RSS
17. zk., 2002ko urtarrilaren 24a, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Etxebizitza eta Gizarte Gaietako Saila
522
LEHIAKETA. Iragarkia, Euskal Autonomia Erkidegoan dauden higiezinen eskaintzari buruzko 2002ko inkesta egiteko aholkularitza- eta sorospen-kontratua esleitzeko (2A/02 espedientea).
1.– Entitate esleitzailea:
a) Erakundea: Finantza Plangintza eta Kudeaketarako Zuzendaritza.
b) Espedientea izapidetzen duen bulegoa: Kontratazio Zerbitzua (Etxebizitza eta Gizarte Gaietako Saila).
c) Espediente zenbakia: 2A/02.
2.– Kontratuaren ezaugarriak.
a) Helburua: “Euskal Autonomia Erkidegoan dauden higiezinen eskaintzari buruzko 2002ko inkesta egitea”.
b) Loteak eta kopurua: ez.
c) Gauzatzeko lekua: Euskal Autonomia Erkidegoa.
d) Gauzatzeko epea eta entregatzeko azken eguna (hilabeteak): 2002ko abenduaren 31.
3.– Izapideak, prozedura eta esleipen era.
a) Izapideak: ohikoak.
b) Prozedura: irekia.
c) Esleipen era: lehiaketa.
4.– Lizitaziorako oinarrizko aurrekontua.
Aurrekontua, gehienez, berrehun eta hogeita bost mila (225.000) eurokoa izango da.
5.– Fidantzak:
Behin behinekoa: ez da eskatzen oraingoan.
Behin-betikoa: esleipenaren aurrekontuaren %4.
6.– Agiriak eta argibideak:
a) Entitatea: Etxebizitza eta Gizarte Gaietako Saila. Finantza Plangintza eta Kudeaketarako Zuzendaritza.
b) Helbidea: Donostia kalea 1, 2. solairua.
c) Herria eta posta kodea: Vitoria-Gasteiz, 01010.
d) Telefonoa: 945 01 64 13 eta 945 01 98 80.
e) Faxa: 945 01 64 07.
f) Agiriak eta argibideak jasotzeko azken eguna: 2001eko otsailaren 12a.
7.– Kontratistaren betebeharrak:
a) Sailkapena: ez da eskatzen oraingoan.
b) Bestelako betebeharrak: Bai. Ekonomia- eta finantza-kaudimena eta kaudimen teknikoa eta profesionala egiaztatzeko honako hauek kreditatu beharko dituzte lehiatzaileek:
1.– Ekonomia- eta finantza-kaudimena: finantza erakundeen txostena aurkeztu beharko da edo, hala badagokio, lanbide arriskuengatiko kalte-ordainetarako aseguru bat dagoela egiaztatzen duen agiria; edo, bestela, negozioen kopuru osoari buruzko aitorpena eta azken hiru urteetan enpresak egindako lanen zerrenda.
2.– Kaudimen teknikoa eta profesionala: kontratua burutzeko ardura duten langileen titulu akademiko eta profesionalak, eta kalitatea kontrolatzeko enpresariek hartutako neurriei buruzko aitorpena eta aztertu eta ikertzeko erabilgarri dituen baliabideei buruzkoa.
8.– Eskaintzak edo parte hartzeko eskabideak aurkeztea:
a) Aurkezteko azken eguna: 2002ko otsailaren 12ko 13:30ak baino lehen.
b) Aurkeztu beharreko agiriak: A, B eta C kartazalak aurkeztu beharko dira, berariazko klausula administratiboen pleguan adierazitakoa barruan daramatela.
c) Aurkezteko lekua:
1.– Entitatea: Etxebizitza eta Gizarte Gaietako Saileko Erregistro Nagusia.
2.– Helbidea: Donostia kalea, Lakua 1 eraikina, B solairuartea.
3.– Herria eta posta kodea: Vitoria-Gasteiz, 01010.
d) Lizitatzaileak eskaintzari (lehiaketa) noiz arte eutsi behar dion: 3 hilabete.
e) Aldaerak (lehiaketa): ez da aldaerarik onartuko.
f) Eskaintzak aurkezteko gonbita egin nahi zaien enpresen kopurua, gutxi gorabehera, edo gutxienezko eta gehienezko kopurua (prozedura mugatua): ez.
9.– Eskaintzak irekitzea.
a) Entitatea: Etxebizitza eta Gizarte Gaietako Saileko Kontratazio Zerbitzua.
b) Helbidea: Donostia kalea 1, beheko solairua, 4 aretoa.
c) Herria: Vitoria-Gasteiz.
d) Eguna: 2002ko otsailaren 13a.
e) Ordua: 11:00.
10.– Bestelako argibideak: kontratuaren prezioa eurotan finkatuko da; lizitatzaileak, beraz, kontu unitate horretan aurkeztu beharko du eskaintza.
11.– Iragarki gastuak: esleipendunak ordainduko ditu.
12.– Iragarkia Europako Batasunaren Aldizkari Ofizialera noiz bidali den (hala gertatuz gero): ez.
Vitoria-Gasteiz, 2002ko urtarrilaren 8a.
Finantza Plangintza eta Kudeaketarako zuzendaria,
ANTONIO BARTOLOME MARTIN.
