![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
29. zk., 2007ko otsailaren 9a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Industria, Merkataritza eta Turismo Saila
887
IRAGARKIA, Industria, Merkataritza eta Turismo Saileko Arabako Lurralde Bulegoko buruarena, Bernedoko udalerriko Quintanan etxe- eta merkataritza-erabileretarako gas propano kanalizatua biltegiratu, banatu eta hornitzeko instalazioaren proiektua jendaurrean jartzeko dena.
Urriaren 7ko 34/1998 Legean (1998-10-08ko BOE), Gas Erregaien Zerbitzu Publikoaren Arautegia onartzen duen urriaren 26ko 2913/1973 Dekretuan, Nahitaezko Desjabetzeari buruzko 1954ko abenduaren 16ko Legean eta Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legean (1992-11-27ko BOE) aurreikusitako ondorioetarako, jendaurrean jartzen da ondoko proiektua:
Eskatzailea: Cepsa Elf Gas SA.
Helbidea: Madrid - Ribera del Loira kalea – 50.
Eskabidearen xedea: Bernedoko udalerriko Quintanan etxe- eta merkataritza-erabileretarako gas propano kanalizatua biltegiratu, banatu eta eskuratzea.
Kokalekua: Qintana, Bernedoko udalerria.
Deskripzioa: 4.000 litroko lurgaineko depositu bat, orduko 100 kg-ko erregulazio-ekipoarekin PGL biltzekoa, segurtasun eta suteen aurkako babes-ekipoak dituena. Polietilenozko hodien bidezko B dentsitate ertaineko banaketa-sarea, SDR 11 motakoa, 40 mm-ko diametroa eta 1.100 metroko luzerakoa, hurrenez hurren, eta 32 mm-ko diametroko SDR-11 dentsitate ertaineko polietilenozko hodiko 38 hartune.
Aurrekontua: 41.833,10 euro.
Jende orok jakin dezan ematen da argitara esandakoa; batez ere, proiektuak eragiten dien lurjabeak eta gainontzeko titularrak jakitun jartzeko, hain justu ere, Vitoria-Gasteizko lurralde-bulego honetan, Samaniego kaleko 2.ean, espedientea aztertu ahal dadin eta egoki iritzitako alegazioak leku horretan aurkeztu ahal daitezen (hiru ale), betiere iragarki hau argitaratzen den egunaren biharamunetik harako hogei eguneko epearen barruan.
Vitoria-Gasteiz, 2006ko urriaren 20a.
Lurralde Bulegoko burua,
SABIN ZUGADI BARRÓN.