RSS
81. zk., 2002ko maiatzaren 2a, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Herri-Kontuen Euskal Epaitegia
2573
EBAZPENA, Herri-Kontuen Euskal Epaitegiaren Osokoak 2002ko otsailaren 14ko bilkuran hartua, Euskal Autonomia Erkidegoaren Admnistrazio Orokorraren Kontuari buruzko fiskalizazio txostena, 1999koa, behin-betiko onirizten duena.
Herri-Kontuen Euskal Epaitegiaren Osokoak 2002ko otsailaren 14an egindako bilkuran
EBATZI DU:
Euskal Autonomia Erkidegoaren Administrazio Orokorraren Kontuari buruzko fiskalizazio txostena, 1999koa, behin-betiko oniriztea, ebazpen honen eranskin modura ageri dena.
HKEEren 1/1988 Legearen 13.2 artikuluak aurreikusten duena betez, txostenaren ondorioak EHAAn argitaratzeko xedatzea.
Vitoria-Gasteiz, 2002ko otsailaren 14a.
HKEEren Lehendakaria,
RAFAEL ITURRIAGA NIEVA.
ERANSKINA
EUSKAL AUTONOMIA ERKIDEGOAREN ADMINISTRAZIO OROKORRAREN KONTUA 1999
I.– SARRERA
Herri-Kontuen Euskal Epaitegiak, berau arautzen duen 1/1988 Legeak agintzen duena betez, eta 2000/2001rako HKEEren Urteko Lan Programari jarraiki, Euskal Autonomia Erkidegoaren Administrazio Orokorraren 1999. urtealdiko Kontuaren fiskalizazioa mamitu du.
Lanak erabilitako kontularitza printzipioen azterketa, lege arautegia bete izana eta aurkezpen osoaren balio-neurketa besarkatzen ditu; horretarako, Kontuaren ebidentzia justifikagarriaren gainean hautatutako probak egin ditugu.
Honez gainera, HKEEk Eusko Legebiltzarreko Ekonomia, Ogasun eta Aurrekontuetarako Batzordeak hala eskatuta, ondotik adierazten direnen fiskalizazioa egitea oniritzi du, beste txosten batzuen xede izango direnak; honenbestez, ez gara horiezaz mintzatuko:
– Enpresa eta Industri inbertsioetarako sustapen programak: Ekimen eta Inbertsio Estrategikoetarako Fondoa, sortu zenetik 99/12/31ra arte. Laguntza hauen pilatutako kopurua 99/12/31ra arte 94.737 milioi pezetakoa izan da eta horietatik 73.463 milioi pezeta egin duten espedienteak aztertu ditugu.
– Epe ertainerako ekonomia planaren helburu nagusien betetze maila (1994-1997) eta 99/12/31ra arteko bilakaera.
– EAEren Administrazio Orokorraren Aparteko Birjaulkipen Planaren, 3Rren eta bestelako dirulaguntza programen barruan abalak eman eta hutsegin dutenen kudeaketaren analisia.
– Hobetuz, Etengabeko Prestakuntzarako Euskal Fundazioa. Fundazioaren kudeaketa sistema, balioetsi ea gastuaren kontzeptuan sar ote daitekeen ikastaroak ematen dituzten enpresen kudeaketa; diruz lagundutako ikastaroetan arautegia betetzen den presentzia, ordutegi, lanbide kualifikazio eta abarretan. Eta azkenik, langileen horniduraren analisia eta Langaiek bertan duen partaidetza.
– Mendikoi Nekazaritza Garapenerako Institutua, SA. Laguntzen kudeaketa eta banaketarako irizpideak.
Gure lanaren garapenean izan ditugun oztopo materialak direla eta, ezin aztertu izan dugu gastuaren eraginkortasun eta zuhurtasuna, HKEE arautzen duen Legeak aurreikusitako moduan. Nolanahi ere, aurkitu ditugun alderdi partzialak txosten honetako III. idazpuruan daude jasoak.
II.– IRITZIA
II.1.– LEGEA BETETZEARI BURUZKO
IRITZIA
AURREKONTU LUZAPENA
1.– Gobernuak ez dio Eusko Legebiltzarrari EAEren Aurrekontu Orokorren Proiektua aurkeztu, 1/1994 LDren 62. artikuluan eta 1/1997 LDren 6. artikuluan xedatutakoa urratuz.
Ekainaren 25ean Legebiltzarrak 2/1999 Legea oniritzi zuen, 1999ko urtealdirako ekonomia, aurrekontu eta finantza gaietan neurri osagarriei buruzkoa.
EAEREN ONDASUN ETA ESKUBIDEEN ZERRENDA
2.– Ondare zuzendaritzak eta Gobernuko hainbat sailek EAEren ondasunen zerrenda partzialak egiten dituzte, Euskadiko Ondareari buruzko Legearen 11. artikuluak xedatzen duena bete gabe, Euskadiko ondarea osatzen duten ondasun eta eskubide guztiak bilduko dituen zerrenda orokor bat izateari dagokionez*.
LANGILERIA
3.– 1999ko urtealdian indarrean zeuden Lanpostuen Zerrendek (aurrerantzean LZ) ez dituzte honako lanpostu hauek jasotzen: behin-behineko langileen 77 lanpostu; Justiziatik transferitutako langileen 1809 lanpostu; Osakidetzako langile estatutario eta Osasun sailari atxikitako tokizko funtzionario sanitarioen 58 lanpostu; Hezkuntza saileko irakasleen 160 lanpostu eta beste 230 lanpostu, sail bereko langile ez irakasleenak; Metal bitxien laboraldegiko 4 lanpostu eta Nekazal Ganberetako langileen 8 lanpostu; horiek guztiak aurrekontuan diruz zuzkituak daude.
4.– Irakasleen Lanpostu Zerrendak ez dira zentroen beharrizanetara egokitzen eta honenbestez, behin-behineko funtzionarioak izendatzen ari dira zentroetako demandari aurre egiteko, Lanpostuen Zerrendetan plazarik esistitu gabe (ikus A.4).
ADMINISTRAZIO-KONTRATAZIOA
5.– Gobernu Kontseiluak 1999ko gastuen aldeko fiskalizazio juridiko-ekonomiko beretu du, 1.140 milioi pezetakoa, Ekonomia Kontrolerako Bulegoak aurkitutako hainbat legehausterekin, araudiak aurreikusten duen konbalidazioaren aparteko prozeduraren bitartez.
* Administrazioak 1999ko urtealdian higiezindua kontrolpetzeko aktibo finkoak kudeatzeko sistema baten garapena kontratatu zuen, 2000ko urtealdian abian jarri dena.
Gure ustez, aurrez azaldutako salbuespenak alde batera, EAEren Administrazio Orokorrak zuzentasunez bete du 1999ko urtealdian, bertako ekonomia-finantza jarduera arautzen duen lege-arautegia.
II.2.– ADMINISTRAZIO OROKORRAREN
KONTUARI BURUZKO IRITZIA
1999ko urtealdian urtealdiko aurrekontu gastu modura 11.405 milioi pezetako zenbatekoa kontuetaratu da; kopuru hau irakaslegoari guztira ordaindu beharrekoaren balioespena da, langile hauei destino osagarriagatik ordaindutako zenbatekoaren eta 1994-98ko urteetako Administrazio Orokorreko langilegoari dagokionaren arteko aldeagatik, nahiz eta 9.316 milioi pezeta 2000 eta 2002 urteetan zehar gauzatuko diren, Hezkuntzako mahai sektorialean zentral sindikalekin izenpetutako akordioaren arabera. 1998an aplikatu zen kontularitzako irizpidea aldatu da, urtealdian gerakin erabilgarri txiki modura hartu baitzen, aurrekontu erregistroa ordainketak egiten diren urtealdietara atzeratuz. Azaldutako irizpide aldaketak ez du 99/12/31ko Diruzaintza Gerakin erabilgarria eragiten, bai ordea urtealdiaren emaitza.
1.– Administrazio Orokorraren Kontua ez da EAEren Kontabilitate Publikoaren Planaren arabera egiten, Ekonomia eta Ogasun Sailaren 85/12/17ko Agindu bitartez oniritzitakoa, baizik eta 1/1994 Erret Dekretuak agindutakoaren arabera. Horregatik, ez dira finantza egoerak aurkezten (egoeraren balantzea eta emaitzen kontua), higiezindua eta amortizazioa barne hartuko luketenak.
2.– Eskuratutako Komunitate-Fondoek 72.000 milioi pezeta inguruko aitortutako sarrerak sortu dituzte 1994-1999 aldian zehar; 99/12/31n horietatik 7.000 milioi pezeta geratzen ziren kobratzeko. Eusko Jaurlaritzak sarrera hauek eskuratzeko egiaztatu duen gastu-egiterapena 167.000 milioi pezeta ingurukoa izan da. 99/12/31n amaitu da 1994-1999 aldirako onartutako europako finantzaketa osoa, 2001/12/31ra arte exekutatutako gastua egiaztatu daitekeela eta era honetara, onartutako programa guztiak kobratu.
Europako Batasunetik eratorritako sarrerak ikuskatu egin ditzake Europako Batasunak berak eta ezinezkoa da zehaztea 99/12/31ko Gaindikinean izan dezakeen eragina finantzatutako egitasmoen berrazterketa batek.
3.– Diruz lagungarri diren gastuak erregistra daitezke 1/1994 Legegintza Dekretuaren 111.5 artikuluari jarraiki, Euskadiko aurrekontu erregimenaren indarreko xedapenei buruzkoa, horiek eskatzeko ezarritako baldintzak bete direla justifikatu aurretik. Irizpide honek eragin dezake 99/12/31n eskagarri ez diren aitortutako obligazioak existitzea. Ildo honi jarraiki, aipatzekoa da 00/6/30ean 35.278 milioi pezetako ordaintzeko obligazioak zeudela, 1999 eta lehenagoko urtealdietatik eratorritako transferentzia eta dirulaguntzen kontzeptuan, horietako zati bat bost doiketa modura aurkeztu da ondoko atalean, 28.563 milioi pezetako zenbatekoan.
4.– Fiskalizazio lanean ondoko zuzenketa hauek azaleratu dira, 99/12/31n Diruzaintza Gerakin erabilgarria 28.955 milioi pta.n gehitzen dutenak.
Milioi pezeta
DIRUZ.GAIND.
ZUZENKETAREN AZALPENA	ERANSKINA	ERAGINA.
DIRUZAINTZA GERAKINEAN ETA GERAKIN ERABILGARRIAN ERAGINA DUTEN ZUZENKETAK	
Gauzatzeko dauden ur-azpiegituretako obren kontzeptuan erregistratutako gastua	A.6	2.626
Ekimen programaren bidez emandako laguntzak, inbertsioak justifikatzeko zain	A.6.2	8.837
Nekazaritza Dptu.ak emandako dirulaguntzak, 99/12/31n eskagarri ez direnak	A.6.2	6.166
Akzio erosketak eragindako gastuak, kontuetaratuak eta 1999an gauzatu gabeak	A.8	3.246
Erregistratu gabeko transferentzia arrunt bidezko sarrera handiagoengatik	A.10	3.619
Erregistratu gabeko kapital transferentzia bidezko sarrera handiagoengatik	A.11	4.535
Hondakinetan erregistratutako gastua, 99/12/31n eskagarri ez dena	A.13	7.688
99/12/31n zorraren sortutako eta iraungi gabeko interesen erregistroa	A.16	(5.192)
DIRUZAINTZA GERAKIN ERABILGARRIAN ERAGINA DUTEN ZUZENKETAK:		
Nekez kobragarri diren saldoen kalkuluan hutsa	A.13	 (2.570)
GUZTIRA		28.955
Aurreko zuzenketa horien ondorioz, 99/12/31n Diruzaintza Gaindikin erabilgarria 98.529 milioi pezetakoa izango litzateke, kobratzeko zeuden eskubide aitortuek eragindako 37.985 milioi pezetako gorabeheretarako zuzkidura murriztu eta gero (ikus V. atala); zuzenketa hori Gobernuak onartu du eta HKEEk egoki iritzi dio, sententzia jaso zain dauden auzi nagusien ondorioz indarrean dagoen arriskuaren balioespen ekonomikoaren zuzentasuna zehaztu ezin izana salbuetsita, Diruzaintza Gaindikinetik murriztu dena, 16.680 milioi pezetako zenbatekoan. Kopuru hau eskuratu da aurreikusiz auzi guztiak galdu daitezkeela eta Administrazioarentzat gehieneko kostua balioetsiz.
5.– 99/12/31ko konpromezuei dagokienez, erantsitako kontuen konpromiso kredituez gain, 96.855 milioi pezeta egiten dutenak, inbertsioek eragindako konpromisoak erregistratu behar ziratekeen Bizkaiko Garraio Partzuergoan, 2000-2004 aldirako, 33.500 milioi pezetako zenbatekoan (ikus A.18).
Bestalde, 99/12/31n geroko urtealdietarako hitzartutako kredituak, etxebizitzako finantza hitzarmenen kontzeptuan interes puntuen sorospenari dagozkionak, 19.125 milioi pezetakoak izan ziren; ezin jakin dezakegu kopuru hori behar hainbatekoa izango den hurrengo urtealdietan egin beharko diren ordainketa garbiei aurre egiteko, 1999 eta 2000an, 2000. urtean hasiera data dutenak, CAPS erosketa bitartez (interes tipoen aukerak) arriskua babesteko eragiketak gogoan hartuta.
Gure ustez, 1. eta 3. idazatietan jasotako mugak, 2. idazatian azaldutako zalantza egoerak izan dezakeen eragina eta 4. eta 5. idazatietako salbuespenak alde batera utzita, EAEren Administrazio Orokorraren erantsitako Kontuak alderdi esanguratsu orotan 1999ko aurrekontu urtealdiaren jarduera ekonomikoa erakusten du.
III.– BARNE KONTROLERAKO SISTEMEN ETA KUDEAKETA PROZEDUREN GAINEKO IRIZPENAK
III.1.– AURREKONTUA ETA KONTABILITATEA
AURREKONTUAREN LIKIDAZIOA
3.1.1.– Finantza Publikoei buruzko 8/1996 Legearen 18. artikuluak agintzen du Diruzaintza Gerakina baliabide izan daitekeela Autonomia Erkidegoaren Administrazioko eta bere erakunde administratiboetako Aurrekontuak finantzatzeko.
Orobat, artikulu honek xedatzen du, gerakin honen kontura 1/1994 LDren 20. artikuluan araututako kreditu globala handiagotu ahal izango dela.
Diruzaintza Gerakinaren kalkulua Ekonomia Kontrolerako Bulegoak egiten du Gobernu Kontseiluari jakinarazteko, Aurrekontuaren Likidazio-Kontuan barne hartu gabe.
Diruzaintza Gerakinak finantzaketarako iturri modura izan dezakeen garrantzia gogoan hartuta, gomendagarria da horren kalkulua urtealdiko Aurrekontuaren Likidazioan barne hartzea eta horrekin batera Eusko Legebiltzarrak oniriztea.
3.1.2.– Ekonomia Kontrolerako Bulegoak urtealdi itxieran hainbat enpresen egoera aztertu du, zeinekin Gobernuak iraungitzeko dauden abalak mantentzen dituen, onuradunen balizko betegabetzeen ondorioz dagoen arriskua balio-neurtzeko. 99/12/31n balioetsitako arriskua 1.438 milioi pezetakoa zen, Gerakinetik murriztu ez delarik.
Emandako abalek eragindako arriskua balioestetik eratorritako zenbatekoa Diruzaintza Gerakin Erabilgarritik murriztea gomendatzen dugu urtealdiko Likidazio Kontuan. Nolanahi ere, Aurrekontuaren Likidazioa aurkeztu aurretik kopuru hau zehazteko dagoen zaitasuna dela eta, urtealdi bakoitzari txertatu beharko litzaioke aztertutako azken urtealdiaren itxieran balioetsitako kopurua.
III.2.– AURREKONTU ALDAKETAK
3.2.1.– Aztertutako hainbat espedientetan ez dira Ogasun eta Herri-Administrazioaren Sailburuaren 1998ko ekainaren 4ko Agindu bitartez eskatutako azalpen guztiak barne hartzen, aurrekontua aldatzeko espedienteen dokumentazio eta tramitazioari buruzkoak. Orobat, aipagarria da aldaketen dagokion memorian ez jaso izana eraginpeko programen helburu, adierazle eta ekintzen gaineko eragina.
III.3.– LANGILERIA
3.3.1.– LANGILEEN ERREGISTROA
75/1983 Dekretuan eta Euskal Funtzio Publikoari buruzko Legean bertan aurreikusitako langile erregistroa sortu gabe dago oraindik; bertan, EAEren langileria guztiak inskribatua egon beharko du. Nolanahi ere, Administrazio Orokorreko langileak eragiten dituen informatika erregistroa amaitzen ari dira, bertatik kanpo geratu direlarik irakaskuntzako langileak eta Ertzaintza.
3.3.2.– LANPOSTUEN ZERRENDAK
Irakasleen LZk 10.534 lanpostu besarkatzen ditu, eta ez da zehazten lan kontratupeko langileentzat edo funtzionarioentzat gordeta dauden, EFPLren 14. artikulua urratuz.
Lanpostuen Zerrendaren alorrari ezargarria zaion arautegia betetzea gomendatzen dugu.
ORDAINSARIAK
3.3.3.– Abenduaren 28ko 452/1999 Dekretuak 1999rako Euskal Administrazio Publikoetako funtzionarioen ordainsariak finkatzen ditu. Dekretu honek ordainsariak eguneratzen ditu 1999ko urrian hitzartutako igoeren arabera, eta 1997ko urtealdirako Ordainsarien Dekretu ezak eragindako berariazko osagarri soberakina zuzentzen du.
Gobernuak dagokion arautegiaren bitartez, denboraz eta formaz onartutako erabakiak berronetsi behar lituzke, horietatik eratortzen diren obligazioen eta arautegiak arautzen dituenen artean alderik izan ez dadin.
3.3.4.– NUIZi lotutako ordainsariei eta atxikipenei buruz emandako informazioan, EAEren Administrazio Orokorrak ez du bere zerbitzura diharduen langileriaren aldera izenpetutako heriotz eta laneko ez diren istripuei egotz dakiekeen gastua barne hartzen (NUIZen ondorioetarako espeziezko ordainsariak).
3.3.5.– Pentsio osagarrien sistemek 99/12/31n sortutako pasiboa zenbatetsiko duen kalkulu eguneraturik ez da egin; pasibo horri Administrazioak aurre egin beharko dio. 1999an kontzeptu honen izenean 466 milioi pezetako ordainketak egin dira.
NOMINEN KUDEAKETA
3.3.6.– 1999an 128 milioi pezetako zenbatekoa kobratu da Ertzaintzaren kuoten itzulketen kontzeptuan, eta 89 milioi pezeta, Hezkuntza Sailetik, langabezi kuoten okerreko dirusarreraren ondorioz. Txosten hau idatzi dugun datan, kopuru hauek aurrekontuz kanpoko kontuetan daude, oraindik zehaztu ez delako zein langileri dagokien, ordaindu ahal izateko.
3.3.7.– Hilabetero, nominak eragiten duen langileen gastua, langile bakoitzari egotzitako aurrekontu aplikazioan erregistratzen da. Langileek euren nomina garaiz kobratu ahal izateko, kontabilizazio prozesuan hilabeteroko gastua kontabilizatzeko behar hainbateko erabilera saldorik ez duten kopuruak aurrekontuz kanpoko kontu batean erregistratzen dira (kreditu zain dagoen nomina gordina); behin aurrekontu aplikazioak behar hainbateko kredituz zuzkitu ondoren zuzentzen da egoera hori; zuzkidura aurrekontu aldaketen bitartez, edo gastu baimenak eta erabilerak bideratu ondoren egiten da. 1999an kontu honetan erregistratutako gastu kopurua 20.457 milioi pezetakoa izan da; horietatik, 15.379 milioi pezeta Hezkuntza Saileko nominei dagozkie; kontu honetako mugimenduak, ordea, salbuespenezkoa izan beharko luke.
Aurrekontu-egokiera eta aurrekontu exekuzioaren jarraipena hobetzea gomendatzen dugu; baita, kreditu egoki eta behar adinakoa izan aurretik gastuak egitea eragotziko duten kontrolbide zorrotzak ezartzea ere.
3.3.8.– KONTSUMORAKO MAILEGUAK
1999an 97 milioi pezeta ordaindu dira finantzetxeek UTAPeko eta Ertzaintzako langileei emandako maileguen interes-kontzeptuan, kontsumorako maileguak subentzionatzeko emanak, langile hauentzat indarrean dagoen hitzarmenaren ondorioz. Eusko Jaurlaritzak finantzetxeekin izenpetutako Hitzarmenaren arabera aplikatutako interes-tipoa %9,5ekoa izan da 1999ko maiatza arte eta %6koa ordutik aurrera, Euskal Herriko Diruzaintza Orokorraren Kontuetarako eskuratutako ordainsaria baino nabarmen altuagoa. Egoera hau 2000ko urtealdian zuzendu da, izan ere, langileei maileguak zuzenean Departamentuak ematen baitizkio, bere aurrekontuaren kontura.
LEKUALDAKETA LEHIAKETA
3.3.9.– Administrazioak sortzen diren lanpostu hutsak hainbatero lekualdaketa lehaiketara eta eskaintza publikora ez deitzeko politikari eutsi dio, unean uneko langile beharrizanak lanpostu hutsak betez zuzendu du, bitarteko funtzionarioak edo aldi bateko langileak izendatuta. Egoera honek egonkortasun itxaropena sortzen du langileengan, gero bete ezin izaten da eta hautaketa probak egitea zailtzen du, bete behar diren lanpostuen kopurua dela, epaimahaien izendapena dela, etab. 8 urte eta gero, 1998an 1.444 lanpostu huts EAEren Administrazio Orokorrean betetzeko lekualdaketa lehiaketa deitu zen, 1999an erabaki dena.
Sortzen diren lanpostu hutsak betetzeko deialdia urtero egitea gomendatzen dugu, edo gutxien-gutxienik, arrazoizko denbora jakin baten buruan.
3.3.10.– Lekualdaketa lehiaketan, 27 eta 28 mailako lanpostuetan merezimendu modura soilik baloratu da lehiatzen den lanpostuaren antzeko egitekoetan hartutako esperientzia, egiaztagiri bitartez egiaztatu ondoren. Gure ustez, berariazko merezimenduen arauketa hau ez da behar hainbatekoa, izan ere kasu ugaritan egindako balorazioa Balorazio Batzordeari egotzitako aukerakotasun teknikoaren baitako izatea eragin baitu, nahiz ez diren arautegiaren mugak gainditu.
Aurrekoak baino beheragoko maila duten lanpostuetan, esperientzia soilik baloratzen da kidego jakin bati dagokionez, eta ez betetako egitekoei dagokienez.
Datozen lehiaketetan, eskaintzen den lanpostuan bildutako egitekoen gaineko ezagutza eta esperientzia baloratzea bideratuko duten irizpideak finkatzea gomendatzen dugu, ordainsari maila alde batera. Honez gainera, ahalegina egin beharko litzateke "antzeko egitekoaz" zer ulertzen den neurtzeko irizpide objektiboak modu zehatzagoan finkatuko dituzten oinarriak arautzeko; baita, merezimendua egiaztatzeko moldea finkatzeko ere, lanpostuaren monografiako egitekoen deskribapenean oinarrituko dena, lanpostuan aritu den aldiaren agiri egiaztagarriarekin batean; honen helburua antzeko modura baloratzen diren ezagutza eta esperientziak finkatzerakoan aukerakotasuna murriztea da eta prozesuari objektibotasun eta gardentasun handiagoa ematea.
III.4.– TRANSFERENTZIA ETA DIRULAGUNTZAK
3.4.1.– ERAKUNDE LAGUNTZAILEAK
Erakunde laguntzaileen bitartez kudeatutako dirulaguntzen ordainketa-aginduak, erakunde laguntzaileari igortzen zaion erakunde eskumendunaren ebazpenarekin batera, Ekonomia Kontrolerako Bulegoak gastuaren artekaritza egin aurretik exekutatzen dira, Sozietateak igorritako aurrerakinaren likidazioarekin egiten dena. Egoera honek, gainera, urtealdi batetik bestera ordainketak aldatzeko bide ematen du, edota gerora, Barne Kontrolerako Erakundeak atzera botako dituen ordainketak egitekoa.
Honela, bada, 99/12/31n 1.328 milioi pezetako zenbateko bat jaso da "Erakunde Laguntzaileak" aurrekontuz kanpoko zordunetan, egiaz Ekimen programak emandako dirulaguntzengatiko aurrekontuzko ordainketei dagokiena; izan ere, enpresa onuradunei diru-fondoen transferentzia gauzatu baitzaie.
Ekonomia Kontrolerako Bulegoaren aurrean ordainketa ebazpena izapidatzea gomendatzen dugu, Erakunde Laguntzaileak egin baino lehenago.
3.4.2.– GOBERNU KONTSEILUAK ONIRITZITAKO DIRULAGUNTZAK
Gobernu Kontseiluak, 97/9/23ko erabaki bitartez, esne-arloko bi kooperatibari 456 eta 78 milioi pezetako dirulaguntzak galduan ematea onartu zuen, 1997tik 2000ra bitarteko lau urtealdietan zati-banatuak, 1999ri zegokion urtekoa, hurrenez hurren, 150 eta 26 milioi pezetakoa izan zelarik.
Laguntza hauek ez dira indarreko dirulaguntza arauen inongo jarduera esparrutan jasotzen, izan ere, dirulaguntzen azken xedea bi kooperatibak akziodun diren esne sozietatearen partaidetza kreditu bat harpidetzea baita. Eusko Jaurlaritzak guztira finantzatutako kredituaren portzentaia guztira %56koa da.
3.4.3.– NEKAZARITZA SAILEKO
DIRULAGUNTZAK
9.811 milioi pezetan esleitu diren 14 dirulaguntza lerrori dagokien arautegia aztertu dugu; hona hemen horien xehekapena:
Milioi pezeta
AITORTUT.
ARAUA	DIRULAGUNTZA LERROA	ERABILITAKOA	 OBLIGAZIOA
O. 17/7/97	Arrantzarako Elkarte Ekimena (lerro 1)	 1.300	1.300
D. 228/96	Partehartze Komunitario Estrukturala Arrantza eta Akuikultura (7 lerro)	2.890	2.890
D. 96/96	Nekazalgaien merkaturatze eta eraldaketa (2 lerro)	2.607	2.605
O. 25/06/96	5b guneen Sustapen eta Garapena (lerro 1)	 2.037	1.940
D. 172/85	Nekazaritza-arrantza industrien sustapena (3 lerro)	977	977
GUZTIRA	(14 lerro)	9.811	9.712
Hona hemen arautegian azaleratu diren hutsak:
– 14 lerroetan ezartzen da irizpide ezberdinen arabera zati-banatuko direla, hala nola, eskabidea aurkezteko hurrenkera, aurrekontuaren erabilgarritasunaren arabera, edo emakida prozedura lehiaketa izango dela finkatzen den kasuetarako, lehentasunezko proiektu edo inbertsio motak finkatzen dira, inongo unetan balio-neurtzen ez direnak.
– 4 lerrotan, 5.944 milioi pezeta egiten dutenetan, ez dira dirulaguntzen balorazio ekonomikoaren irizpideak finkatzen, baizik eta laguntzarako gehieneko ehunekoak edo zenbatetsi gabeko irizpideak zehazten dira.
– 4.190 milioi pezeta egin dituzten 8 lerrotan, ez da emakida ebazpena argitaratzeko obligazioa finkatzen.
– 2.890 milioi pezeta egin dituzten 7 lerrotan, ez da onuradunaren aldetik laguntzaren helburua bete izana justifikatzeko ez epea, ezta modua ere arautzen.
– Aztertu ditugun dirulaguntza-lerroetako batean ere ez da arautzen onuradunak HKEEren eskura eskatzen dituen dirulaguntzei buruzko dokumentazioa jartzeko duen obligazioa.
– Dirulaguntza lerro batean, 1.300 milioi pezetakoan, ez dira arautegiaren aurka bidezko diren administrazio errekurtsoak adierazten.
– Dirulaguntza lerro bakar batean ere ez da gastua berariaz onirizten.
1/1997 LDren VI. Tituluan aurreikusitako dirulaguntza jarduera arautzen duen arautegia betetzearren, Nekazaritza Sailak 2000ko urtealdian bere dirulaguntzei ezargarria zaien arautegia gaurkotu du.
Aztertutako dirulaguntzen 51 espedientetan azaleratu diren hutsak honako hauek dira:
– Arrantzaren Plan Estrategikoaren barnean, Eusko Legebiltzarrak Bizkaiko Foru Diputazioaren eta Eusko Jaurlaritzaren artean 1999ko apirilaren 22an Hitzarmen bat izenpetzea oniritzi zuen; hitzarmenaren helburua EAEren untziteriarentzat kala berriak bilatu eta kokatzeko egitasmoen egintza elkarfinantzatzea da eta 400 milioi pezetako ekarpena du, erakunde biek %50ean elkarfinantzatua.
Jarduera hau IFOPen Elkarteko Laguntzen barruan kokatzen da (Arrantza Esperimentaleko Ekintza Pilotuak), 228/1996 Dekretuaren 44. artikuluak araututakoak.
Hitzarmenaren jarraipenerako Batzorde Mistoak muga bat ezarri zuen itsasuntziaren tamainari zegokionez. Arrantza esperimentaleko ekintzetan laguntzak kalkulatzeko modua, 45.3 artikuluak agintzen duen moduan, kapturen merkaturatzetik eratorritako dirusarrera eta proiektuaren beraren ustiaketa gastuen arteko aldearen araberakoa izango da, inongo mugarik gabe.
27 eta 35 milioi pezetako bi espedientetan, emandako laguntzaren kopurua Batzorde Mistoak finkatutako muga ezartzearen ondorio izan da. Bigarrenean, ez dira egokiro justifikatzen egiaz eskuratutako sarrerak eta gastuak.
Dirulaguntzen emakidan zehaztutako mugak laguntzen deialdian barne hartzea gomendatzen dugu, hartara, laguntzak eskatzen dituztenek ezagut ditzaten; orobat, prospekzio jardueren emaitzen justifikazio zuzena eskatzeko gomendioa luzatzen dugu.
– Arrantzaren elkarte ekimenaren baitan arrantza sektorea birregituratzeko laguntzei buruzko 1997ko uztailaren 17ko Aginduaren babesean, dirulaguntza bat eman zaio Arrantzale elkarte bati arrantzarako insalakuntza lagungarri baterako, izan ere, egin beharreko inbertsioak ekimen publikokoak direla ulertu baita. Ekimen pribatutzat hartu izan balitz, laguntzaren ehunekoa txikiagoa izango zatekeen.
Nahiz arrantzaleen elkarteak zuzenbide publikoko korporazioak diren, elkarte batek inbertsioak egitea ezin uler daiteke Legeak elkarte mota honi agintzen dizkion egiteko publikoen artean jasoa dagoela, azken batean kontsumitzaileengan eragiten dituen irabaziak irabazi; orobat, ezin uler daiteke Administrazioak eskuordetutako jarduera denik.
Ekimen hau publiko izendatu ahal izateko, laguntza hauek arautzen dituen Aginduaren 7.1 a) artikuluak duen adieraren arabera, finantzatutako inbertsioak subjektu publiko baten erabilera ahalmenaren baitan geratu beharko lukete eta ez aldatu kofradiaren ondarearen atal izatera; izan ere, derrigorrez inbertsioari eutsi behar zaizkion bost urteak igaro ondoren, libreki eskualda baitaiteke inbertsio hauen jabetza; inbertsio hauek, gainera, ez dute kosturik izan, 16/1998 Legearen 4.k) artikuluan xedatutakoari jarraiki.
Nekazaritza eta Arrantza Sailak laguntza emateko baldintzak aldatzeko aukera aztertu behar luke, interes publikoaren onurako izango dela bermatzearren, eta derrigorrezkoa den epea igaro ondoren, diruz lagundutako ondasuna libreki eskualdatzea eragotziz.
3.4.4.– BESTE BATZUK
1999ko urtealdi itxieran 7. atalburuko gastu modura erregistratu zen (kapital transferentzia eta dirulaguntzak) 1.050 milioi pezetako kopuru bat, CAPSen (interes tipoen aukerak) erosketa eragiketen kontratazioagatik ordaindu beharreko printzipalaren aurrerakin kontzeptuan, hasiera data 2000ko urtean zuena. 99/12/31n ez zegoen zorpetutako ordainketa obligaziorik eta kopurua ez zegokion justifikatutako ez kalkulu ezta balioespenari ere.
Aurrekontu soberakinak ez dira erabili behar gastuen erregistroa gauzatu aurreko urtealdietara aurreratzeko.
III.5.– PREMIABIDEAN KOBRATZEKO DAGOENA KONTUETARATZEA
3.5.1.– kobratzeko dagoen kopuru bat betearazte-bidera aldatu dela erregistratzeko kontularitzan ohar bikoitza egiten da:
– jatorrizko kobratzekoa baliogabetzen da,
– beste kobratzeko bat zorpetzen da, zorra gehi premiabide gainkarguaren kopuruarekin.
Erregistro hauek itxitako urtealdien aurrekontuan lehenagoko urtealdietan zorpetutakoak baliogabetzea eragiten dute eta indarreko urtealdian zorpetu berri bat aitortzea.
Zor bat borondatezko edo betearazpen bidean sailkatzeak ez dezala indarreko urtealdian eta itxitakoetan aitortutako sarreren zenbatekoa bihurrituko duten oharrak egitea eragin.
III.6.– DIRULAGUNTZEK ERAGINDAKO SARRERAK
EB-tik eratorritako egitura-fondoak.
3.6.1.– Komunitateko araudian ezarritakoaren arabera, onartutako laguntzak eskuratzeko justifikatzen diren proiektu subentzionatuen egiterapenak egindako ordainketekin bat etorri behar du, faktura edo horien egiaztagiri bidez eutsitakoak. Baldintza honek eragozten du hirugarrengoentzat dirulaguntzak oniriztean ematen diren aurrerakinak laguntzak eskuratzeko egindako gastutzat hartzea eta erregistratutako gastuak justifikaziotzat balio izatea, harik eta egiaz ordaintzen diren arte.
EBk finantzatzen dituen egitasmoen egiterapenaren kontrol egokiak aurrekontua banakakoturik egitea (edo identifikatzeko moduan) eskatzen du, kontularitzako erregistroekin igorritako justifikagiriak alderatzea bideratuko duena eta hori guztiz zaila da gaur egun erabiltzen den aurrekontu sistemarekin. Gainera, identifikazio hau hondakinen aurrekontuan mantendu behar da, izan ere, ordainketa egiterapen justifikagarri modura hartzen denez gero, horietako asko hondakinen ordainketei dagozkie, are gehiago gastuak onuradunaren aldetik eskagarritasuna izan baino lehenago egiten direnean.
IFOP eta FEOGA fondoak salbuetsita, ez da EBk finantzatutako gastu programen egiterapenaren aurrekontu jarraipenik egiten.
3.6.2.– Ez dagoela irizpide batasunik ikusi dugu Europako Batasunetik jasotako sarrerak kontularitzan erregistratzerakoan, segun eta programa operatiboa zein den modu ezberdinean kontuetaratzen dela. Gehien erabiltzen diren irizpideak dira: sarrerak kobratzen direnean erregistratzea (kutxa irizpidea), fondoen transferentzia jakinarazten denean erregistratzea eta EBri aurrerakinak eskatzen zaizkionean erregistratzea, horretarako beharrezko diren gastuak egiteratu ondoren. Egoera hau 2000ko urtealdian zuzendu da Ekonomia Kontrolerako Bulegoaren zirkular bitartez, erregistro irizpide bakar modura kutxako irizpidea ezarrita.
3.6.3.– Egailani dagozkion Europako Gizarte Fondoko etengabeko prestakuntzarako fondoak, Gobernuaren beraren sarrera modura erregistratzen dira. Honen aldean, Gobernuak sozietate honen ustiaketa-defizita gastuen 4. atalburutik subentzionatzen du, 513 milioi pezetan.
Sarrera hauek kontularitzako isla Egailanen kontuetan izan behar lukete, sozietatearen egiazko ustiapen-defizitaren irudi zehatza erakustearren.
3.6.4.– EBk, Kohesio Fondoaren bitartez (KF), 1164/94 Arautegiari jarraiki, estatu kide kaltetuenetako (elkarteko batez bestekoaren %90ak baino Errenta per kapita baxuagoa duten estatuak) ingurugiroan eta garraioaren azpiegituren sare transeuroparretan inbertsio proiektuak finantzatzen ditu.
EAEk KFren finantzaketa lortu du 6 inbertsio-proiektutarako, Eusko Jaurlaritzak eta foru diputazioek egindakoak. 99/12/31ra arte eskuratutako sarrerek 7.246 milioi pezeta egin dituzte; Finantza Publikoen Euskal Kontseiluak erabakitakoaren ondorioz, sarrera horiek ez dira foru erakunde eta Eusko Jaurlaritzaren artean banatu finantzatutako proiektuetarako bakoitzak egin duenaren ekarpenaren arabera, baizik eta Euskadi XXI Azpiegituren Planaren zuzkidura gehitzeko erabili dira. Plan horretako Zuzendaritza Kontseiluak 97/03/04ko bileran erabaki zuen fondo horiek Eibar-Vitoria eta Durango-Beasain korridorearen errepide-proiektuetarako ematea, Euskadi XXI Planean aurrez esistitzen zen erakundearteko banaketa gordez. Gobernuak banaketa honen arabera, 4.940 milioi pezeta eskuratu ditu (2.683 1997an, 1.080 1998an eta 1.177 1999an).
00/06/30ean Bruselara zertifikatu den Kohesio Fondoekin elkarfinantzatutako gastuaren exekuzioa 12.330 milioi pezetakoa izan da. Finantzaketa komunitarioaren molde honetara bildutako 6 egitasmoetatik 4, osotasunean egiteratu dira eta horiek onartzen dituen elkarteko arautegian finkatutako laguntza kobratu da.
Gobernuak exekutatutako proiektuei dagokienez, EBren finantzaketaren eta erregistratutako 4.940 milioi pezetako sarreren arteko aldea, 2.306 milioi pezetakoa da, Euskadi XXI Planari foru aldundiek egindako ekarpen modura azaldu behar luketenak.
III.7.– KOBRATU ETA ORDAINTZEKO DAUDEN HONDAKINAK KOBRATZEKO DAUDEN
HONDAKINAK
3.7.1.– Hasierako kobratzekoa kapituluen arabera sailkatzea 99/1/1ean, ez dator bat 1998ko urtealdiaren aurrekontua likidatzetik eskuratuko litzatekeenarekin. Egoera hau gertatu da kobratzeko dauden saldoak IKUS kontularitzako programa berrira aldatzerakoan aurrekontuan sailkatzeko segi den prozeduragatik, gerora zuzendu ez dena.
3.7.2.– 1998ko urtealdian hiru Foru Aldundiekin dirubilketarako hitzarmen berriak izenpetu eta argitaratu dira. Hitzarmen berriarekin BFAri 1995 baino beranduagoko zorren zor-ziurtapenak igorri zaizkio, horien dirubilketa egin dezan. Bizkaiko Lurralde Historikoaren lehenagoko zorrak, 2.149 milioi pezetakoak, ez dira igorri ez baitzegoen zor-egiaztagirien euskarri informatiko banakakoturik. Gainera, igorritako zorren artean 1996, 1997 eta 1998ko trafikoko isunei dagozkienak daude, 1.117 milioi pezeta egiten dutenak; horiek guztiak 1999an baliogabetu dira indarra galdu izateagatik, martxoaren 2ko 339/1990 Legegintzazko Erret Dekretuaren 81.2. artikuluan xedatutakoari jarraiki, Trafiko, Motordun Ibilgailuen Zirkulazio eta Bide Segurtasunari buruzko Legea (preskripzio epea, urtebetekoa indarra hartzen dutenetik aurrera).
Nahiz eta aurreko egoerek ez duten Diruzaintza Gerakin erabilgarrian eraginik, gaudimengabezietarako zuzkiduran barne hartuak daudenez gero, edo 1998 eta 1999an baliogabetuak, dirubilketarako beharrezko diren kudeaketak edo prozedurak egitea gomendatzen dugu, hartara, aurrerantzean, EAEren Administrazio Orokorraren ogasuntzari kalte gehiago ez eragitearren.
3.7.3.– Trafikoko isunak ez dira beterazte bidera aldatzen harik eta administrazio bidean tinkotzen ez diren bitartean eta hori hala gertatzen da Administrazioaren aurrean jarritako errekurtsoak ebatzi ondoren. Ebazpenetako moteltasunak eragiten du 1998 eta lehenagoko urteetan jarritako isunak, 1.606 milioi pezetakoak, 99/12/31n borondatezko bidean kobratzeko zain egotea.
ORDAINTZEKO DAUDEN GERAKINAK
3.7.4.– Gastu hondakinen kontularitzako identifikazioa
nabarmen urritzen da urtealdirako ezarrita dagoenarekiko. Honela, urtealdi itxieran kopuruak ordaintzeko geratzen direnean, aurrekontu programari eta azpipartidari egiten zaien erreferentzia kendu egiten da.
Prozedura hau onargarria izango litzateke baldin eta urtealdi itxieran ordaintzeko epe motzeko mugaeguna duten obligazioak geratuko balira, baina eskagarriak ez diren obligazioak erregistratzen direnez gero (0 agiriak - mugaeguna) beharrezkoa da ordaintzeko dauden hondakinak kontularitzan zuzen identifikatzea.
III.8.– DIRUZAINTZA
3.8.1.– Bi kontutan, baimendutakoak edo finantza autonomiadun zentroetakoak, interesen likidazioei ezarri zaien interes tipoa baxuagoa da EAEren Administrazioaren eta finantzetxeen arteko Akordioan 1999rako finkatutakoa baino.
3.8.2.– Finantzetxe batek egiaztatu du Eusko Jaurlaritzak erregistratu gabe dituen bi banku kontu existitzen direla; bata, Bilbo aldeko Hautes-batzordearena da, 72.000 pezetako saldoa duena eta banku-komisioen kobrantzaz besteko konturik gabekoa; besteak, berriz, 117 milioi pezetako saldoa du eta Basurtoko Ospitaleari milioi bat dolarreko usufrukturik gabeko jabetza utzi zion testamentu bitartez eskuratu zen. Testamentu hori 317/1992 Dekretu bitartez oniritzi zen, ondasunak Euskadiko ondareari egotziz, Euskadiko Ondarearen Legearen 39.2 artikuluari jarraiki.
EAEren Diruzaintza Orokorrak egoera hauek zorroztasunez kontrolpetzea gomendatzen dugu.
III.9.– KONTRATAZIOA ETA ADMINISTRAZIO
PROZEDURA
Aztertu ditugun espedienteen zerrenda A.19 eranskinean dago jasoa.
3.9.1.– ESLEITZEKO IRIZPIDEAK
3.9.1.1.– Aztertutako espedienteetatik hirutan (9, 10, 11 zk.ko espedienteak), 3.185 milioi pezetako esleipen zenbatekoa egiten dutenak eta guztiak lehiaketa bidez esleitutakoak, Administrazio Baldintza Partikularren Pleguak (ABPP) zehazten dituen esleipen-irizpideen artean enpresen gaudimen profesionalari buruzko alderdiak barne hartzen dira. Irizpide hauek erabiltzeak ABPPren 87. artikuluan jasotakoa urratzen du, izan ere, esaten baita baloraketarako irizpideak objektiboak izango direla. Edonola, ezin baloratu daiteke eskaintzaren atal modura, prozeduraren aurreko atalean baloratu behar den hura, kontratariaren gaitasun egokia egiaztatzea baino ez dena.
Gainera, beste hiru espedientetan (5, 12 eta 14 zk.) lehiaketa bitartez 1.506 milioi pezetako zenbatekoarekin bideratutakoak, itxura batean objektiboak diren "bermeak" bezalako irizpideen atzean, pleguetan aurreikusitako garapenaren arabera baloratzen dira kontratarien gaitasunari dagozkion atalak, esate baterako, lantaldeak, baliabideak, makineria edo azpikontratariak eurak.
3.9.1.2.– Aztertu ditugun espedienteetatik 12tan (1etik 4ra eta 7tik 14rako zk.ak), 9.880 milioi pezetako esleipen zenbatekoa dutenak, ikusi dugu faktore ekonomikoa baloratzerakoan puntuaketa gehiena batez bestekotzat hartutako zenbatekoei ematen zaiela, horietatik urruntzen direnak zigortuz. Honako hau ez da legezkotasun arazoa, legeak ez baitu eragozten eta ABPPn bertan jasoa baitago. Dena dela, formula mota hau erabiltzea lehaiketaren helburuaren aurkako gerta daiteke, alderdi teknikoetan baloraketa onena duen eskaintza, merkeagoa izateagatik baztertua izan baitaiteke.
3.9.2.– PREMIAZKO PROZEDURA BITARTEZ
BIDERATUTAKO ESPEDIENTEAK
1998ko urtealdian bezalaxe ikusi dugu kontratazio espediente asko premiazko izendatzen direla, salbuespen litzatekeena arau orokor bihurtzen delarik. Honela, bada, aztertu ditugun 40 kontratutatik 21, 11.908 milioi pezetako esleipen zenbatekoa dutenak, (5etik 14ra, 17, 21etik 24ra, 31, 34, 36, 37, 39 eta 40) premiazko izendatu dira.
Espedientea premiazko izendatzeak epeak erdira murriztea eragiten du, agintaritzako aldizkarietan publizitateari dagozkionak barne, eta honenbestez, kontratari orok bere eskaintza mamitu eta aurkezteko duen epea ere bai.
3.9.3.– KREDITU ATXIKIPENA URTEANITZEKO KONTRATUETAN
Neurri Fiskal, Administratibo eta Gizarte Mailakoei buruzko abenduaren 30eko 50/1998 Legeak APKLren 68. artikulua aldatu zuen, atal bat gehitu ziolarik; atal honek esaten du "urteanitz izaerako obra kontratuen likidazioaren ondorioetarako, prezioaren erabateko ordainketa moldea erabilita egindakoak salbuetsita, gauzatzen den unean esleipen zenbatekoaren %10aren kreditu-atxikipen gehigarria egingo dela. Atxikipen hau obra amaitzeko kontratuan finkatutako epea amaitzen den urtealdiari aplikatuko zaio, edo hurrengoari, según eta ordainketa zein unetan egitea aurreikusi den".
9 kontratutan, (1etik 3ra, 7, 8, 10, 11, 37 eta 38), 6.221 milioi pezetako zenbatekoarekin esleitutakoak, artikulu horrek agintzen zituen baldintzak betetzen ziren arren, horietako bakar batean ere ez da kreditu atxikipen hori gauzatu.
3.9.4.– PUBLIZITATERIK GABEKO PROZEDURA NEGOZIATUA
Administrazio Orokorraren esleipenetan egindako azterketa orokorretik ondorendu da 104 kontratutan publizitaterik gabeko prozedura negoziatua erabili dela, guztizkoaren %22 egiten duena.
Sistema honen bitartez esleitutako 19 kontratu aztertu ditugu, APKLn aurreikusitako baldintzak betetzen direla egiaztatzearren. Aztertu ditugun espediente guztietan, horren erabilera APKLn jasotako aurreikuspenen bati lotzen zaio. Espedienteen %32an, aurrez homologaziorako moldea zehazteko lehiaketa gauzatu da.
2 espedientetan (25 eta 29 zk.) beste inongo eskaintzarik eskatu gabe enpresa baten alde egin da esleipena; guztiek dute ederki arrazoitua esleipen hartzaile den enpresaren gaitasun teknikoa, baina zalantzan jartzen da zerbitzu horiek eskaintzeko beste enpresarik batere ez existitzea.
3.9.5.– BESTELAKO ALDERDI ZEHATZAK
3.9.5.1.– 396 milioi pezetan esleitutako bi espedientetan (36 eta 37 zk.), esleipen txostena ez dago behar bezain arrazoitua, izan ere, puntuak emateko taula bat baitago, emakida hori batere arrazoitu ez dela (APKLren 89.2 artikulua).
3.9.5.2.– 717 milioi pezetan esleitutako hiru espedientetan (43, 44 eta 55 zk.), onartu eta formalizatu aurretik aldatutako proiektuei dagozkien lanen atal bat zertifikatu eta fakturatu egin da (APKLren 146.3 artikulua). Aldaketen zenbatekoa guztira 352 milioi pezetakoa da.
3.9.5.3.– 604 milioi pezetan esleitutako bost espedientetan (45, 50etik 52ra eta 56), obrak egiteratu, hartu edo likidatzean atzerapenak izan dira.
IV.– FINANTZAren ANALISIA
Administrazioak geroko inbertsio programei aurre egiteko duen gaitasuna sarrera eta gastu arrunten egiturak zehazten du, emaitza arruntean eta finantza zama handiagoari aurre egiteko ahalmenean gauzatzen dena.
EAEren Administrazio Orokorraren emaitza arruntaren, zorpidetzaren eta pilatutako emaitzaren bilakaera 1994tik 1999 bitartera arte honako hau da:
Milioi pezeta
	1994	1995	1996	1997	1998	1999
Sarrera arruntak (2tik – 5erako atalburuak)	561.131	575.322	 656.817	663.213	746.059	815.880
– Funtzionamendu gastuak (1, 2 eta 4 atalb.)	456.200	493.349	 532.557	547.777	579.169	619.675
AURREZKI GORDINA	104.931	81.973	124.260	115.436	166.890	 196.205
– Finantza gastuak (3. atalburua)	25.411	29.428	28.980	26.850	 24.295	19.773
EMAITZA ARRUNTA	79.520	52.545	95.280	88.586	142.595	 176.432
Inbertsio garbiak (Gastuak - 6, 7 eta 8 Sarrerak)	108.557	91.812	 103.492	105.225	112.262	127.331
Jaulkitako Zor Garbia (Sarrerak 9 - Gastuak 9)	50.419	42.872	 33.109	26.075	(11.800)	(30.952)
Indarreko Zorra	248.740	291.613	324.722	350.797	338.997	 308.045
Diruzaintza Gaindikina 31/12n	48.188	49.765	68.184	75.270	 90.403	107.559
Adierazle ekonomikoen bilakaera: gastuak, sarrerak eta indarreko zorra Milioi pezeta
Adierazle ekonomikoen bilakaera: emaitza eta jaulkitako zor garbia Milioi pezeta
Urtealdiko sarrera arruntei dagokienez, 1999ko parametroak alderatzen baditugu, adierazle berekin 1994-1998 aldian eskuratutakoekin, EAEren finantza egoera nabarmen hobetu dela ondorendu dezakegu, izan ere, sarrera arruntak gehitu baitira, sarrera arruntekiko indarreko zorra murriztu eta Diruzaintza Gerakina gehitu, sarrera horien aldean.
1999ko urtealdian foru aldundiek egindako ekarpenen ondorioz, sarrerek %10,5 egin dute gora, batez ere, itunpeko zergen bilketa handiagoaren eta INSALDUD eta IMSERSOren berariazko ekarpenaren ondorioz.
Pezeta arruntetan egindako inbertsioa aurreko urtealdikoa baino %13,4 handiagoa da, modu adierazgarrian inflazioaren gainetik kokatzen duena. Funtzionamendu gastua, berriz, %7 baizik ez da gehitu, sarrera arrunten gaineko partaidetza, gainera, urritu delarik.
Hona hemen aurreko magnitudeak sarrera arruntei dagokienez:
			Milioi pezeta
	% 94-97	% 98	% 99
		Sarrera Arruenten Gain.
Sarrera arruntak (2tik - 5erako atalburuak)	%100,0	%100,0	%100,0
Funtzionamendu gastuak (1, 2 eta 4 atalburuak)	%82,6	%77,6	%76,0
AURREZKI GORDINA	%17,4	%22,4	%24,0
Finantza gastuak (3 atalburua)	%4,5	%3,3	%2,4
EMAITZA ARRUNTA	%12,9	%19,1	%21,6
Inbertsio garbiak (Gastuak - 6, 7 eta 8 Sarrerak)	%16,7	%15,0	%15, 6
Jaulkitako Zor Garbia (Sarrerak 9 - Gastuak 9)	%6,2	(%1,6)	(%3, 8)
Indarreko zorra	%49,5	%45,4	%37,8
Diruzaintza Gaindikina 31/12n	%9,8	%12,1	%13,2
Sarrera arrunten gaineko magnitudeen bilakaera, 1994-1999
Litekeena da geroko inbertsio beharrizanak behar bada horniketa eskaseko hainbat zerbitzutan edo inbertsio maila handikoetan oinarritzea. Ildo honetatik, industria eta etxebizitza politikak 1999ko abenduaren 31n inbertsio konpromezuen ehuneko handia egiten du eta gainera, trenbide eta ur eta saneamendu azpiegituretan inbertsio handiak egitea espero da. Azterlan honetatik ondorendu daiteke emaitza arrunta, zorpidetza eta Gaindikin erabilgarria egoera onean daudela eta geroko inbertsioei aurre egiteko bide ematen dutela.
V.– 1999-ko URTEALDIKO KONTUAK
SARRERA AURREKONTUAREN EGITERAPENA	Milioi pezeta
	AURREKONTUA	ESKUBIDE	KOBRA	% EGITE-
ATALBURUAK	HASIER.	2/99 LEG.	ALDAK.	BEHIN-BET.	AITORT.	 KOBRAK.	TZEKOA	RAPENA
2. Zeharkoako zergak (A.9)	1.300	0	0	1.300	1.166	956	 210	%90
3. Tasak eta best. sarrerak (A.9)	8.599	0	153	8.752	11.186	 6.976	4.210	%128
4. Transferenria arruntak (A.10)	712.309	28.499	31.240	 772.048	799.241	787.371	11.870	%104
5. Ondare sarrerak	3.660	0	0	3.660	4.287	2.495	1.792	 %117
6. Inbertsioak besterentzea	0	0	0	0	196	196	0	-
7. Kapital transferentziak (A.11)	8.145	0	2.551	10.696	 9.541	4.981	4.560	%89
8. Finantza Aktiboen ald. (A.12)	1.430	0	4.210	5.640	1.075	 1.054	21	%19
9. Finantza Pasiboen ald. (A.16)	29.949	0	0	29.949	20.798	 20.798	0	%69
SARRERAK GUZTIRA	765.392	28.499	38.154	832.045	847.490	 824.827	22.663	%102
GASTU AURREKONTUAREN EGITERAPENA	Milioi pezeta
	AURREKONTUA	SORTUT.	ORDAIN-	% EGITE-
ATALBURUAK	HASIER. 	2/99 LEG.	ALDAK.	BEHIN-BET.	OBLIGAZ.	 ORDAIN.	TZEKOA	RAPENA
1. Langile gastuak (A.4)	171.887	5.253	17.126	194.266	 194.266	184.936	9.330	100%
2. Funtzionam. gastuak (A.5)	218.268	0	9.666	227.934	 227.584	204.343	23.241	100%
3. Finantza gastuak	20.019	0	(243)	19.776	19.773	19.750	 23	100%
4. Trans. gast. arrunt. Dir. (A.6)	184.854	11.288	2.017	 198.159	197.825	177.360	20.465	100%
6. Inbertsio errealak (A.7)	33.878	3.850	(2.471)	35.257	 33.448	18.126	15.322	95%
7. Kapit. erag. transf eta dir. (A.6)	71.991	6.462	(2.841)	 75.612	75.418	36.084	39.334	100%
8. Finantza Aktiboen aldak. (A.8)	12.745	1.646	14.900	29.291	 29.277	25.955	3.322	100%
9. Finantza Pasiboen ald. (A.16)	51.750	0	0	51.750	51.750	 51.750	0	100%
GASTUAK GUZTIRA	765.392	28.499	38.154	832.045	829.341	 718.304	111.037	100%
Parentesi arteko erreferentziak txosten honetako eranskinei dagozkie.
99/12/31-n KONPROMEZUZKO KREDITUAK			Milioi pezeta
	AURREKOA	1999	GUZTIRA
Funtzionamendu gastuak	761	2.267	3.028
Transferentziak eta dirulaguntza arruntak (A.6)	578	3.882	4.460
Inbertsioak (A.7)	12.136	10.571	22.707
Transferentziak eta kapital dirulaguntzak (A.6)	42.332	24.185	 66.517
Finantza Aktiboen aldaketak	0	143	143
GUZTIRA	55.807	41.048	96.855
ZORPIDETZA	Milioi pezeta
99/1/1eko saldoa	338.997
Jaulkipena	20.798
Amortizazioa	(51.750)
99/12/31ko saldoa	308.045
1998ko EMAITZA ETA 99/12/31-n GAINDIKINA			Milioi pezeta
1998ko abenduaren 31n Diruzaintza Gaindikina			90.403
1999. urtealdiko emaitza:			17.156
Aurrekontu Arruntaren superabita		18.149	
Aurreko urtealdietako eragiketen defizita (A.13)		(993)	
1999ko ABENDUAREN 31n DIRUZAINTZA GAINDIKINA			107.559
99/12/31N DIRUZAINTZA GAINDIKINA GAUZATZEA			Milioi pezeta
DIRUZAINTZA			200.259
KOBRATZEKOA			57.793
Kobratzeko eskubideak: aurrekontu itxiak (A.13)		29.424	
Kobratzeko eskubideak: indarreko urtealdia		22.663	
Zordunen aurrekontuz kanpoko saldoak (A.15)		5.706	
ORDAINTZEKOA			(150.493)
Ordaintzeko obligazioak: aurrekontu itxiak (A.13)		14.646	
Ordaintzeko obligazioak: indarreko urtealdia		111.037	
Hartzekodunen aurrekontuz kanpoko saldoak (A.15)		24.810	
1999/12/31n DIRUZAINTZA GAINDIKINA			107.559
Aurreko kontuez gain, Ogasun eta Herri Administrazio Sailaren Ekonomia Kontrolerako Bulegoak (aurrerantzean EKB), hainbat kontularitzako informazio mamitzen du Gobernu Kontseiluari jakinarazteko, EAEren aurrekontu likidazioaren Kontuari txertatzen ez zaiona. Informazio horretan Diruzaintza Gaindikin erabilgarria kalkulatzen da eta Diruzaintza Gaindikinetik aurreikusitako gora-beherak murrizten dira; hona hemen xehekapena:
DIRUZAINTZA GERAKIN ERABILGARRIA			Milioi pezeta
99/12/31n Diruzaintza Gaindikina			107.559
Kobratzeko dauden aitortutako eskubideek erag. gorabeherak, ondokoei dagozkienak:			(37.985)
Emandako maileguak (A.13)		1.196	
Egiteratutako abalek eragindako erreklamazioak		16.211	
Itxitako urtealdiak (A.13)	16.063		
Indarreko urtealdia (A.17)	148		
Trafiko zigorrak		3.547	
Itxitako urtealdiak (A.13)	2.479		
Indarreko urtealdia (A.9)	1.068		
Ebatzi gabeko auziak, non Administrazioa eraginpean dagoen		16.680	
Bestelako kontzeptuak		351	
DIRUZAINTZA GERAKIN ERABILGARRIA			69.574
EUSKAL AUTONOMIA ERKIDEGOKO
ADMINISTRAZIO OROKORRAREN GAINEKO
FISKALIZAZIOAREN, 1999KO EKITALDIARI
DAGOKIONAREN, EMAITZEI BURUZKO
ALEGAZIOAK.
SARRERA
Euskal Autonomia Erkidegoko Administrazio Orokorraren gaineko fiskalizazioaren, 1999ko ekitaldiari dagokionaren, emaitzei erantzuna ematearren, eta otsailaren 5eko 1/1988 Legeko 13. artikulukoa beteaz, aipagai dugun arazoari dagokionez honako hauek jasotzen dira txosten honetan: organo kudeatzaile bakoitzak egindako justifikazioak eta alegazioak, Kontrol Ekonomikorako Bulegoak batutakoak hain justu ere.
II.– IRITZIA
II.– LEGEZKOTASUNA BETETZEAREN GAINEKO IRITZIA
AURREKONTU LUZAPENA
Zelan eta Eusko Jaurlaritzak ez baitio aurkeztu Eusko Legebiltzarrari Euskal Autonomia Erkidegoaren 1999ko ekitaldirako Aurrekontu Orokorrei buruzko legea, Herri Kontuen Euskal Epaitegiak dudan jartzen du Jaurlaritzaren jarduera-ezaren legezkotasuna.
Aurrekontuak era formalean ez aurkeztea ez da finantza-legalitatea ez betetzea, eta, izatez, ondorio juridiko zuzen bat baino ez du, hau da, aurrekontu-luzapena eragitea, kasu hauetarako legeak aurreikusten duena.
Aurrekontuak aurkezteko ekimenaz baliatzeko, Jaurlaritzak aldez aurretik ezarritako epe bat izateak honako helburua du: eztabaidak gauzatu ahal izateko gutxieneko epe bat finkatzea, beraz urtarrilaren 1ean hartzen du indarra legeak. Politikaren arloko kausa batek egon beharko du, gobernuak atzerapenez jokatzeko edo proiektua ez aurkezteko, eta kausa hori Legebiltzarrak bakarrik juzka dezake, legediaren baliabideak erabiliaz juzkatu ere.
Horrela, bada, arlo honetan izari politikoa juridikoa baino gorago dago, eta ez da bidezko finantza-legalitateko balioespenak eta irizpideak erabiltzea, zeren politikaren arlokoak baitira kontrola egiteko bideak eta erantzukizunak epaitzeko bideak.
Bestalde, notatzekoa da: HKEEk 1999ko ekitaldiari dagokionez bakarrik adieraztea aipatu ez-betetzea; izan ere, 1987, 1988, 1991, 1992 eta 1995 ekitaldietan araudi berberaz egoera berdina jazo zen-eta, hortaz, zera ondoriozta daiteke: ekitaldi horiei dagokienez Epaitegiak ez zuela ikusi legezkotasuna ez-betetzerik.
II.2.– ADMINISTRAZIO OROKORRAREN KONTUAREN GAINEKO IRITZIA.
99/12/31n, diruzaintzako gerakin erabilgarriari egindako egokitzapenak.
Diruzaintzako gerakin erabilgarriari egindako egokitzapen positiboak, epaitegiak proposaturikoak, ondoko hiru sailetan sar daitezke:
1.– 99/12/31n, emanda dauden baina ordaindu gabe dauden diru-laguntzak = 25.317 milioi pezeta.
HKEEren arabera, onuradunak diru-laguntzaren helburua gauzatzen duenean, orduantxe aitortu behar dira diru-laguntzei dagozkien obligazioak, egindakoari dagokion zenbatekoan hain justu ere.
Beherago zehaztutako motiboak direla-eta, administrazio hau ez dator bat aipatu irizpidearekin:
1) Lehenengo eta behin azpimarratu egin behar da eze Administrazioak darabilen irizpidea urtarrilaren 28ko 11992 Legearen 30. artikuluan ezarritakoa dela: "laguntzak edo diru-laguntzak noiz ematen diren kontuan harturik ebatziko da diru-laguntza gastuekiko obligazioa kontratatzea". Bestalde, irizpide horixe izan da ekitaldi guztietan erabili izan dena.
2) Diru-laguntzei dagokienez gastu publikoa ez da bihurtzen Administrazioaren inbertsio. Onuradunak egindako inbertsioa ez da jasotako diruarengatiko egindako kontraprestazioa, ezpada eze karga da, izan ere, diru-laguntzak egintza modalak dira-eta.
3) HKEEren irizpidea erabili ezkero, gastua baimentzen denean ezinezko litzateke inbertsioa zein ekitaldian egingo den zehaztea, eta halaber zein aurrekonturen babesean egingo den.
Indarren dagoen legeriaren arabera, aurrekontu-ekitaldi bati gastua egotzi behar zaion ala ez zehazteko faktore erabakigarria hauxe da: gastua egin deneko urte naturala. Gastu errealei dagokienez, Administraziotik prestazioa jasoz gero burututzat joko dira, baina, diru-laguntzak eta transferentziak, kontraprestazio gabeko gastuak baitira, administrazioak onuradunarekiko obligazioa duenetik hara jo behar dira sortutzat.
Azaldutako doktrina eta indarrean dagoen araudiaren exijentziak bat datoz gutiz, izan ere, araudi horren arabera, prestazioa egin dela edo hartzekodunaren eskubidea kreditatzen duten agirien bitartez justifikatu behar baitira ordainketa egiteko aginduak. Aipatu eskubidea edo Administrazioari dagokion obligazioa honelaxe kreditatu beharko dira: emateko erabakiaren bitartez eta diru-laguntza jasoko duenaren onarpenaz; hala ere, diru publikoa helburu baterako eman bazen, hartarako erabili zela justifikatu beharko da.
Eta kontabilitateko ondorioak honako hauek dira: ekitaldiaren barruan emandako eta onartutako diru-laguntzak ekitaldiko obligazio gisa erregistratu behar dira, nahiz eta onuradunak gauzatu gabe eduki diru-laguntzaren helburua edo ordaindu gabe egon dirulaguntza.
Diru-laguntzak sortzeko, Administrazioak darabiltzan irizpide hauek eta doktrinan gehien agertzen den irizpidea ez daude kontraesanean. Eta obligazio aitortuaren eta exiji daitekeenaren —edo ordain daitekeenaren— arteko bereizketa jada klasikoa denez, apur bat extrajuridikogoaa den ikuspegia kontua izanez gero, Administrazio honek darabilen irizpidea onuragarria da; zeren gorde egiten baitu diru-laguntza jasotzen dutenen segurtasun juridikoaren printzipioa, eta bai kredituen espezialitate kualitatiboaren printzipioa ere. Ez dago zertan zehaztu nola eragiten duten aipatu printzipioek, zeren, apur bat kontsideratzen badira, kasu hauetan irizpide kontserbadorea erabili behar baita. Onuradunaren segurtasun juridikoaren printzipioaren arabera, Administrazioak baliatu duen printzipioa erabilia ezkero, onuraduna sekula ere ez da geratuko aurrekontu-krediturik gabe, zeina Administrazioaren obligazioen bermea baita; izan ere, harik eta onuradunak, dirulaguntzak dakarkion karga (modua) bete arte, Administrazioak gorde egingo ditu-eta beharrezko zenbatekoak.
HKEEren irizpidea erabili ezkero, obligazio zehatzei lotu gabeko kredituak ezeztatu egingo lirateke, ekitaldiaren bukaeran hain justu ere. Berriak ez daude aurreko kasuan, izan ere, ekitaldi baterako izaten dira, eta fakultatiboak dira beti ere, eta kasu okerrenean ere aurreko ekitaldiko aurrekontuari egotzi behar zaizkio; edo, krediturik ez bada, indarrean den aurrekontua aldatu behar egin da, eta tartean den kopurua kontuan izanik, kreditu gehigarriei buruzko lege-proiektuak ere izapidetu litezke, jada erabiliak izan diren eta aurreko ekitaldian izan zuten helburu bererako kredituak eskatuaz Legebiltzarrari. Bestalde, honako arrisku hau legoke: ordainketa egin behar denean, obligazioa gauzatzeko zuzkidurarik ez izatea.
Esandakoaz gain, argi eduki behar da: diru-laguntzen azken buruko helburua eta gastua Administrazioarentzako erregistratu behar den unea ez direla gauza bera (aipatu helburuaren gaineko segimendua eta kontrola egiteko beste lanabes batzuk daude). Azken baten, Administrazioak erabilitako kontabilitate-irizpidea hauxe da: 8/1992 Legearen 30. artikuluan ezarritakoa, zeina ekitaldi guztietan berdin aplikatu baita.
Hortaz, ez dira bidezkotzat jotzen HKEEk proposatutako egokitzapenak. HKEEk epaitegiak ez badu bat egiten Eusko Legebiltzarretik datorren legerian ezarritakoarekin, aldatzea proposatu dezake, baina ezin du egin inola ere: kontabilitate-erregistroen, aipatu araudia betetzearren egindakoen, gaineko salbuespenik.
2.– 99/12/31n, ordaintzeko dauden akzioak harpidetzea = 3.246 milioi pezeta.
Proposatutako egokitzapenaren jatorria hauxe da: zenbait baltzu publikotako edo partaidetza duen beste batzuetako kapital-zabalketetan akzio-harpidedun denez, Administrazio Orokorrak dituen obligazioak, hain justu ere, kapital-zabalketa ebatzi, harpidetu eta ordaindu eta hurrengo ekitaldian ematen bada kapitala gehitzeko formalizazio-eskritura.
Partaidetza dueneko baltzu eta baltzu publikoen akzioak eskuratzea, Jaurlaritzaren Kontseiluak, dekretu bidez onartzen duenean, orduantxe errekonozitzen du obligazioa Euskal Autonomia Erkidegoko Administrazioak, hartarako, delako onarpena jazotzen deneko ekitaldiari egotziaz gastua, ondoriozko ordainketa eta eskrituratze prozesua kontuan izan gabe. Izan ere, ematen deneko ekitaldiko aurrekontuetan hartarako jasotzen diren aurrekontu-kredituetan oinarritzen baita delako baimena.
3.– 99/12/31n, Europako Batasunetiko funtsak, kobratu gabekoak = 8.154 milioi pezeta.
“Euskal Autonomia Erkidegoko Administrazioak sektore publikoko erakundeetatik jasotako transferentziak kontabilizatzeko irizpideak" delako zirkularrean, hau da, Kontrol Ekonomikorako Bulegoak emandakoa 7/00n —IV idatz-zatian— ezartzen dira Europako funtsetatiko diru-laguntzak kontabilizatzeko irizpidea, zeina hitzez hitz ondoko hauxe baita:
"Europako Batasunak hartutako aurrekontu-konpromisoekin bat gauzatu behar dira Batasunaren funtsetatiko diru-laguntzak, eta kasu bakoitzerako ezarritako araudiarekin bat behin-betiko ordainketak edo aurrerakinak izan daitezke
Eskuhartze finantzarioa egiteko erak, dituen funtzionamendu erak, eta bai proiektuak onartzen direnetik diru-laguntzak eman eta behin-betikoz kobratzen diren arteko tartea ere, aski motibo dira: zuhurtziazko irizpidean oinarriturik aipatu sarrerak kontabilizatzeko prozedura bateratua ezartzeko.
Ondorioz, Europako funtsetatiko diru-laguntzen ondoriozko sarrerak, kobratzen direnean aitortuko dira".
Hauxe da hain justu ere sarrerak kontabilizatzeko erabilitako irizpidea, zeinaren egokitzapena proposatu baitu Epaitegiak.
Laburbilduta esan genezake, Epaitegiak proposaturiko egokitzapenak ezin dituela onartu Administrazio honek, izan ere, aipagai dugun arloan erabili daitezkeen xedapenen kontrakoak baitira —xedapen horiek betiere finantza-irizpide kontserbadorea eta bateratua dute ekitaldi orotan, eta aurrekontu-kitapenak jasotzen dituztenekiko informazio-bide argiak bermatzen dute.
III.– KUDEAKETA-PROZEDUREI ETA BARNE KONTROLEKO SISTEMEI BURUZKO KONTSIDERAZIOAK.
III.3.– LANGILEAK.
LEKUALDATZE-LEHIAKETA.
3.3.9.– Lekualdatze-lehiaketak erregulartasunez deitzeko gomendioari dagokionez, ez dugu ezer aipatzekorik. Izan ere, prozesu horiek erregularizatzeko borondatea dugunez, 1998ko martxoaren 31ko Aginduaz deitutako lehiaketan esleitutako lanpostuez jabetzeak egin eta handik laster egin zen beste lekualdatze-lehiaketa baterako deialdia (2000ko maiatzaren 1a). Eta Ogasun eta Herri Administrazio sailburuak 2000ko irailaren 14an emandako Aginduaren bitartez (2000ko irailaren 27ko EHAA, 186. zk.) deialdi bat egin zen, hain zuzen ere, Euskal Autonomia Erkidegoko Administrazio Orokorreko eta bere erakunde autonomoetako karrerako funtzionarioentzako gordetako lanpostu betetzeko lehiaketarena. Lehiaketa hori ez da ebatzi oraindik, zeren ebatzi gabeko prozesu judizial batzuk deialdiko zenbait plazari eragiten baitiote.
Bestalde, administrazio honek hitzeman du eze, beste lekualdatze-lehiaketa bat eta funtzionariotako lan-eskaintza publiko bat egingo dituela.
3.3.10.– 1998ko martxoaren 31ko Aginduaz deitutako lekualdatze-lehiaketan, egindako lana balioesteari buruzko gomendioari dagokionez, honako hau adierazi behar dugu:
– Bete beharreko postuarekin zerikusia izanik egin diren zerbitzuak, eta bai baloratu daitezkeen gainontzeko merituak (ikastaroak, titulazioak eta abar) banan-banan baloratzea egokia litzateke. Baina, 1998ko deialdian sartutako plazak (1.444 bakarrik lehenengo fasean) eta aurkeztutako eskabideak (2.000 bigarren fasean) direla-eta prozesua kudeatzeko zailtasun handiak daude.
– Espezifikoki baloratu ziren postu bakarrak 28. mailakoak izan ziren. Postuan jarduteko ezagutzen bat (indarreango lanpostuen zerrendan aurreikusia) beharrezko zuten postuak ere espezifikoki baloratu ziren.
– Aipatutako betekizunak, merituak eta dudaren bat sortzen zuten merituak baloratzeko, lehiaketako batzordeak interpretazio-lana egin izan behar izan zuen. Lan hori, objektibotasunez egin nahi bada ere, beti da subjektiboa, zeren balorazio-lan bat egin behar baita (egindako funtzioak, lortu nahi den lanposturako baloratu daitezkeen ala ez erabaki behar da).
– 1998ko lehiaketaren deialdian argitara eman ziren 28. mailako postuen funtzio printzipalak, eta bai zenbait postutan jarduteko eskatzen ziren betekizunak ere. Bestalde, lehiatzaileek honelaxe egiaztatu zituzten merituak eta betekizunak: batez ere, izandako lanpostuen monografien bitartez, edo, halakorik ezean, zerbitzuak egin direneko arloetako zuzendarien emandako ziurtagirien bitartez.
– Gerora begira, irizpide objektiboagoetan oinarriturik baloratuko dira funtzioak, besteak beste, zein postutan izan den, zein arlo funtzionaletan izan den, betiere talde funtzionalei buruzko azterlanaren emaitzekin bat etorriaz.
