RSS
29. zk., 2007ko otsailaren 9a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Industria, Merkataritza eta Turismo Saila
888
IRAGARKIA, Industria, Merkataritza eta Turismo Saileko Arabako Lurralde Bulegoko buruarena, Urkabustaizko udalerriko Apregindanako bizigunean etxe- eta merkataritza-erabileretarako gas propano kanalizatua biltegiratu, banatu eta hornitzeko instalazioaren proiektua jendaurrean jartzeko dena.
Urriaren 7ko 34/1998 Legean (1998-10-08ko BOE), Nahitaezko Desjabetzeari buruzko 1954ko abenduaren 16ko Legean eta Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legean (1992-11-27ko BOE) aurreikusitako ondorioetarako, ondoko instalazio-proiektua jendaurrean erakutsiko da:
Eskatzailea: Repsol Butano SA.
Helbidea: Urkixo zumarkalea, 80, Bilbao.
Eskabidearen xedea: Urkabustaizko udalerriko Apregindanako bizigunean etxe- eta merkataritza-erabileretarako gas propano kanalizatua biltegiratu, banatu eta hornitzea.
Kokalekua: Apregindanako bizigunea, Unzako Kontzejua.
Deskripzioa:
– 2,45 m3ko lurgaineko depositu bat, orduko 40 kg-ko erregulazio-ekipoarekin PGL biltzekoa, segurtasun eta suteen aurkako babes-ekipoak dituena.
– B presio ertaineko banaketa-sarea, zati baten SDR-11 dentsitate ertaineko polietilenozkoa, 40 mm-ko diametroarekin, 270 metroko luzerarekin.
– SDR-11 dentsitate ertaineko 3 hartune, 32 mm-ko diametrodunak.
Aurrekontua: 13.394 euro.
Jende orok jakin dezan ematen da argitara esandakoa; batez ere, proiektuak eragiten dien lurjabeak eta gainontzeko titularrak jakitun jartzeko, hain justu ere, Vitoria-Gasteizko lurralde-bulego honetan, Samaniego kaleko 2.ean, espedientea aztertu ahal dadin eta egoki iritzitako alegazioak leku horretan aurkeztu ahal daitezen (hiru ale), betiere iragarki hau argitaratzen den egunaren biharamunetik harako hogei eguneko epearen barruan.
Vitoria-Gasteiz, 2006ko azaroaren 17a.
Lurralde Bulegoko burua,
SABIN ZUGADI BARRÓN.
