizkaiko Lurralde Bulegoan proiektua nornahik azter dezan, eta, bestetik, iragarki hau argitaratzen den egunaren biharamunetik hasi eta hogei eguneko epean erreklamazioak, alegazioak edo kontra egiteko proiektuak (bakoitzaren hiru ale) aurkeztu ahal daitezen. Bilbao, 2008ko apirilaren 17a. Lurralde Bulegoko burua, JESÚS MARI EIZMENDI ZIALTZETA.
