Euskal Herriko Agintaritzaren Aldizkaria

59. zk., 2008ko martxoaren 28a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Justizia, Lan eta Gizarte Segurantza Saila

1839

EDIKTUA, 2008ko otsailaren 18koa, Lan eta Gizarte Segurantza zuzendariarena, Autopremium, SA enpresari 07.0189.48.01.01.03 espedientearen gainean hartutako ebazpena jakinaraztekoa.

Nik, Adolfo González Berruetek, Lan eta Gizarte Segurantza zuzendari naizen aldetik,

Jakinarazten dut Autopremium, SA enpresaren aurka irekitako 07.0189.48.01.01.03 espedientea amaitu eta ebazpena hartu dela. Ebazpen horren bidez, 07.0189.48.01.01.03 espedientean enpresari irekitako 932/07 zenbakiko arau-hauspen aktan jarritako isuna baietsi egin da eta Autopremium, SA enpresari hogeita hamar mila euroko (30.000) zehapena ezarri zaio, Langileen Estatutuari buruzko Legearen Testu Bategina onartzen duen martxoaren 24ko 1/1995 Legegintzako Errege-Dekretuaren (29ko BOE) 51. artikuluak eta Enplegua Arautzeko Prozedura onartzen duen 43/1996 Errege Dekretuak xedatutakoa ez betetzeagatik.

Dena dela, "Autopremium, SA" enpresari ezin izan diogu ebazpena jakinarazi, saiatu garen arren jasota geneukan helbidean: Fernández del Campo 28, Bilbao (Bizkaia). Beraz, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 59.4 artikuluan agindutako moduan jakinarazten zaio, eta ohartarazten zaio ebazpen horrek ez duela amaitzen administrazio bidea eta haren aurka gora jotzeko errekurtsoa aurkez diezaiokeela Eusko Jaurlaritzako Justizia, Lan eta Gizarte Segurantza Saileko Lan eta Gizarte Segurantza sailburuordeari, tokian tokiko lurralde ordezkaritzaren bitartez, hilabeteko epean, jakinarazpena egiten den egunaren biharamunetik aurrera, 30/1992 Legearen 114. artikuluaren eta hurrengoen arabera.

Errekurtso hori ez bada garaiz eta forman aurkezten, ezarritako zehapenaren zenbatekoa sartu beharko du Autopremium, SA enpresak Bizkaiko Lurralde Ordezkaritzak duen Sarreren Kontu Baimenduan (Bilbao Bizkaia Kutxa: 2095-0631-54-2203005921 zk.), eta sartu ere, hogeita hamar eguneko epean, ebazpena jakinarazten zaion egunetik aurrera; eta hori horrela egingo da, Gizarte Arloko Arau-hausteengatik Zehapenak Ezartzeari buruzko eta Gizarte Segurantzako kuoten espediente likidatzaileari buruzko Prozeduraren Araudi Orokorra onartzen duen maiatzaren 14ko 928/1998 Errege Dekretuko 25.1.b artikuluan eta Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 94. eta 138.3 artikuluetan xedatutakoarekin bat etorriz.

Horrela egin ezean, premiamendu-bideari ekiteko administrazio-egintza hasiko da zehapena kobratzeko. Hori dela eta, premiamendu-errekargua eta atzerapen-interesak ordaindu beharko ditu enpresak, hala ezartzen baitu Euskal Autonomia Erkidegoko Ogasun Nagusiaren Diru-bilketarako Erregelamendua onartzen duen abuztuaren 31ko 212/1998 Dekretuan ezarritako prozedurak.

Enpresarentzat jakinarazpen-balioa izan dezan, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 59.4 artikuluan xedatutako moduan argitaratuko da ediktu hau.

Vitoria-Gasteiz, 2008ko otsailaren 18a.

Lan eta Gizarte Segurantza zuzendaria,

ADOLFO GONZÁLEZ BERRUETE.