RSS
45. zk., 2004ko martxoaren 5a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Xedapen Orokorrak
Gipuzkoako Foru Aldundia
1209
20/2003 FORU ARAUA, abenduaren 15ekoa, Izatezko bikoteen zerga erregimenari buruzkoa.
GIPUZKOAKO DIPUTATU NAGUSIAK
Jakinarazten dut Gipuzkoako Batzar Nagusiek onartu dutela "Izatezko bikoteen zerga erregimenari buruzko abenduaren 15eko 20/2003 Foru Araua", eta nik aldarrikatu eta argitara dadin agintzen dut aplikagarria zaien herritar guztiek, partikularrek nahiz agintariek, bete eta betearazi dezaten.
Donostia, 2003ko abenduaren 15a.
Diputatu Nagusia,
JOXE JOAN GONZALEZ DE TXABARRI MIRANDA.
HITZAURREA
Eusko Legebiltzarraren maiatzaren 7ko 2/2003 Legeak, izatezko bikoteei buruzkoak, izatezko bikotea eratzea erabakitzen duten pertsonen erregimen juridikoa arautzen du. Lege horren arabera, Euskal Autonomia Erkidegoko Izatezko Bikoteen Erregistroan, legean bertan sortutakoan, izena ematen duten bikoteak legez eratutzat daudela jotzen da.
Erregimen juridikoa arautzeaz gainera, bigarren xedapen gehigarrian legeak aldarrikatzen du izatezko bikoteak bikote ezkonduekin parekaturik geratzen direla Euskal Autonomia Erkidegoko herri administrazioekin izan litzaketen harreman juridiko guztietan, eta beren muga bakarrak indarrean dauden arauak aplikatzetik etor litezkeenak izango direla.
Aldarrikapen hori, alabaina, ez da nahikoa gertatzen tratu berdintasunaren aplikazioa zergen esparruan eraginkorra izan dadin, kontuan eduki behar baita zerga alorreko arauak emateko eskumena eta figura tributario desberdinak arautzekoa lurralde historikoek eta beren erakundeek dutela maiatzaren 23ko 12/2002 Legearen bidez onartutako Ekonomia Itunean xedatzen den moduan.
Hori guztia aintzat harturik, foru arau honek zergen esparrura zabaldu nahi du maiatzaren 7ko 2/2003 Legeari jarraiki eratutako izatezko bikoteak bikote ezkonduekin parekatzea. Esan behar da, dena den, parekatze hori lurralde historikoek arautu ditzaketen zerga itunduetan baino ezin dela egin eta, beraz, Ekonomia Itunaren arabera ezarritako eskumenengatik zergei aplikatu behar zaien araudia erregimen komunean dagoen berbera bada, izatezko bikoteak ez dira bikote ezkonduekin parekatuko.
Horri dagokionez, gogoan eduki behar da abenduaren 24ko 8/1998 Foru Arauak, Pertsona Fisikoen Errentaren gaineko Zergarenak, honako hau xedatzen duela hamabosgarren xedapen gehigarrian, alegia, foru arau horretan ezkontideentzat jasotako aurreikuspenak izatezko bikoteei edo elkartze iraunkorrei aplikagarritzat joko direla erregelamenduz jasoko den eran, eta legeria zibilean definitutakoak halakotzat hartuko direla.
8/1998 Foru Arauaren hamabosgarren xedapen gehigarrian jasotakoa jasota ere, izatezko bikoteak eta bikote ezkonduak araugintza gaietan parekatzerakoan egoki iritzi da parekatze hori zergaren foru arauan egitea eta ez erregelamenduzko garapenean; hain zuzen, araudian ezkontzei edo beren kideei erreferentzia egiten dieten aspektu zehatz guztietan jartzen dira bikoteak maila berean.
Bestalde, ezer baino lehen argi eta garbi utzi behar da parekatze hori zerga arauen aldeko zein kontrako efektuetan egiten dela, hau da, bai eskubideak eta bai betebeharrak berdintzen direla.
Horrela, eta berdintze horri begira, foru arau honek beharrezko aldaketak sartzen ditu hamar artikulu direla medio, bana zerga bakoitzeko edo parekatzen den erregulazio bakoitzeko. Hona hemen aldatzen diren zergak:
Pertsona Fisikoen Errentaren gaineko Zerga.
Ondarearen gaineko Zerga.
Oinordetza eta Dohaintzen gaineko Zerga.
Establezimendu iraunkorra duten Ez-egoiliarren Errentaren gaineko Zerga.
Sozietateen gaineko Zerga.
Ondare Eskualdaketen eta Egintza Juridiko Dokumentatuen gaineko Zerga.
Hiri-lurren Balio Gehikuntzaren gaineko Zerga.
Zerga horietan ez ezik, Zergen Foru Arau Orokorrean eta erregimen berezien zenbait xedapen arautzailetan ere sartzen dira parekatze printzipioak, hala nola lehentasunezko nekazaritza ustiapenei aplikatzen zaizkienetan edo ekimen pribatuak interes orokorreko jardueretan parte hartzeagatik aplikatzen diren zerga onurei dagozkienetan.
1. artikulua.– Zergen Foru Arau Orokorra.
Urtarrilaren 31ko 1/1985 Foru Arauan, Gipuzkoako Zergen Foru Arau Orokorrean, honako aldaketak sartu dira:
1.– 111. artikuluaren 4 apartatua aldatu da, eta honela geratu da idatzita:
"4.– Funtzionario publikoek, profesional ofizialak barne, zerga Administrazioari laguntzeko obligazioa dute eta, horretarako, zerga alorrean duten informazio garrantzitsu oro jakinaraziko diote non eta ondoko hau ez den aplikagarria:
a) Postatrukearen edukiaren sekretua.
b) Administrazioari helburu estatistiko hutsez emandako datuen sekretua.
Protokolo notarialaren sekretuak Notariotzari buruzko 1862ko maiatzaren 28ko Legeak 34. eta 35. artikuluetan jasotako tresna publikoak eta ezkontza gaiei nahiz maiatzaren 7ko 2/2003 Legearen arabera eratutako izatezko bikoteei dagozkienak hartzen ditu. Ezkontza-sozietatearen erregimen ekonomikoari eta izatezko bikoteen ondare erregimen ekonomikoari buruzkoak kanpoan geratzen dira."
2.– Aldaketak sartu dira 134. artikuluaren 1 apartatuan, eta honela geratu da idatzita:
"1.– Bahiturako jarduketa bakoitzagatik diligentzia bana egingo da, jarduketarekin zer ikusia duen pertsonari jakinaraziko zaiona.
Bahitura behin egindakoan, zordunari jakinaraziko zaio eta, hala behar denean, baita ondoko hauei ere: ondasunen hirugarren titularrari, edukitzaileari edo gordailuzainari, jarduketak haiekin burutu ez badira, zordunaren ezkontideari, bahitutako ondasunak irabazpidezko ondasunak direnean, izatezko bikote-lagunari, maiatzaren 7ko 2/2003 Legearen arabera eratutako izatezko bikotearen ondare erregimen ekonomikoan ondasun horiek izaera hori dutenean, eta ondasun horien jabekide edo titularkideei."
3.– Xedapen Gehigarri Bakarra sartu da, hauxe dioena:
"Xedapen Gehigarri Bakarra. Izatezko bikoteak.
Foru erakundeek ahalmen arauemailea duten zergetan, ezkontideei buruzko xedapen orokorrak, hala eskubideak jasotzen dituztenak nola betebeharrei dagozkienak, izatezko bikoteak osatzen dituzten pertsonei ere aplikatuko zaizkie maiatzaren 7ko 2/2003 Legeak, izatezko bikoteei buruzkoak, dioenari jarraiki eratutako bikoteak direnean."
2. artikulua.– Pertsona Fisikoen Errentaren gaineko Zerga.
Honako aldaketak sartu dira abenduaren 24ko 8/1998 Foru Arauan, Pertsona Fisikoen Errentaren gaineko Zergari buruzkoan:
1.– 12. artikuluaren 1 apartatua honela geratu da idatzita:
"1.– Errenta bat zergadunek lortutakotzat joko da errentaren jatorri edo iturriaren arabera, kasua balitz, ezkontideek edo maiatzaren 7ko 2/2003 Legeak, izatezko bikoteei buruzkoak, xedatutakoaren arabera eratutako izatezko bikoteak zein erregimen ekonomiko duten kontuan hartu gabe."
2.– 15. artikuluaren 4 apartatuko g) letra honela berridatzi da:
"g) Gaixotasuna estaltzeko aseguru entitateei ordaindutako primak edo kuotak, honako baldintzak eta mugak betetzen direnean:
a´) Gaixotasun aseguruak langilea bera estaltzea eta haren barruan ondoko hauek ere sartu ahal izatea: ezkontidea, izatezko bikote laguna, maiatzaren 7ko 2/2003 Legearen arabera eratutako bikotea denean, edo hogeita hamar urtetik beherako ondorengo ahaideak.
b´) Aurreko apartatuan aipatutako pertsona bakoitzagatik urtean ordaindutako primak edo kuotak ez izatea 500 eurokoak baino handiagoak. Kopuru horretatik gorako soberakina gauzen bidezko ordainketatzat hartuko da."
3.– 15. artikuluaren 5 apartatuko i) letra honela berridatzi da:
"i) Ezkontidearengandik edo izatezko bikote lagunarengandik jasotako pentsio konpentsagarriak, bikote horiek beti ere maiatzaren 7ko 2/2003 Legearen arabera eratu badira, eta urteko mantenurako ordainketak."
4.– 22. artikuluaren 3 apartatua honela geratu da idatzita:
"3.– Senar-emazteen kasuan, ondare elementuak jarduerari atxikitzat joko dira haien titularitatea bi ezkontideena den kontuan hartu gabe. Maiatzaren 2/2003 Legearen arabera eratutako izatezko bikoteen kasuan ere berdin jokatuko da, hau da, ez da begiratuko titularitatea bikoteko bi kideek duten edo ez."
5.– 23. artikulua honela berridatzi da:
"23. artikulua.– Etekin garbia zuzeneko zenbatespenaren metodoaren modalitate arrunta erabiliz zehazteko arauak.
Etekin garbia modalitate honen bidez kalkulatzeko, foru arau honen 21. artikuluan jasotzen diren arau orokorrak eta Sozietateen gaineko Zergaren Foru Arauan xedatutakoa aplikatuko dira. Gainera, honako erregela berezi hauek hartuko dira kontuan:
1.a Sozietateen gaineko Zergaren Foru Arauak 14.2 artikuluan aipatzen dituen kontzeptuak eta enpresari edo profesionalak berak gizarte aurreikuspeneko mutualitateei egindako ekarpenak ez dira gastu kengarriak izango, foru arau honen 62. artikuluan aurreikusitakoaren kaltetan gabe.
Hala ere, norbere konturako langile edo autonomoen Gizarte Segurantzako erregimen berezian sartu gabeko profesionalek diru kopuruak ordaintzen dituztenean gizarte aurreikuspeneko mutualitateekin sinatutako aseguru kontratuengatik, ordaindutako kopuru horiek gastu kengarritzat joko dira, Gizarte Segurantzak estaltzen dituen gorabeherak hartzen dituen zatian, baldin eta Aseguru Pribatuen Antolamendu eta Ikuskapenari buruzko azaroaren 8ko 30/1995 Legeak bosgarren xedapen iragankorraren 3 apartatuan eta hamabosgarren xedapen gehigarrian aurreikusitako obligazioa betetzeko, mutualitate horiek aipatu Gizarte Segurantzako erregimen bereziaren ordez aritzen badira. Urteko muga 3.005,06 eurokoa izango da.
2.a Behar bezala frogaturik badago, lan kontratua dela medio eta besteren konturako langileei aplikagarri zaien Gizarte Segurantzako erregimenari afiliatuta, ezkontideak, izatezko bikote lagunak –maiatzaren 7ko 2/2003 Legearen arabera eratutako bikotea denean- edo zergadunarekin bizi diren adingabeko seme-alabek hark garatutako jarduera ekonomikoan modu jarraituan lan egin ohi dutela, etekinak kalkulatzeko garaian, haietako bakoitzarekin hitzartutako ordainsariak kengarriak izango dira haien kualifikazio profesionalari eta egindako lanari merkatuan dagozkionak baino handiagoak ez badira.
Kopuru horiek ezkontideak, maiatzaren 7ko 2/2003 Legearen arabera eratutako izatezko bikote-lagunak edo adingabeko seme-alabek lan etekin gisa lortutako kopuruak direla ulertuko da zerga ondorio guztietarako
3.a Ezkontideak, izatezko bikote lagunak -maiatzaren 7ko 2/2003 Legearen arabera eratutako bikotea denean-, edo zergadunarekin bizi diren adingabeko seme-alabek ondasun edo eskubideak lagatzen badituzte jarduera ekonomikoaren zerbitzura jartzeko, jardueraren titularraren etekinak kalkulatzeko, haiekin hitzartutako kontraprestazioa kenduko da bere zenbatekoak merkatuko balioa gainditzen ez duenean. Kontraprestaziorik ez badago, merkatuko balioa kendu ahal izango da. Kontraprestazioa edo merkatuko balioa ezkontidearen, maiatzaren 7ko 2/2003 Legearen arabera eratutako izatezko bikote-lagunaren edo adingabeko seme-alaben kapital etekintzat joko da zerga ondorio guztietarako
Ondasun eta eskubideak bi ezkontideenak edo maiatzaren 7ko 2/2003 Legearen arabera eratutako izatezko bikoteko bi kideenak direnean erregela honetan xedatutakoa ez da aplikatuko
4.a Etekin garbia zuzeneko zenbatespenaren arabera kalkulatzeko, zergadunak gaixotasun aseguruengatik ordaindutako primak gastu kengarritzat hartuko dira bai hari dagokion zatian eta bai ezkontideari, maiatzaren 7ko 2/2003 Legearen arabera eratutako izatezko bikote lagunari edo harekin bizi diren hogeita hamar urtetik beherako seme-alabei dagokien zatian. Aipatu diren pertsonetako bakoitzagatik gehienez egin daitekeen kenkaria 500 eurokoa izango da."
6.– 30. artikuluaren 2 apartatuko b) letra honela geratu da idatzita:
"b) Ohiko etxebizitzatzat hartuko da zergadunak, hiru urteko epe jarraituan, egoitza gisa daukana. Hala ere, etxebizitza ohikoa izan dela joko da, epe hori igaro ez arren, zergaduna hil denean, edo ezinbestez etxebizitza aldatzera behartzen duten zirkunstantziak gertatzen direnean, hala nola, senar-emazteak banatzea edo maiatzaren 7ko 2/2003 Legearen arabera eratutako izatezko bikotea desegitea, lantokia aldatzea, lehen enplegua edo beste enplegu bat lortzea, eta antzeko egoerak gertatzea.
Ohiko etxebizitzaren kontzeptutik kanpo geratuko dira lorategiak, parkeak, igerileku eta kirol instalazioak, garajeak eta, oro har, eranskinak eta etxebizitza bera ez diren elementu guztiak. Aldiz, elementu horiek kontzeptu horren barruan sartuko dira etxebizitzarekin batera finka erregistral bakarra osatzen dutenean.
Familia unitateko kideak ondasun higiezin hiritar bat baino gehiagoren titularrak direnean, ondasun horietako bat bakarrik hartuko da ohiko etxebizitzatzat. Horretarako, familia unitateak bere bizitza-interesen eta harreman pertsonal, sozial eta ekonomikoen gune nagusitzat duena hartuko da ohikotzat."
7.– 41. artikuluaren 2 apartatuko b) letra honela berridatzi da:
"b) Irabazpidezko sozietatea desegiten denean, ezkontzako partaidetza-erregimen ekonomikoa iraungitzen denean eta, orobat, maiatzaren 7ko 2/2003 Legearen arabera eratutako izatezko bikoteen ondare erregimen ekonomikoa iraungitzen denean, beti ere hitzartu duten ondare erregimen ekonomikoa aurreko bi horietako edozein bada."
8.– 41. artikuluaren 3 apartatuko c) letra honela berridatzi da:
"c) Ondarearen gaineko Zergari buruzko Foru Arauak 4. artikuluko 10 apartatuan aipatzen dituen enpresa edo partaidetzak ezkontidearen, maiatzaren 7ko 2/2003 Legeari jarraiki eratutako izatezko bikote lagunaren edo aurreko zein ondorengo ahaideen alde kostu gabe eskualdatzen direnean, beti ere hurrengo baldintza hauek betetzen badira:
Lehena.– Eskualdatzaileak hirurogeita bost urte edo gehiago izatea edo ezintasun iraunkorreko egoeran egotea, erabateko baliaezintasun mailan edo baliaezintasun handian.
Bigarrena.– Eskualdatzailea zuzendaritza lanak egiten ari baldin bazen, eskualdaketaren unetik beretik funtzio horiek egiteari eta dagozkien ordainsariak jasotzeari utzi izana.
Ondorio horietarako, sozietatearen administrazio kontseiluko kide izate hutsa ez da zuzendaritza funtzioen barruan sartuko.
Hirugarrena.– Dohaintzaren eskritura publikoa egin ondorengo bost urteetan eskuratzaileak bere eskuetan eduki behar ditu jasotako enpresa edo partaidetzak, salbu eta epe horren barruan hiltzen bada. Halaber, eskuratzaileak ezin izango du erabilpen egintzarik edo sozietate-eragiketarik gauzatu zuzenean edo zeharka eskurapen balioa nabarmen murriztu dezaketenean.
Adierazitako epea betetzen ez bada, epea bete ez den ekitaldiko aitorpena egitean eskualdatzaileak zerga egoera erregularizatu beharko du, eta ondare irabazia edo galera ekitaldi horretan gertatu dela joko da.
Eskuratuak izan eta gero zergadunak ondare elementuak jarduera ekonomikoari atxiki ahal izan ditzan, ezinbestekoa da elementu horiek eskualdaketa egunaren aurreko 5 urteetan gutxienez jarduerari etenik gabe lotuta egon izana."
9.– 41. artikuluaren 3 apartatuko e) letra honela berridatzi da:
"e) Ondasun banaketaren ezkontza erregimen ekonomikoa edo maiatzaren 7ko 272003 Legeak, izatezko bikoteei buruzkoak, xedatutakoaren arabera hitzartutako ondare erregimen ekonomikoa desegiten bada, esleipenak legearen aginduz edo epaileen erabakiz gertatzen direnean eta horien zioak ezkontideen edo izatezko bikotea osatzen dutenen arteko pentsio konpentsagarriarekin zer ikusirik ez duenean.
Letra honetan aipatutako kasuak ez du inoiz esleitutako ondasun edo eskubideen balioak eguneratzea ekarriko."
10.– 49. artikuluaren 1 apartatua honela geratu da idatzita:
"1.– Lurralde espainiarrean egoitzarik ez duen entitateak lortutako errenta positiboa zergadunei egotziko zaie baldin eta errenta hori artikulu honen 2 apartatuan aurreikusten direnetako bat bada eta ondoko zirkunstantziak betetzen badira:
a) Espainian egoitzarik ez duen entitatearen kapitalean, fondo propioetan, emaitzetan edo boto eskubideetan %50eko partaidetza edo handiagoa edukitzea haren ekitaldi soziala ixteko egunean, dela beraiek bakarrik, dela Sozietateen gaineko Zergaren Foru Arauak 16. artikuluaren arabera lotutako entitateekin batera, dela zuzeneko nahiz zeharkako ahaidetasun harreman batengatik lotuta dauden beste zergadun batzuekin batera, ezkontidea edo izatezko bikote laguna barruan direla –maiatzaren 7ko 2/2003 Legearen arabera eratutako izatezko bikotea bada-, bigarren mailaraino, hau barne. Harreman hori izan daiteke odolkidetasunezkoa, ezkontza bidezkoa edo maiatzaren 7ko 2/2003 Legearen arabera eratutako izatezko bikoteak ekar lezakeena.
Lotuta dauden entitate ez-egoiliarren partaidetza lurralde espainiarrean egoiliarrak diren pertsona edo entitate lotuetan zeharka ematen den partaidetzaren zenbatekoaren arabera konputatuko da.
Sartu beharreko errenta positiboaren zenbatekoa emaitzetan duten partaidetzaren arabera edo, halakorik ezean, entitatearen kapitalean, fondo propioetan edo boto eskubideetan duten partaidetzaren arabera zehaztuko da.
b) Lurralde espainiarrean egoitzarik ez duen entitateak Sozietateen gaineko Zergaren antzeko edo pareko zerga batengatik ordaindutako zenbatekoa, hurrengo 2 apartatuko errentetako bati egozgarria, zerga horren arauen arabera ordaindu beharko zenaren %75 baino txikiagoa izatea.
c) Egoitza Europako Batasunekoak ez diren herrialdeetan izatea."
11. 52. artikuluaren 2 apartatua honela geratu da idatzita:
"2. Ondasun higiezinak errentan edo azpierrentan ematen direnean edo haien erabilera edo gozamen eskubidea ezkontideari, maiatzaren 7ko 2/2003 Legearen arabera eratutako izatezko bikote lagunari edo haien ahaideei lagatzen zaienean (barruan sartuta ezkon-ahaideak edo maiatzaren 7ko 2/2003 Legearen arabera eratutako izatezko bikoteak sortaraz ditzakeenak, hirugarren mailaraino, hau barne), ondasun higiezin bakoitzaren kapital higiezinaren etekin garbia ez da foru arau honen 55. artikuluan jasotakoaren arabera konputa daitekeena baino txikiagoa izango."
12.– 61. artikulua honela berridatzi da:
"61.– artikulua. Murrizpenak pentsio konpentsagarriengatik eta urteko mantenurako ordainketengatik.
Oinarri ezargarri orokorretik honako zenbatekoak murriztuko dira: pentsio konpentsagarriengatik ezkontidearen alde edo maiatzaren 7ko 2/2003 Legeari jarraiki eratutako izatezko bikote lagunaren alde ordaindutako kopuruak, eta urteko mantenurako ordainketak, zergadunaren seme-alaben alde finkatutakoak izan ezik, biak ere epaileen erabakiz ordainduak."
13.– 62. artikuluaren 12 apartatua honela geratu da idatzita:
"12.– Zergadunaren ezkontideak edo izatezko bikote lagunak –maiatzaren 7ko 2/2003 Legearen arabera eratuak- oinarri ezargarriaren zati orokorrean integratu beharreko errentarik lortzen ez duenean edo, lortuta ere, horien urteko zenbatekoa 8.000,00 eurotik beherakoa denean, zergadunak aurreko mugen arabera egindako murrizpenez gain, gizarte aurreikuspeneko entitateei, pentsio planei, gizarte aurreikuspeneko mutualitateei eta aseguratutako aurreikuspen planei egindako ekarpenak ere murriztu ahal izango ditu oinarri ezargarrian, beti ere ezkontidea edo maiatzaren 7ko 2/2003 Legearen arabera eratutako izateko bikote laguna haien partaide, mutualista edo titularra bada. Urteko murrizpena 2.000,00 eurokoa izango da gehienez."
14.– 71 bis artikuluaren 2 apartatua honela geratu da idatzita:
"2.– Adopzioa bi ezkontideek edo maiatzaren 7ko 2/2003 Legearen arabera eratutako izatezko bikoteko bi kideek egiten dutenean, kenkaria zati berdinetan hainbanatuko da."
15.– 74. artikuluaren 1 apartatua honela geratu da idatzita:
"1.– Pertsona ezindua den zergadun bakoitzagatik, aurreko artikuluetan esandakoari jarraiki egin beharreko kenkariez gainera, jarraian zehazten den kenkaria ere aplikatuko da erregelamenduz ezartzen den minusbaliotasun mailaren eta hirugarren pertsonengandik jaso beharreko laguntzaren arabera:
(Ikus .PDF)
Aurreko paragrafoan aipatutako puntuak eta minusbaliotasun maila abenduaren 23ko 1971/1999 Errege Dekretuak I. eta II. eranskinetan ezarritakoaren arabera neurtuko dira.
Kenkari hori bera aplikatuko da, halaber, ondorengo edo aurreko ahaide bakoitzagatik, ezkontidearengatik, maiatzaren 7ko 2/2003 Legearen arabera eratutako izatezko bikote kide bakoitzagatik, edo laugarren mailarainoko zeharkako ahaide bakoitzagatik, hau barne, euren adina edozein dela ere, baldin eta zergadunaren menpe egonik, eta horien urteko errentak lanbidearteko gutxieneko soldata bi halakoa izan gabe, pertsona ezinduak badira. Kenkari hau bateragarria izango da aurreko artikuluetan esandakoaren arabera egin litezkeen beste kenkariekin.
Era berean, kenkari hau aplikatu ahal izango da baldin eta pertsona minusbaliatua zergadunari lotuta badago tutoretza arrazoiak direla medio edo etxean diru trukerik gabe hartua izateagatik, eta aurreko paragrafoan adierazitako errenta maila betetzen bada. Tutoretza edo etxean hartze hori adin gabekoak babesteko gaietan eskudun den Entitate Publikoarekin beharko da formalizatu."
16.– 76. artikuluaren 4 apartatua honela geratu da idatzita:
"4.– Ezkontza baliogabetzen bada, senar-emazteak banandu edo dibortziatzen badira edo maiatzaren 7ko 2/2003 Legearen arabera eratutako izatezko bikotea desegiten bada, eta judizialki edo epaileen ebazpenez onartutako hitzarmenean jasota geratu bada familia etxebizitzaren alokairua zergadunak bakarrik ordaintzeko obligazioa duela, zergadun horrek egin ahal izango du bere aitorpenean artikulu honetan aipatzen den kenkaria. Obligazio hori bi zergadunei badagokie, kenkaria bien artean hainbanatuko da, eta bakoitzaren aitorpenean egingo da bakoitzari dagokion proportzioan. Portzentajea eta muga artikulu honek familia etxebizitzan bizi den zergadunarentzat ezarritakoak izango dira."
17.– 77. artikuluaren 5 apartatua honela geratu da idatzita:
"5.– Ohiko etxebizitza pertsona batena baino gehiagorena denean, aurreko apartatuan adierazitako mugak pertsona guztiak batera harturik aplikatuko dira, oinarri ezargarriarenak izan ezik, hauek banaka konputatuko baitira, eta kenkaria erregelamenduz finkatuko den eran egingo da. Kenkaria egitean, erosle guztiek aurretik egin dituzten kenkarien zenbatekoak hartuko dira kontuan.
Familia unitateko kideetako batek edo batzuek ohiko etxebizitza bat erosten badute familia unitateko edozein kidek aurretik kenkaria izan duenean beste ohiko etxebizitza batengatik edo batzuengatik, aurreko apartatuan adierazitako mugak familia unitateko kide guztiek inbertsio kontzeptuagatik egin dituzten kenkarien zenbatekoak konputatuz aplikatuko dira.
Ezkontza baliogabetzen bada, senar-emazteak banandu edo dibortziatzen badira edo maiatzaren 7ko 2/2003 Legearen arabera eratutako izatezko bikotea desegiten bada, eta judizialki edo epaileen ebazpenez onartutako hitzarmenean jasota geratu bada familia etxebizitzaren finantzaketa eta inbertsioa zergadunak bakarrik ordaindu behar duela, zergadun horrek egin ahal izango du bere aitorpenean artikulu honetan aipatzen den kenkaria. Obligazio hori bi zergadunei jarri bazaie, kenkaria bien artean hainbanatuko da, eta bakoitzaren aitorpenean egingo da norberari dagokion proportzioan."
18.– 79. artikuluaren 2 apartatuko e) letra honela berridatzi da:
"e) Langile bakoitzak ezkontidearekin batera, maiatzaren 7ko 2/2003 Legearen arabera eratutako izatezko bikote lagunarekin batera eta laugarren mailarainoko ahaideekin batera, hauek barne, entitatean edo taldeko beste edozeinetan zuzenean edo zeharka duen partaidetza ezin da %5etik gorakoa izan."
19.– 91. artikulua honela berridatzi da:
"91. artikulua.– Familia unitatearen modalitateak.
1.– Familia unitatea osatzen dute legez banandu gabeko ezkontideek, izatezko bikoteei buruzko maiatzaren 7ko 2/2003 Legearen arabera eratutako izatezko bikoteko kideek, eta baleude, honako hauek:
a) Adin gabeko seme-alabek, gurasoen onespenaz eurengatik aparte bizi direnak salbu.
b) Judizialki ezinduak diren seme-alaba adindunek, guraso-aginte luzatu edo birgaitupean daudenean.
2.– Halaber, senar-emazteak legez banantzen direnean edo ezkontza-loturarik nahiz maiatzaren 7ko 2/2003 Legearen arabera eratutako izatezko bikoterik ez dagoenean, familia unitatea gurasoetako batek eta aurreko apartatuan aipaturiko baldintzak betetzen dituzten seme-alabek osatuko dute, norekin bizi diren alde batera utzita. Kasu horietan, beste guraso bat egonez gero, berau ez da aipaturiko familia unitateko kide izango.
Aurreko paragrafoan xedatutakoa xedatuta ere, frogatzen bada gurasoetako batek judizialki jaso duela seme-alaba bat edo batzuk zaintzeko ardura, bestearekin partekatu gabe, familia unitatea guraso horrek eta bere kargupean dituen seme-alabek osatuko dute.
Aurrekoa frogatzen ez bada, eta familia unitatea osatzearen ondorioetarako, seme-alaba guztiak guraso bakar bati esleituko zaizkio bien arteko akordioz. Akordiorik ez badago, ez du bietako inork osatuko familia unitatea seme-alabekin.
3.– Inork ezingo du aldi berean bi familia unitateko kide izan.
4.– Urte bakoitzeko abenduaren 31ko egoera kontuan izanik zehaztuko da zeintzuk diren familia unitateko kideak.
Dena den, urtean zehar familia unitateko kideren bat hiltzen bada, familia unitateko gainerako kideek baterako tributazioa aukeratu ahal izango dute eta euren aitorpenean hildakoaren errentak sartu. Halakorik bada, foru arau honen VII. tituluko II. kapituluan aipatzen diren familia kenkarien zatia ere sartuko dute, hildakoa familia unitateko kide izan den urte naturaleko egun kopuruaren arabera."
20.– 95. artikuluaren 3 apartatua honela geratu da idatzita:
"3.– Aurreko apartatuko a) letran xedatzen dena xedatzen dela ere, zerga honen aitorpena derrigorrez aurkeztu beharko dute ordaintzaile batengandik baino gehiagorengandik lan etekinak jasotzen dituztenek edo ekitaldi barruan lan kontratu bat baino gehiago, laborala nahiz administratiboa, sinatu edo hori luzatzen dutenek. Era berean, zerga honen aitorpena aurkeztu beharko dute ezkontidearengandik edo, maiatzaren 7ko 2/2003 Legeak jasotako izatezko bikote lagunarengandik pentsio konpentsagarriak edo foru arau honek 8. artikuluaren b) letran jasotakoen bestelako urteko mantenua jasotzen duten pertsonek.
Era berean, eta aurreko 2 apartatuan xedatutakoa xedatuta ere, aitorpena zein beste kasutan aurkeztu beharko den finkatu ahal izango da arauz.
Gertatzen bada, zergadunak jasotzen dituen lan etekinak aurreko apartatuko a) letran aipatzen den mugatik beherakoak izan arren, derrigorrez aurkeztu behar duela aitorpena aurreko lehen paragrafoan xedatutakoak horretara behartzen duelako edo arauz hala ezartzen delako, non eta azken kasu horretan betebehar hori ez den sortzen lan etekinak jasotzearekin zer ikusirik ez duten arrazoiengatik, zergadun horrek bi aukera izango ditu:
a.– Zerga honen xedapen orokorrei jarraiki tributatzea, edo
b.– lan etekinak bakarrik kontuan hartuz tributatzea, ondoko erregela hauen arabera:
a´) Lan etekinetarako ezarritako atxikipen taulak mota honetako etekinen zenbateko osoari aplikatuko zaizkio, beti ere foru arau honek 9. artikuluan salbuesten dituen etekinak sartu gabe. Ondorio horietarako, zergaren sortzapen egunean indarrean dauden ondoko erregelak aplikatuko dira, hau da, atxikipenari lotutako etekinen zenbatekoa kalkulatzekoak eta atxikipen taulak finkatu eta aplikatzekoak.
b´) Aurreko a´) letran ezarritakoa aplikatu ondoren ateratzen den kopuruari lan etekinei egindako atxikipenen eta konturako sarreren zenbatekoa gutxituko zaio. Hortik ateratzen den kopurua ordainduko zaio Foru Aldundiari, eta arauz finkatzen den eran zatikatu ahal izango da. Tributatzeko prozedura hau erabiliz gero, inoiz ez da itzulketarik egingo.
c´) Gastu kengarriak, hobariak, murrizpenak, kenkariak, baterako tributazioaren erregelak edo Pertsona Fisikoen Errentaren gaineko Zergaren araudian jasota dauden bestelako onurak ez dira ezein kasutan aplikatuko."
21.– 109. artikulua honela geratu da idatzita:
"109. artikulua.– Zergadunaren ondare erantzukizuna.
Zerga honetako zorrek Kode Zibilak 1365. artikuluan jasotakoen tratamendu bera izango dute eta, ondorioz, ezkontideetako batek egindako zor horiei erantzungo die zuzenean ondasun ganantzialez Foru Aldundiaren aurrean, foru arau honetako 92. artikuluko 5 apartatuan baterako tributaziorako aurreikusitakoari utzi gabe.
Aurreko paragrafoan jasotakoa maiatzaren 7ko 2/2003 Legearen arabera osatutako izatezko bikoteei aplikatuko zaie, bikoteko kideek finkatutako ondarezko erregimen ekonomikoari Kode Zibileko xedapen bera aplikaziozkoa zaionean."
22.– Laugarren xedapen gehigarriaren 4 apartatua honela idatzita geratuko da:
"4.– Borondatezko gizarte aurreikuspeneko entitateei dagokienez, ekarpenak minusbaliatua ez den beste pertsona batek ere egiten dituenean honako baldintzak bete beharko dira xedapen gehigarri honetan aurreikusitako erregimen fiskala aplikatzeko:
a) Ekarpenak %65 edo goragoko minusbaliotasunaren legezko baldintza duten pertsonen alde egitea, eta horiek edozein egoeratarako onuradun bakar eta ezeztaezinak izatea.
b) Minusbaliatuarekin zuzeneko edo zeharkako harremana, hirugarren mailaraino, hori barne, izatea, edo ezkontidea edo, maiatzaren 7ko 2/2003 Legeak jasotako izatezko bikote laguna edo haien kargura tutela edo harrera erregimenean edukitzen duten pertsonak izatea.
c) Laguntzak errenta moduan jasotzea, salbuespenezko egoerak direla medio, eta arauz finkatzen diren baldintzetan, kapital moduan jaso daitezkeenean ezik."
23.– Indarrik gabe geratu da hamabosgarren xedapen gehigarria.
3. artikulua.– Sozietateen gaineko Zerga
Aldaketa hauek egin dira Sozietateen gaineko Zergari buruzko uztailaren 4ko 7/1996 Foru Arauan.
1.– 16. artikuluaren 2 apartatua honela geratu da idatzita:
"2.– Ondoko hauek hartuko dira elkarri lotutako pertsona edo entitatetzat:
a) Sozietate bat eta bere bazkideak.
b) Sozietate bat eta bere kontseilariak edo administratzaileak.
c) Sozietate bat eta ezkontideak, maiatzaren 7ko 2/2003 Legearen arabera osatutako izatezko bikoteak, bazkideen aurreko edo ondorengo ahaideak, kontseilariak edo administratzaileak.
d) Merkataritza Kodeko 42. artikuluaren arabera sozietate talde bera osatzeko beharkizunak betetzen dituzten bi sozietate, ondorio horietarako bertako 43. artikuluan jasotako baztertze arrazoiak aplikagarriak izan gabe.
e) Sozietate bat eta beste sozietate bateko bazkideak, baldin eta sozietate biak Merkataritza Kodeko 42. artikuluan jasotako sozietate talde berekoak badira, ondorio horietarako bertako 43. artikuluan jasotako baztertze arrazoiak aplikagarriak izan gabe.
f) Sozietate bat eta beste sozietate bateko kontseilari edo administratzaileak, baldin eta sozietate biak Merkataritza Kodeko 42. artikuluan jasotako sozietate talde berekoak badira, ondorio horietarako bertako 43. artikuluan jasotako baztertze arrazoiak aplikagarriak izan gabe.
g) Sozietate bat eta ezkontideak, maiatzaren 7ko 2/2003 Legearen arabera osatutako izatezko bikote lagunak, bazkideen aurreko edo ondorengo ahaideak, edo beste sozietate bateko kontseilariak, bi sozietateak Merkataritza Kodeak 42. artikuluan jasotako sozietate talde berekoak direnean. Dena den, horretarako ez dira aplikatuko Kodeko 43. artikuluan jasotako salbuespen arrazoiak.
h) Sozietate bat eta horrek, gutxienez kapital sozialaren %25ean, zeharka partizipatutako beste sozietate bat.
i) Bi sozietate, horietan bazkideek beraiek edo haien ezkontideek, maiatzaren 7ko 2/2003 Legearen arabera osatutako izatezko bikote lagunak, aurreko edo ondorengo ahaideek gutxienez kapitalaren %25arekin zuzenean edo zeharka parte hartzen dutenean.
j) Espainiako lurraldean egoitza duen sozietate bat eta atzerrian dauzkan establezimendu iraunkorrak.
k) Atzerrian egoitza duen sozietate bat eta lurralde espainiarrean dauden establezimendu iraunkorrak.
l) Sozietate kooperatiboen taldeen erregimenean zergak ordaintzen dituen talde bereko bi entitate.
m) Bi sozietate, baldin eta horietako batek besteari buruzko erabakiak hartzeko ahalmena badu.
Elkarren arteko lotura bazkide-sozietate harremanetan oinarritzen denean, partaidetza %5ekoa edo handiagoa izango da edo, bigarren mailako merkatu antolatu batean kotizatutako balioak izanez gero, %1ekoa edo handiagoa.
Apartatu honen ondorioetarako, Merkataritza Kodeak 42. artikuluan aipatutako sozietate taldea, izan ere, urteko kontu kontsolidatuak egiteko abenduaren 20ko 1815/1991 Errege Dekretu bidez onartutako arauen lehen kapituluko 1. sekzioan jasotakoa izango da."
2.– 66. artikuluaren 1 apartatuko b) letra honela berridatzi da:
"b) Kapital sozialaren %50 baino gehiago, zuzenean edo zeharka, hamar bazkide edo gutxiagoren esku egotea edo talde familiar batena izatea. Ondorio horietarako, talde familiartzat hartuko da ezkontideak edo maiatzaren 7ko 2/2003 Legearen arabera osatutako izatezko bikote lagunak, eta zuzeneko nahiz zeharkako ahaidetasun harreman batengatik, odolkidetasunezkoa izan edo ezkontza bidezkoa izan, edo maiatzaren 7ko 2/2003 Legea aplikatuta izatezko bikotea eratzetik sortzen den harremanagatik, laugarren mailaraino, hau barne, elkarri lotuta dauden pertsonek osatutakoa.
Apartatu honetan jasotako zirkunstantziak sozietatearen ekitaldiko laurogeita hamar egunetan baino gehiagotan gertatu behar dira."
4. artikulua.– Oinordetza eta Dohaintzen gaineko Zerga.
Ondoko xedapenak aldatu dira Oinordetza eta Dohaintzen gaineko Zergari buruzko urtarrilaren 11ko 3/1990 Foru Arauan:
1.– Aldaketak sartu dira 4. artikuluaren 2 apartatuan, eta honela geratu da idatzita:
"2.– Zerga ondorioetarako, dohaintzak eta inter vivos egindako gainerako ordainik gabeko eskualdaketak ezkontideen, maiatzaren 7ko 2/2003 Legearen arabera osatutako izatezko bikote lagunen, aurreko eta ondorengo ahaideen edo adoptatzaile eta adoptatuen artean egiten direnean eta foru arau honetako 5.4 artikuluan jasotako salbuespenera bilduta daudenean, egin gabe daudela ulertuko dira baldin eta frogatzen ez bada dohaintza hartzaile edo eskuratzailearen ondare gehikuntza eta dohaintza emaile edo eskualdatzailearen ondarearen pareko gutxipena bat datozenik."
2.– 5. artikuluaren 4 apartatua aldatu da, eta honela geratu da idatzita:
"4.– Herentzia, legatu edo beste edozein oinordetza dela-eta sortutako ondasun eta eskubideen eskurapenak, heriotza dela-eta bizi aseguruen kontratuen onuradunek egindakoak barne. Era berean, dohainik eta inter vivos egindako edozein negozio juridiko dela-eta ondasun edo eskubideak eskuratzean ere, ezkontidearen, maiatzaren 7ko 2/2003 Legeak jasotako izatezko bikote lagunaren, aurreko edo ondorengo ahaideen, adoptatzaile eta adoptatuen aldekoak direnean, salbuespena egingo da."
3.– 11. artikuluaren 1 apartatua honela geratu da idatzita:
"1.– Mortis causa moduko eskurapenetan kausadun bakoitzaren partaidetza zehazteko, honako hauek joko dira herentziazko ondasunen zatitzat:
a) Hil aurreko urtebetera arte oinordetzaren kausatzailearenak izan ziren era guztietako ondasunak. Dena den, baldin eta behar bezala frogatzen bada ondasun haiek berak eskualdatu zituela eta oinordeko, legatudun, hirugarren mailarainoko ahaide edo horietako edozeinen ezkontidea edo maiatzaren 7ko 2/2003 Legeak jasotako izatezko bikote laguna ez den pertsona baten eskuan daudela. Uste hori indargabetuta geratuko da baldin eta modu nahikoan zuritzen bada ondasunen barruan balio berdinarekin eskudirua edo beste ondasun subrogatu batzuk ondasun desagertuen ordez daudela.
b) Hil aurreko 3 urteetan kausatzaileak ordain truke usufruktuan eta oinordeko, legatudun, hirugarren mailarainoko ahaide batek edo horietako edozeinen ezkontideak edo maiatzaren 7ko 2/2003 Legeak jasotako izatezko bikote lagunak, berriz, jabetza soilean eskuratu dituen ondasun eta eskubideak.
c) Hil aurreko 4 urteetan kausatzaileak eskualdatu zituen ondasun eta eskubideak, haien usufruktua edo eskuratzailearen beste batzuena edo beste edozein biziarteko eskubide beretzat erreserbatuta, salbu biziarteko errenta aseguruetan legez diharduten erakundeekin kontrataturiko eragiketa horietako bat denean; eta
d) Gordailatu ziren eta ordezkagiriak endosatu zitzaizkien baloreak eta efektuak, baldin eta endosatzailea hil aurretik haiek erretiratu ez baziren edota endosua gordailuzainaren liburuetan jasota geratu ez bazen, eta, halaber, endosatuak izan ziren balore izendunak, baldin eta transferentzia erakunde jaulkitzailearen liburuetan jasota utzi ez bazen kausatzailea hil aurretik.
Presuntzio hori ez da emango baldin eta eskualdatutako ondasun edo efektuen prezioa edo horren baliokidea saltzailearen edo lagatzailearen ondareari gehitu zaiola nahikoa konstarazten bada eta bere jaraunspenaren inbentarioan azaltzen bada, kontutan hartu beharrekoa dena zergaren likidaziorako, edota aski zuritzen bada balore nahiz efektuen erretiratzea nahiz endosuaren jasotzea gauzatzerik ez dela egon kausatzailea hil aurretik, beronen eta endosatzailearen borondaterekin zerikusirik ez duten arrazoiengatik. Paragrafo honetan xedatutakoa aurreko a), b) eta c) letretan aurreikusitakoaren kalterik gabe ulertuko da."
4.– Aldaketak sartu dira 13. artikuluaren 1 apartatuan, eta honela geratu da idatzita:
"1.– Heriotzaren ziozko eskualdaketetan ondarezko balio garbia ezartzeko ondorioetarako, oinordetzaren kausagileak utzi zituen zorrak ken daitezke oro har, baldin eta izan badirela frogatzen bada Kode Zibileko 1227. artikuluko baldintzak betetzen dituen agiri publiko nahiz pribaturen bidez edo beste modu batez zuritzen bada. Dena den, kenkaria ezin izango da egin, eskualdaketa horiek kuota partearen oinordekoen edo legatudunen alde eta horien ezkontideen, maiatzaren 7ko 2/2003 Legeak jasotako izatezko bikote lagunen, aurreko edo ondorengo ahaideen edo anai-arreben aldekoak direnean, nahiz eta herentziari uko egin. Administrazioak exiji lezake oinordekoek agiri publikoen berretsi dezatela zorra, hartzekoduna bertan dagoela."
5.– Aldaketak sartu dira 20. artikuluaren 1 apartatuan, eta honela geratu da idatzita:
"1.– Heriotza dela-eta nahiz dohaintzaz edo pareko tituluaren batez egindako eskurapenak kausatzaile edo emailearen eta kausadun edo hartzailearen artean dagoen ahaidetasun edo harreman mailaren arabera ordainduko dira, ondoko taldeekin bat etorriz:
a) I. taldea: odolkidetasun bidezko bigarren eta hirugarren mailako zeharkako ahaideek, ezkontza bidezko aurreko eta ondorengo ahaideek egiten dituzten eskurapenak, bai eta maiatzaren 7ko 2/2003 Legearen arabera osatutako izatezko bikotea dela medio horrelako ahaide direnek egindakoak ere.
b) II. taldea: laugarren mailako zeharkako ahaideek, ezkontza bidezko bigarren eta hirugarren mailako zeharkako ahaideek -maiatzaren 7ko 2/2003 Legeak jasotako izatezko bikoteak direla medio ahaide direnak barne-, maila urrunagokoek eta arrotzek egiten dituzten eskurapenak.
Kausadunak ezezagunak badira, arrotzen arteko oinordetzari dagokion tarifarengatik egingo da likidazioa, behin haiek nortzuk diren ezagutuz gero bidezkoa den itzulketa eragotzi gabe."
6.– 26. artikuluaren 3 apartatua honela geratu da idatzita:
"3.– Oinordekoek nahiz legatudunek herentzia tituluari dagokionez egindako esleipenetan, aitortutako balioaren arabera desberdintasunak daudenean esleipen soberakinak likidatuko dira; Ondare Eskualdaketen eta Egintza Juridiko Dokumentatuen gaineko Zergan ezarritako arauei jarraituta; oinordeko nahiz legatudun bati esleitutakoaren balio frogatua bere tituluaren arabera egokituko zaion balioaren %50a baino gehiago denean ere esleipen soberakinak likidatuko dira, aitortutako balioak Ondare Garbiaren gaineko Zergaren arauak aplikatzetik aterako liratekeenenak berdinak edo handiagoak diren kasuan ezik.
Ez dute esleipen soberakinik ekarriko ezkontide alargunaren, maiatzaren 7ko 2/2003 Legeak jasotako izatezko bikote lagunaren edo, bestela, kuota partearen, ohiko etxebizitzaren edo baserriaren eta haien jabetzen eta lur erantsien oinordeko edo legatudun baten edo batzuen alde egiten diren esleipenek, haiek herentzia osoaren aldean duten balioa handiagoa denean esleipendunaren herentzia-kuota baino."
7.– 32. artikuluaren 3 apartatua honela geratu da idatzita:
"Notarioak beren eginkizunetan aritzean parte hartu duten egintzei buruz Foru Aldundiak eskatzen dizkien datuak ematera behartuta daude, baita hark eskatuta baimentzen dituzten edo beren protokoloan dituzten agirien kopiak hamabost eguneko epean doan luzatzera ere. Dena den, ez dira horretara behartuta egongo 1862ko maiatzaren 28ko Legeak 34. eta 35. artikuluetan aipatutako tresna publikoak direnean eta ezkontza-arazoei edo maiatzaren 7ko 2/2003 Legearen arabera osatutako izatezko bikoteei buruzko tresnak direnean, salbu hurrenez hurren ezkontzako erregimen ekonomikoari edo ondarezko erregimen ekonomikoari dagozkienak.
Era berean, zerga-gaiak diren ondare gehikuntzak sortaraz litzaketen egintza edo kontratuei buruz aurreko hiruhilabetean baimendutako agiri guztiak edukiko dituen zerrenda edo aurkibidea hiruhilabete bakoitzaren lehen hamabostaldiaren barruan bidaltzera behartuta egongo dira. Notarioek ezagutu edo sinadurak legitimatzeko aurkeztu zaizkien agiri pribatuen zerrenda, adierazitako edukiarekin batera, epe beraren barruan bidaltzera ere behartuta daude."
5. artikulua.– Ondarearen gaineko Zerga.
Ondoko xedapenak aldatu dira Ondarearen gaineko Zergari buruzko abenduaren 27ko 14/1991 Foru Arauan:
1.– 4. Hamar. 1 artikulua honela idatzita geratuko da:
"1.– Enpresa jarduera bat garatzeko pertsona fisikoek behar dituzten ondasun eta eskubideak, beti ere subjektu pasiboak ohikotasunez, pertsonalki eta zuzenean burutzen duenean jarduera hori eta berau denean bere errenta iturri nagusia. Errenta iturri nagusia kalkulatzean, ez dira konputatuko apartatu honetako 2 zenbakian aipatu diren entitateetako zuzendaritza lanen ordainsariak, ez eta entitate horietan parte hartzeagatik ematen den beste edozein ordainsari ere.
Senar-emazteek edo maiatzaren 7ko 2/2003 Legearen arabera osatutako izatezko bikoteko kideek komunean dituzten ondasun eta eskubideak ere salbuetsita egongo dira, ezkontideetako baten jarduera enpresarial edo profesionala garatzeko erabiltzen direnean, aurreko paragrafoan aipatutako beharkizunak beteta beti ere."
2.– 4. Hamar.2.c) artikulua honela idatzita geratuko da:
"c) Subjektu pasiboak entitatearen kapitalean duen partaidetza %5etik beherakoa izatea banaka konputatuz gero, edo %20koa ezkontidearekin, izatezko bikotearekin, maiatzaren 7ko 2/2003 Legeak jasotako izatezko bikote lagunarekin, aurreko ahaideekin, ondorengoekin edo bigarren mailako zeharkakoekin konputatuz gero, ahaidetasuna odolkidetasunekoa, ezkontzakoa, maiatzaren 7ko 2/2003 Legearen arabera osatutako izatezko bikotea dela medio sortutako ahaidetasuna edo adopziokoa izan."
3.– 7. artikulua honela geratu da idatzita:
"7. artikulua.– Ondare elementuen titularitatea.
Ondasun eta eskubideak subjektu pasiboei esleituko zaizkie, kasu bakoitzean aplikatu beharreko titularitate juridikoari buruzko arauei jarraituz eta haiek aurkeztutako edo Administrazioak aurkitutako frogen arabera.
Hala badagokio, aplikaziozkoak izango dira ezkontzaren erregimen ekonomikoari buruzko xedapenetan jasotzen diren ondasun eta eskubideen titularitate juridikoari buruzko arauak, bai eta familiako kideen edo maiatzaren 7ko 2/2003 Legearen arabera osatutako izatezko bikoteko kideen arteko ondare harremanei legeria zibilean kasu bakoitzean aplikaziozkoak zaizkien xedapenetan jasotako arauak ere.
Ezkontza edo ondarezko erregimen ekonomikoa arautzen duten xedapen eta itunetan, hurrenez hurren bi ezkontideenak edo izatezko bikoteko bi kideenak diren ondasun eta eskubideen titularitatea erdibana esleituko da, salbu beste parte hartze kuota bat frogatzen bada.
Ondasun eta eskubideen titularitatea behar bezala frogatzen ez denean, Zerga Administrazioak eskubidea izango du erregistro fiskal batean edo izaera publikoko beste batzuetan horrela azaltzen dena titulartzat hartzeko.
Subjektu pasiboei, kargak, zorrak eta betebeharrak aurreko paragrafoetako erregela eta irizpideen arabera egotziko zaizkie."
6. artikulua.– Zergadun Ez-egoiliarren Errentaren gaineko Zerga.
Pertsona Fisikoen Errentaren gaineko Zergari buruzko apirilaren 26ko 2/1999 Foru Arauaren 35. artikulua aldatu eta honela geratuko da idatzita:
"35. artikulua.– Zergadunaren ondare erantzukizuna.
Zergadun Ez-Egoiliarren Errentaren gaineko Zergan sortutako zorrak Kode Zibilaren 1365. artikuluan aipatutakoen izaera bera izango dute. Beraz, zuzenean ezkontza ondasunen bitartez kitatuko dira edozein ezkontidek Herri Ogasunaren aurrean kontzeptu hori dela-eta hartutako zorrak.
Aurreko paragrafoan jasotakoa maiatzaren 7ko 2/2003 Legearen arabera osatutako izatezko bikoteei aplikatuko zaie, bikoteko kideek finkatutako ondarezko erregimen ekonomikoari Kode Zibileko xedapen bera aplikaziozkoa izan eta zergaduna establezimendu iraunkor bidez jarduten denean."
7. artikulua.– Ondare Eskualdaketen eta Egintza Juridiko Dokumentatuen gaineko Zerga.
Aldaketak egin dira Ondare Eskualdaketen eta Egintza Juridiko Dokumentatuen gaineko Zergari buruzko abenduaren 30eko 18/1987 Foru Arauaren 41.1.B) artikuluaren 3 zenbakian, eta honela geratu da idatzita:
"3.– Ezkontideek ezkontzako sozietatera egindako ondasun eta eskubideen ekarpenek, beren alde eta haien ordainetan deuseztatzerakoan egindako esleipenek eta hori dela-eta ezkontideei egindako eskualdaketak.
Xedapen bera aplikatuko da, aurreko paragrafoan aipatutako kasu berdinetan, maiatzaren 7ko 2/2003 Legearen arabera osatutako izatezko bikoteko kideek egiten dituzten ekarpen, esleipen eta eskualdaketei dagokienez."
8. artikulua.– Ekimen pribatuari interes orokorreko jardueretan parte hartzeagatik aplikatzen zaizkien onura fiskalak.
Ondoko xedapenak aldatu dira Interes orokorreko jardueretan ekimen pribatuari zerga pizgarriak emateko martxoaren 24ko 5/1995 Foru Arauan:
1.– 5. artikuluaren 3 apartatua honela geratu da idatzita:
"3.– Era berean, irabazi asmorik gabeko entitatetzat ez dira hartuko, foru arau honen ondorioetarako, bazkideak eta sortzaileak eta haien ezkontideak, maiatzaren 7ko 2/2003 Legearen arabera osatutako izatezko bikoteko kideak edo laugarren mailarainoko ahaideak, hori barne, entitateek egindako jardueren hartzaile nagusiak direnean edo haiek zerbitzuen onura jasotzeko baldintza bereziak dituztenean.
Apartatu honetan jasotakoa ez zaie aplikatuko irabazi asmorik gabeko entitateei, baldin eta abenduaren 29ko 102/1992 Foru Dekretuak, Gipuzkoako zerga araudia Balio Erantsiaren gaineko Zergan jasotako xedapenetara egokitzen duenak, 20. artikuluaren bat apartatuko 8 zenbakian aipatutako gizarte laguntzako jarduerak edo kirolekoak egiten badituzte."
2.– 31. artikuluaren 2 apartatuko f) letra honela berridatzi da:
"f) Eskaintza egiten zaion entitate dohaintza hartzailea foru arau honek I. tituluaren I. kapituluan jasota dagoenean, ezin izango dira pizgarri honetara bildu entitateko bazkideak, fundatzaileak, gerenteak, ezkontideak, maiatzaren 7ko 2/2003 Legearen arabera osatutako izatezko bikoteko kideak edo horietako edozeinen laugarren mailarainoko ahaideak, maila hori barne."
9. artikulua.– Nekazaritzako ustiapenak.
Honela idatzita geratu da Gipuzkoako zerga araudia Nekazaritzako ustiapenak gaurkotzeko uztailaren 4ko 19/1995 Legean jasotako zerga neurrietara egokitzen duen azaroaren 21eko 109/1995 Foru Dekretuko 2. artikuluaren 1 apartatua:
"1.– Lehentasunezkoa den edo eskurapenari esker kalifikazio hori lortzen duen beste ustiapen baten titularrak edo bere alde lehentasunezko nekazaritzako ustiapenaren jabari osoa edo biziarteko usufruktua edozein tituluz (ordain truke edo ordainik gabe, inter vivos edo mortis causa) eskualdatzean edo eskuratzean, %90 murriztuko da ustiapenaren edo horren osagaien eskualdaketa edo eskurapena kargatzen duen zergaren oinarri ezargarria, baldin eta eskualdaketa hori dela medio eskuratzailearen ustiapenaren lehentasunezko kalifikazioa aldatzen ez bada. Eskritura publiko bidez eskualdatuko da ustiapena. Murrizpen hori %100era iritsiko da, bizi den ezkontideak edo maiatzaren 7ko 2/2003 Legeak jasotako izatezko bikote lagunak ustiapenarekin jarraitzen badu.
Aurreko paragrafoan jasotako ondorioetarako, etxebizitza kanpoan utzita ere ulertuko da nekazaritzako ustiapena osorik eskualdatu dela."
10. artikulua.– Hirilurren Balio Gehikuntzaren gaineko Zerga.
Ondoko xedapenak aldatu dira Hirilurren Balio Gehikuntzaren gaineko Zergari buruzko uztailaren 5eko 16/1989 Foru Arauan:
1.– 1. artikuluaren 2 apartatuko c) letra honela berridatzi da:
"c) Ezkontideek ezkontza sozietateari ondasun eta eskubideen ekarpenak egitea, ekarpen horien ordainetan ezkontideei ondasun eta eskubideak modu egiaztatuan esleitzea, eta ezkontideei beren hartzeko komunen ordainetan eskualdaketak egitea.
Xedapen bera aplikatuko da, aurreko paragrafoan aipatutako kasu berdinetan, Izatezko bikoteei buruzko maiatzaren7ko 2/2003 Legeak xedatutakoaren arabera osatutako izatezko bikoteko kideek egiten dituzten ekarpen, esleipen eta eskualdaketei dagokienez.
Ez da zergapetuta egongo, era berean, ondasun higiezinak ezkontideen artean, maiatzaren 7ko 2/2003 Legearen arabera osatutako izatezko bikoteko kideen artean edo seme-alaben alde eskualdatzen direnean, baldin eta ezkontza baliogabetu edo senar-emazteak banandu edo dibortziatzean edo izatezko bikotea amaitzean emandako sententziak betetzearen ondorio badira, hurrenez hurren ezkontzako erregimen ekonomikoa edo ondarezko erregimen ekonomikoa zeinahi dela ere."
2.– 5. artikuluaren 4 apartatua honela geratu da idatzita:
"Uztailaren 5eko 11/1989 Foru Arauak, Gipuzkoako Toki Ogasunei buruzkoak, 9. artikuluan xedatutakoaren arabera, udalerriek %95era bitarteko hobaria aplikatu ahal izango diote beren ordenantza fiskaletan zerga kuota osoari lurren eskualdaketan eta jabaria mugatzen duten gozamenezko ondasun eskubideen eskualdaketan edo eraketatan, beti ere ordainik gabeko eskualdaketak edo eraketak badira eta ondorengo ahaideen, adoptatuen, ezkontideen edo maiatzaren 7ko 2/2003 Legeak jasotako izatezko bikote lagunen, aurreko ahaideen edo adoptatzaileen alde egiten badira heriotza dela-eta.
Aurreko paragrafoan aipatutako hobariaren gainerako alderdi substantibo eta formalak ordenantza fiskalean arautuko dira."
AMAIERAKO XEDAPENA
Foru arau hau 2004ko urtarrilaren 1ean jarriko da indarrean.
Halere, aplikazioa zergadunarentzat onuragarriagoa denean, 2003ko maiatzaren 24tik aurrera izango du eragina, 2. artikuluaren 5 apartatuari dagokionez izan ezik, kasu horretan 2004ko urtarrilaren 1ean sartuko baita indarrean.
