Euskal Herriko Agintaritzaren Aldizkaria

36. zk., 2004ko otsailaren 23a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Arabako Probintzia Auzitegia

1033

EDIKTUA, apelazioaren gainean burututako 477/02 zk.ko prozedura arruntaren ondoriozkoa.

Arabako Probintzia Auzitegia – 2. Sekzioa

Errekurtsoa: A.P. Arrunta L2.342/03.

Agindu judizialaren jatorria: Vitoria-Gasteizko Lehen Auzialdiko 7 zenbakiko Epaitegia.

L2.477/02 Prozedura Arruntari buruzko autoak.

Errekurtso-egilea: Alegría-Dulantziko (Araba) kale nagusiko 25ean dagoen etxeko Jabe Elkargoa.

Prokuradorea: Olatz Garcia Rodrigo.

Abokatua: Ramón Pizarro de Hoyos.

Errekurritua: José Luis Cámara Sadurní.

Prokuradorea: Iñaki Sanchiz Capdevila.

Abokatua: Begoña González de Pujana.

Errekurritua: Francisco Luis Jodar Casas.

Prokuradorea: Miguel Angel Echávarri Martínez.

Abokatua: Juan Antonio Careaga Muguerza.

Demandatua, auzi-iheslaria: Juan Angel Serna Urbaneja ("Cenarco, S.L."-ren legezko ordezkaria)

Aipatu errekurtsoan epaia eman da, zeinaren xedapenezko zatia ondokoa baita:

"EPAITZA: prokuradore García Rodrigok, Alegría-Dulantziko (Araba) kale nagusiko 25ean dagoen etxeko Jabe Elkargoaren izenean eta ordez, 2003ko uztailaren 22ko 125 zenbakiko epaiaren aurka aurkeztutako apelazio errekurtsoa onetsi egiten dugu zati batean. Epai hori 477/2002 zenbakiz Vitoria-Gasteizko Lehen Auzialdiko 7 zenbakiko Epaitegian izapideetan dauden autoetan —judizio arruntari buruzkoetan- eman da. Ondorioz, errebokatu egiten dugu inpugnatutako ebazpena, hain zuzen ere, demandatu Francisco Luis Jodar Casasen kostuak ordaintzeko auzi-jartzaileari ezarritako kondena indarrik gabe uzteari dagokionez, ez baitizkiogu kostu horiek beren-beregi inori ezartzen. Gainerako erabakiak berretsi egiten ditugu eta bigarren auzialdiko kostuak ez dizkiogu inori ezartzen.

Ebazpen honen aurka ezin daiteke aurkeztu inolako errekurtso arruntik ."

Epai honen ziurtagiriarekin batera, bidal bitez jatorrizko autoak jatorriko epaitegira, ezagutu eta exekutatu ditzaten.

Eta epai honen bitartez, erabaki, agindu eta sinatu egiten dugu.

Juan Angel Serna Urbaneja ("Cenarco, S.L."-ren legezko ordezkaria) demandatu eta auzi-iheslariaren gaur egungo helbidea ezezaguna denez gero, Prozedura Zibilaren 1/2000 Legearen 497.2 artikuluan xedatutakoarekin bat etorriaz, aipatu ebazpena Euskal Herriko Agintaritzaren Aldizkarian argitaratutako ediktu batez jakinaraztea erabaki da.

Jakinarazten den ebazpenaren testu guztia interesatuaren esku dago auzitegi honetako Idazkaritzan.

Vitoria-Gasteiz, bi mila eta lauko urtarrilaren hogeita bata.

IDAZKARI JUDIZIALA