![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
98. zk., 2008ko maiatzaren 26a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Euskal Autonomia Erkidegoko Auzitegi Nagusia
3204
EDIKTUA, Euskadiko Halterofilia Federazioaren estatutuetako 5. eta 6.1.a) artikuluak bertan behera uzteko kautelazko neurria baiesten duen 970/07 prozedurari dagokiona.
Jakinarazten da ezen, 970/07 administrazioarekiko auzi-errekurtsoan autoa eman zela 2008ko urtarrilaren 17an, zeina ez baita irmoa, izan ere, kasazio-errekurtsoa aurkeztu da bere kontra. Administrazioarekiko auzi-errekurtso hori Estatuko Administrazioak sustatu du Euskadiko Halterofilia Federazioaren Estatutuen aldaketa onartu eta EAEko Kirol Erakundeen Erregistroan inskribatzen duen Eusko Jaurlaritzaren Kirol zuzendariaren 2007ko apirilaren 25eko Ebazpenaren aurka. Autoaren xedapen zatia:
Federazioaren estatutuetako 5. eta 6.1.a) artikuluak bertan behera uzteko kautelazko neurria hartzea, hain justu ere federazio horren kirol-modalitateari dagokion euskal kirol federatuaren ordezkaritza bere eskumen modura hartzeagatik "nazioarteko kirol-jarduera eta -lehiaketa ofizialetan".
Eta denek jakin dezaten ematen da esandakoaren berri, Administrazioarekiko Auzien Jurisdikzioa arautzen duen uztailaren 13ko 29/1998 Legearen (AAJL) 107. artikuluan xedatutakoa betez.
Bilbao, 2008ko apirilaren 15a.
IDAZKARI JUDIZIALA.