RSS
6. zk., 2008ko urtarrilaren 9a, asteazkena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Hezkuntza, Unibertsitate eta Ikerketa Saila
159
AGINDUA, 2007ko abenduaren 10ekoa, Hezkuntza, Unibertsitate eta Ikerketa sailburuarena, 2007-2008 ikasturterako hezkuntza-itun berriak izenpetzea ebazten duena.
Irailaren 8ko 293/1987 Dekretuaren bidez hezkuntza-itunen erregelamendua onartu zen eta hezkuntza-itun gehiago hitzartzeko prozedura arautu.
Uztailaren 14ko 196/1992 Dekretuaren 13.1 artikuluan esaten denez, delako urtean amaitzen diren hezkuntza-itunak berritzeko eta beste batzuk hitzartzeko deialdia argitaratuko da urtero.
Hezkuntza, Unibertsitate eta Ikerketa sailburuaren 2007ko maiatzaren 2ko Aginduz, 2007-2008 ikasturterako hezkuntza-itun gehiago hitzartzeko deia egin zen.
Ikastetxeek aurkeztutako eskabideak aztertu eta Hezkuntza, Unibertsitate eta Ikerketa Sailaren lurralde-ordezkaritzek hezkuntza-maila ezberdinetan proposamenak aurkeztu ostean, honako hau
EBATZI DUT:
Lehenengoa.– Agindu honen eranskinean azaltzen diren ikastetxeei 2007-2008 ikasturterako hezkuntza-ituna ukatzea. Eranskinean bertan azaltzen dira erabaki hori hartzeko arrazoiak.
AZKEN XEDAPENA
Agindu honen aurka, aukerako berraztertzeko errekurtsoa aurkeztu ahal izango diote interesdunek Hezkuntza, Unibertsitate eta Ikerketa sailburuari, argitaratu eta biharamunetik aurrera hilabeteko epean; bestela, administrazioarekiko auzi-errekurtsoa aurkez daiteke EAEko Auzitegi Nagusian, agindua Euskal Herriko Agintaritzaren Aldizkarian argitaratu eta biharamunetik aurrera bi hilabeteko epean.
Vitoria-Gasteiz, 2007ko abenduaren 10a.
Hezkuntza, Unibertsitate eta Ikerketa sailburua,
JOSÉ ANTONIO CAMPOS GRANADOS.
ERANSKINA/ANEXO
ARRAZOIA/MOTIVOS
Eskolatze-beharrak ez betetzea / No satisfacer necesidades de escolarización.
IKASTETXEA/CENTRO MAILA/NIVEL
CPES Armengol BHIP Erdi Mailako Heziketa Zikloa / C. Format. de Grado Medio
CPES Escuela Superior de Hostelería de Artxanda BHIP Erdi Mailako Heziketa Zikloa / C. Format. de Grado Medio.
Goi Mailako Heziketa Zikloa / C. Format. de Grado Superior.
CPES Orue Eskola BHIP Goi Mailako Heziketa Zikloa / C. Format. de Grado Superior
