Euskal Herriko Agintaritzaren Aldizkaria

135. zk., 2006ko uztailaren 17a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Gernika-Lumoko Lehen Auzialdiko 2 Zenbakiko Epaitegia

3698

EDIKTUA, judizio arruntaren gainean bideratutako 116/05 prozeduraren ondoriozkoa.

Gernika-Lumoko (Bizkaia) Lehen Auzialdiko 2 zenbakiko Epaitegia.

Judizioa: 116/05 prozedura arrunta.

Alderdi demandatzailea: Joseba Andoni Golzarri Orue.

Alderdi demandatua: Maria Carmen Garcia Labarta, Maria Josefa Gutierrez Rodriguez, Maria Eloisa Revilla Garcia, Andoni Revilla Garcia eta Antonio Revills Ordoñez-en kausadunak eta jaraunsleak.

Gaia: judizio arrunta.

Aipatu judizioan ebazpena eman da, zeinaren hitzez hitzeko testua hauxe baita:

AUTOA

Epailea: Amaia Polo Perez.

Lekua: Gernika-Lumo (Bizkaia).

Eguna: Bi mila eta seiko apirilaren laua.

AURREKARIAK

Bakarra.– Kausa honetan epaia mean da, 2005eko azaroaren 23koa, 186/05 zenbakiduna, zeina alderdiei jakinarazi baitzaie.

Aipatu ebazpenean, bai epaiaren idazpuruan, bai bigarren aurrekarian eta bai epaitzan ere, honako hau ezartzen da: Irune Gorroño prokuradoreak M.ª Josefa Gutierrez ordezkatzen du eta Eloisa Revilla Garcia auzi-ihesian da; baina errealitatean honako hau gertatzen da: Irune Gorroño prokuradoreak Eloisa Revilla Garcia ordezkatzen du eta M.ª Josefa Gutierrez Rodriguez dago auzi-ihesian.

ZUZENBIDEKO OINARRIAK

Bakarra.– Botere Judizialaren Lege Organikoaren, hots, jurisdikzio guztietan aplikatu behar denaren 267.3 artikuluan xedatzen denez, auzitegiek edozein unetan zuzen ditzakete ageriko errekuntza materialak eta bai aritmetikoak ere.

Kasu honetan, ebazpen honen aurrekarietan adierazitako espresio okerra, izatez errakuntza material bat da, horixe ikusten baita jarduketak irakurriz gero; hortaz, bidezko da hura zuzentzea, betiere aipatu manuan xedatutakoarekin bat etorriaz.

XEDAPENAK

2005eko azaroaren 23ko 186/05 Epaiaren idazketan egindako errakuntza zuzendu egiten da, aurrekari bakarrean markatutako ildotik.

Ebazpen hau batu bekie epaien liburuari eta erantsi bekie testigantza auto printzipalei.

Aurka egiteko era: Auto honen kontra ezin daiteke aurkeztu errekurtsorik; hala ere, horrek ez du eragozten bestelako errekurtsoak aurkeztea, esate baterako, jatorrizko ebazpenaren aurkakoa, horixe adierazi baitzen ebazpen hori jakinarazi zenean (BJLO, 267.7 art.).

Aurreko idatz-zatian aipatu errekurtsoetarako epeak eten egiten dira eskabideaz, eta, betiere, auto hau jakinarazi eta hurrengo egunetik hara zenbatu behar dira.(BJLOko 267.8 artikulua)

Eta epaileak ebatzi eta sinatu egiten du. Fede ematen dut.

Epailearen sinadura.	Idazkariaren sinadura.

Alderdi demandatuaren egungo bizilekua edo helbidea ezezagunak direnez gero, Prozedura Zibilaren 1/2000 Legearen 156.4 eta 164 artikuluetan xedatutakoarekin bat etorriaz, epaile jaunak, 2006-05-26ko Probidentziaz, ediktu hau argitaratzea erabaki du, epaitegi iragarki-oholean eta Euskal Herriko Agintaritzaren Aldizkarian, hain justu ere jakinarazpen-eginbidea gauzatzeko.

Gernika-Lumo (Bizkaia), 2006ko maiatzaren 26a.

IDAZKARI JUDIZIALA.