Euskal Herriko Agintaritzaren Aldizkaria

43. zk., 2008ko otsailaren 29a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Barakaldoko Lehen Auzialdiko 5 Zenbakiko Epaitegia

1275

EDIKTUA, neurri ekonomikoak eta guraso eta seme-alaben arteko neurriak arautzeari buruzko 603/07 prozeduraren ondoriozkoa.

JAKINARAZPEN ZEDULA

Barakaldoko Lehen Auzialdiko 5 zenbakiko Epaitegian (Bizkaia) jarraitutako L2.603/07 seme-alabenganako neurrietarako ezkontzaz kanpoko prozeduran epaia eman da. Sonia Hernandez Poyo andreak sustatua da prozedura, Luis Escudero Arbones jaunaren aurka, neurri ekonomikoei eta guraso eta seme-alaben arteko neurriei buruz. Hona hemen idazpurua eta epaitza, kopiatuta:

84 EPAIA

Epailea: Maria Jesus Gomez Soria.

Lekua: Barakaldo (Bizkaia).

Eguna: bi mila eta zortziko otsailaren seia.

IZO: 48.02.2-07/006076	Prozedura: seme-alabenganako neurrietarako ezkontzaz kanpoko 603/07 prozedura.

Alderdi demandatzailea: Sonia Hernandez Poyo.

Abokatua: Gregorio Revilla Perez.

Prokuradorea: Virginia Tejerina Badiola.

Alderdi demandatua: Luis Escudero Arbones, auzi-iheslari deklaratua.

Ministerio Fiskala azaldu da.

Judizioaren gaia: guraso eta seme-alaben arteko arloko neurriak eta neurri ekonomikoak.

EPAITZA

Luis Escudero Arbones-en aurka, Sonia Hernandez Poyo-ren ordezkaritzak aurkeztutako demanda onetsi egiten dut zati baten; eta Israel eta Elisabet seme-alaba komunei dagokienez honako erabakiak hartzen ditut:

– Amari izendatu zaio seme-alaba komunen zaintza eta babespea. Guraso-ahala, berriz, aitak eta amak edukiko dute. Zuzenbidezko bigarren oinarriak ezarritako bisita-erregimena izango da aitarentzakoa.

– Bien seme-alabentzat 220 euroko elikadura-pentsioa ezartzea, aitak ordaindu beharrekoa. Pentsioa aurretiaz ordaindu beharko du aitak, hile bakoitzeko lehenengo bost egunen barruan, amak izendatzen duen kontuan. Zenbateko hori urtero eguneratuko da Estatistikako Institutu Nazionalak edo horren ordezko erakundeak argitaratutako KPIren arabera. Guraso biek, erdibana, ordainduko dituzte adingabeek sortzen dituzten aparteko gastuak.

Ez da kosturik ezarriko.

Epai hau ez da irmoa eta bere aurka apelazio-errekurtsoa aurkez daiteke: epaitegi honetan prestatu, eta Bizkaiko Probintzia Auzitegian jarri beharko da, bost eguneko epean, epaia jakinarazten den egunaren biharamunetik aurrera; hala agintzen da Prozedura Zibilaren 1/2000 Legearen 457. artikuluan eta hurrengoetan.

Jakinaraz bekie ebazpen hau alderdiei.

Ebazpen honen ziurtagiria egin eta jarduketei erantsi, eta jatorrizkoa Epaien Liburuan sartu.

Hala erabaki, agindu eta sinatu dut.

Argitalpena: epaile magistratuak eman, irakurri eta argitaratu du epai hori, epaia eman duen egunean bertan. Fede ematen dut.

Eta demandatua den Luis Escudero Arbones jaunari behar bezalako jakinarazpena egiteko balio dezan ematen eta sinatzen dut hau, Barakaldon (Bizkaia), bi mila eta zortziko otsailaren seian.

IDAZKARIA.