Euskal Herriko Agintaritzaren Aldizkaria

66. zk., 2006ko apirilaren 4a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Vitoria-Gasteizko Lehen Auzialdiko 6 Zenbakiko Epaitegia

1786

EDIKTUA, L2 785/04-B kanbio-judizioaren ondoriozkoa.

Vitoria-Gasteizko Lehen Auzialdiko 6 zenbakiko Epaitegia.

Judizioa: L2 785/04 kanbio-judizioa.

Demandatzailea: Aerodinámica Alavesa, S.L.

Abokatua: Eugenio Moreda Pelado.

Prokuradorea: Javier Area Anitua.

Demandatua: Trazados, Desarrollos y Montajes de Vitoria, S.A.L.

Gaia: zenbateko bat erreklamatzea.

Aipatu judizioaren gainean autoa eman da. Hauek dira xedapenak:

XEDAPENAK

1.– Amaitutzat ematen da kanbio-judizio hau; beraz, ebazpen hau prozedurari amaiera ematen dion autotzat hartzen da. Sar bedi ebazpen hau autoen agiri-sorten liburuan, prozedura honetan testigantza utziz.

2.– Aerodinámica Alavesa SLren izenean eta ordez, —alderdi betearazlea— Area Anitua prokuradore jaunak eskatuta, betearazpena agindu da Trazados, Desarrollos y Montajes, S.A.L. sozietatearen aurka —alderdi exekutatua—, ondoko diru-kopuru hauengatik:

36.844,63 euroko printzipala, eta 11.000 euro berandutzako interes, gastu eta kostuengatik —azken zenbateko hau gerora likidazioa egiteko —; horien betearazpena ebazpen judizialen edo arbitrajeko ebazpenen betearazpenerako aurreikusitakoaren arabera gauzatuko da.

3.– Betearazpena betearazpen-prozesu bezala erregistratuko da, eta honako hauen bidez osatuko da: kanbio-judizioaren gaineko demanda, beroni erantsitako dokumentuak –bereizi eta prozedura honetan testigantza utzi ondoren- eta, azkenik, ebazpen honen testigantza eta burututako betearazpen-jarduketak.

4.– Alde demandatzaileak eskatuta enbargatuko dira aurreneurriz ondasunak, premiamenduzko prozedurarako PZLb-an ezarritakoaren arabera.

5.– Trazados, Desarrollos y Montajes de Vitoria, S.A.L. sozietateari ezin izan zaio zuzenean jakinarazi ebazpena non bizi den ez jakiteagatik; beraz, jakinaraz bekio ediktu bidez. Euskal Herriko Agintaritzaren Aldizkarian argitaratuko da ediktua.

Ebazpen hau irmoa denez, bere aurka ezin da errekurtsorik aurkeztu (PZLb-ren 551.2 artikulua). Hala ere, zordunek —PZLb-ren 556.1 artikuluan ezarritako zioren bat dela-eta— aurre egin diezaiokete, hamar eguneko epean, agindutako betearazpenari, betiere artikulu horretako 2. paragrafoan adierazitako ondorioekin.

Hori erabaki eta sinatu du epaileak. Fede ematen dut.

Trazados, Desarrollos y Montajes de Vitoria sozietate demandatuaren gaur egungo helbidea ezezaguna denez gero, Prozedura Zibilaren 1/2000 Legearen 497.2 artikuluan xedatutakoarekin bat, aipatu ebazpena Euskal Herriko Agintaritzaren Aldizkarian argitaratutako ediktu batez jakinaraztea erabaki da.

Jakinarazten den ebazpenaren testu osoa eskura dute interesatuek, epaitegi honetako idazkaritzan.

Vitoria-Gasteiz, 2006ko martxoaren 10a.

IDAZKARI JUDIZIALA.