Euskal Herriko Agintaritzaren Aldizkaria

87. zk., 2001eko maiatzaren 9a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Hezkuntza, Unibertsitate eta Ikerketa Saila

2385

AGINDUA, 2001eko martxoaren 7koa, Hezkuntza, Unibertsitate eta Ikerketa sailburuarena. Honen bidez, baimena ematen zaio Santurtziko (Bizkaia) "EIDE" Bigarren Hezkuntzako ikastetxe pribatuari Lanbide Heziketako heziketa ziklo berriak emateko.

Santurtziko (Bizkaia) "EIDE" Bigarren Hezkuntzako ikastetxe pribatuko entitate titularraren ordezkariak hasitako espedientea aztertu da. Espediente horretan, Lanbide Heziketako heziketa ziklo berri bat emateko baimena eskatzen da.

Espediente horri Hezkuntzako Bizkaiko Lurralde Ordezkaritzak egin dizkio izapideak, indarreko arauek agindutako agiriak erantsi zaizkio eta gai horretan eskuduntza duten erakundeek eman diote informea.

Unibertsitateaz kanpoko araubide orokorreko irakaskuntzak eskaintzeko baimenak ikastetxe pribatuei emateari buruzko apirilaren 3ko 332/1992 Errege Dekretua (9ko EAO), unibertsitateaz kanpoko araubide orokorreko irakaskuntzak ematen dituzten ikastetxeen gutxieneko baldintzak ezartzen dituen ekainaren 14ko 1004/1991 Errege Dekretua (26ko EAO), Lanbide Heziketako Irakaskuntzaren ezarpena arautzen duen apirilaren 29ko 97/1997 Dekretua (maiatzaren 7ko EHAA), hezkuntza-sistemaren barruan lanbide heziketaren antolaketako alderdi jakin batzuk garatzen dituen apirilaren 30eko 777/1998 Errege Dekretua (maiatzaren 8ko EAO) eta indarrean dauden eta gai horretan erabilgarriak diren gainerako xedapenak ikusi ondoren, hau

XEDATU DUT:

1. artikulua.– 2000/2001 ikasturtetik aurrera, Lanbide Heziketako heziketa ziklo berri bat irakasteko baimena ematen zaio honen jarraian zehazten den ikastetxe pribatuari:

Kode-zenbakia: 48012395

Lurralde historikoa: Bizkaia.

Udalerria: Santurtzi.

Izen espezifikoa: "EIDE".

Titularra: Escuelas Internacionales para la Educación y el Desarrollo, EIDE S.L.

Helbidea: Jenaro Oraá, 6

Baimena: Sukaldaritzako erdi mailako heziketa zikloa emateko

Ikastetxearen osaera:

– Lanbide Heziketa:

• Familia: Ostalaritza eta turismoa:

– Sukaldaritzako erdi mailako heziketa zikloa. Edukiera: ziklo 1.

– Jatetxe arloko goi mailako heziketa zikloa. Edukiera: ziklo 1.

– Ostatu arloko goi mailako heziketa zikloa. Edukiera: ziklo 1.

– Turismo-merkaturatzeari eta -informazioari buruzko goi mailako heziketa zikloa. Edukiera: ziklo 1.

– Bidaia agentzien goi mailako heziketa zikloa.

• Familia: Informatika:

– Informatika-sistemen administrazioko goi mailako heziketa zikloa. Edukiera: ziklo 1.

– Informatika-aplikazioen garapenari buruzko goi mailako heziketa zikloa. Edukiera: ziklo 1.

2. artikulua.– Ikaspostu kopuruari, eskola–unitate bakoitzeko irakasle/ikasle gehieneko erlazioari eta irakasleriaren titulazio eta espezializazioari dagokienez indarrean dauden eta erabilgarriak diren xedapenetan ezarritakoari egokitu beharko zaio ikastetxe hori.

3. artikulua.– Ikastetxeak NBE CPI/96 Eraikuntzako Oinarrizko Araua bete beharko du, suteen aurka babesteko eraikinek bete beharreko baldintzei buruzkoa (urriaren 4ko 2177/1996 Errege Dekretuak onartua), bai eta indarreko legeriak ezartzen dituen higiene, akustika, bizigarritasun eta segurtasun baldintzak ere.

AZKEN XEDAPENAK

Lehenengoa.– Agindu honetan dagoen baimen–emate honek ez dauka bere baitan, inola ere, hezkuntza–itunen araubidearen bitartez ematen diren laguntzak lortzea.

Bigarrena.– Agindu honen aurka, aukerako berraztertzeko errekurtsoa aurkeztu ahal izango zaio Hezkuntza, Unibertsitate eta Ikerketa sailburuari, Euskal Herriko Agintaritzaren Aldizkarian argitaratu eta biharamunean kontatzen hasita hilabeteko epean; bestela, administrazioarekiko auzi–errekurtsoa aurkeztu ahal izango da Euskal Autonomia Erkidegoko Auzitegi Nagusian, Euskal Herriko Agintaritzaren Aldizkarian argitaratzen den egunaren biharamunetik aurrera bi hilabeteko epearen barruan.

Vitoria-Gasteiz, 2001eko martxoaren 7a.

Hezkuntza, Unibertsitate eta Ikerketa sailburua,

INAXIO OLIVERI ALBISU.