22. zk., 2004ko otsailaren 3a, asteartea
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Hezkuntza, Unibertsitate eta Ikerketa Saila
631
AGINDUA, 2003ko abenduaren 18koa, Hezkuntza, Unibertsitate eta Ikerketa sailburuarena, Getxon (Bizkaia) "Santisima Trinidad" Haur Hezkuntzako, Lehen Hezkuntzako eta Bigarren Hezkuntzako ikastetxe pribatuari Haur Hezkuntzako 1. zikloa irakasteko eta Batxilergoko unitateak gutxitzeko baimena emateko dena.
Haur Hezkuntzako 1. zikloa irakasteko eta Batxilergoko bi unitate gutxitzeko baimena eskatuz Getxoko (Bizkaia) "Santisima Trinidad" Haur Hezkuntzako, Lehen Hezkuntzako eta Bigarren Hezkuntzako ikastetxe pribatuaren erakunde titularraren ordezkariak hasarazi duen espedientea aztertu da.
Espediente horri Hezkuntzako Bizkaiko Lurralde Ordezkaritzak egin dizkio izapideak, indarreko arauek eskatzen dituzten agiriak erantsi zaizkio, eta eskumena duten erakundeek eman diote informea.
Ikastetxe pribatuetan unibertsitateaz kanpoko araubide orokorreko irakaskuntzak emateko baimenei buruzko apirilaren 3ko 332/1992 Errege Dekretua (9ko EAO), unibertsitateaz kanpoko araubide orokorreko irakaskuntzak ematen dituzten ikastetxeek bete beharreko gutxieneko baldintzak ezartzen dituen ekainaren 14ko 1004/1991 Errege Dekretua (26ko EBO ), abenduaren 17ko 297/2002 Dekretua (31ko EHAA) eta gai horretan aplikagarri diren gainerako legeak ikusi ondoren, hau
EBATZI DUT:
1. artikulua.– Honen jarraian zehazten den ikastetxe pribatuari 2002/2004 ikasturtetik aurrera Haur Hezkuntzako 1. zikloa irakasteko eta Batxilergoko unitateak gutxitzeko baimena ematen zaio:
Kode-zenbakia: 48004982
Izen espezifikoa: "Santisima Trinidad"
Titularra: RR. Trinitarias
Helbidea: Loiola Etorbidea, 108
Udalerria: Getxo
Lurralde Historikoa: Bizkaia
Baimena: Haur Hezkuntzako 1. zikloa irakastea, 3 unitatetarako edukieraz.	
Batxilergoko unitateak gutxitzea.	
Ikastetxearen osaera:
– Haur Hezkuntzako 1. zikloa: 3 unitate, 8 edo 13 ikaspostutarako edukiera izango dutenak, ikasleak, hurrenez hurren, urtebetez beherakoak edo urtebetetik bi urtera bitartekoak izatearen arabera; eta, ikasgelen azaleren ondoriozkoa: ikaspostu bakoitzeko 2 metro karraturen baldintza aplikatuz ateratzen dena, bi urtetik hiru urtera bitartekoentzat.
– Haur Hezkuntzako 2. zikloa: 4 unitate 100 ikaspostutarako edukieraz.
– Lehen Hezkuntza: 12 unitate 300 ikaspostutarako edukieraz.
– Hezkuntza Berezia: unitate 1.
– Derrigorrezko Bigarren Hezkuntza: 8 unitate 240 ikaspostutarako edukieraz.
2. artikulua.– Indarrean dauden legeak betetzera beharturik gelditzen da ikastetxea agindu honen bidez baimendutako unitateetako irakasle kopuruari eta horien tituluei dagokienez. Bestela, bidezkoa litzateke emandako baimena baliogabetzea.
3. artikulua.– Ikastetxeak NBE CPI/96 Eraikuntzako Oinarrizko Araua bete beharko du, suteen aurka babesteko eraikinek bete beharreko baldintzei buruzkoa (urriaren 4ko 2177/1996 Errege Dekretuak onartua), bai eta indarreko legeriak ezartzen dituen higiene, akustika, bizigarritasun, segurtasun eta irisgarritasun baldintzak ere.
AZKEN XEDAPENAK
Lehenengoa.– Agindu honetan dagoen baimen-emate honek ez dauka bere baitan, inola ere, hezkuntza-itunen araubidearen bitartezko laguntzak lortzea.
Bigarrena.– Agindu honen kontra aukerako berraztertzeko errekurtsoa aurkeztu ahal zaio Hezkuntza, Unibertsitate eta Ikerketa sailburuari, Euskal Herriko Agintaritzaren Aldizkarian argitaratu eta biharamunean kontatzen hasita, hilabeteko epean; bestela, administrazioarekiko auzi-errekurtsoa aurkeztu ahal da Euskal Autonomia Erkidegoko Auzitegi Nagusian, Euskal Herriko Agintaritzaren Aldizkarian argitaratzen den egunaren biharamunetik aurrera, bi hilabeteko epearen barruan.
Vitoria-Gasteiz, 2003ko abenduaren 18a.
Hezkuntza, Unibertsitate eta Ikerketa sailburua,
ANJELES IZTUETA AZKUE.