Euskal Herriko Agintaritzaren Aldizkaria

1.– Baietsi egin dut Alonso prokuradoreak Jose Félix González San Sebastián jaunaren izenean eta ordez aurkeztu duen demanda, Miguel Ángel Helguera González jaunaren aurkakoa. Hori dela eta, deklaratzen dut suntsituta dagoela ebazpen honen aurrekarietan adierazitako finkaren errentamendu-kontratua. Beraz, demandatua etxea uztera kondenatzen dut eta ohartarazten diot etxetik botako dela baldin eta legez jarritako epean etxea uzten ez badu.

Halaber, demandatzaileari 10.270,73 euroko zenbatekoa ordaintzera kondenatzen dut alderdi demandatua, bai eta 1/2000 PZLaren 576. artikuluan adierazten diren interesak ordaintzera ere.

2.– Alderdi demandatuari ezartzen dizkiot prozesu honetan sortutako kostuak.

Inpugnatzeko modua: apelazio-errekurtsoa, Bizkaiko Probintzia Auzitegian (PZLb, 455. artikulua).

Epaitegi honetan aurkeztutako idazki baten bidez egin beharko da errekurtsoa, jakinarazpenaren biharamunetik aurrera, bost egun balioduneko epearen barruan. Errekurtso horretan, bestalde, honako hauek adierazi beharko dira: zein ebazpen apelatzen den, errekurritzeko nahia eta zein erabaki inpugnatzen den (PZLb, 457.2 artikulua).

Errekurtsoa aurkezteko idazkia onartzeko, ezinbestekoa izango da epemugatutako errentak eta kontratuaren arabera aldez aurretik ordaindu beharrekoak ordainduta dituela egiaztatzea (PZLb, 449.1 artikulua).

Epai honen bidez erabaki, agindu eta izenpetu dut.

Eta Miguel Ángel Helguera González demandatuari behar bezalako jakinarazpena egiteko balio dezan ematen eta sinatzen dut ediktu hau, Bilbon (Bizkaia), bi mila eta bosteko urriaren hamahiruan.

IDAZKARI JUDIZIALA.