Euskal Herriko Agintaritzaren Aldizkaria

217. zk., 2000eko azaroaren 13a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Industria, Merkataritza eta Turismo Saila

5007

IRAGARKIA, Eusko Jaurlaritzako Industria, Merkataritza eta Turismo Saileko Gipuzkoako Lurralde Bulegoarena. Honen bidez, Eskoriatzako (Gipuzkoa) udal-barrutiko etxebizitza eta saltokietan erabiltzeko gas propano kanalizatua (B erako presio ertainekoa) banatzeko sareari dagokion proiektua burutzeko administrazio baimena eskatu da eta jendaurrean jartzen da.

Ondoren aipatuko den instalazio-proiektua jendaurrean jarriko da, honako xedapen hauek aintzakotzat hartuta: urriaren 7ko Hidrokarburoen Alorrari buruzko 34/1998 Legeko 77. eta 73. artikuluak (98/10/08ko BOE); Gas Erregarrien Zerbitzu Publikorako Araudi Orokorra, urriaren 26ko 2913/1973 Dekretuaren bidez onartua (73/11/21ko BOE); 1954ko abenduaren 16ko Nahitaezko Desjabetzeei buruzko Legeko 17-2. eta 52. artikuluak (54/12/17ko BOE); Lege horri buruzko 1957ko apirilaren 26ko Araudiko 56. artikulua (57/06/20ko BOE); eta azaroaren 26ko 30/92 Legeko 86. artikulua, Herri Administrazioen Araubide Juridikoari eta Administrazio Prozedura Erkideari buruzkoa (92/11/27ko BOE).

Espedientearen erref.: RI.20/12.127–CGB.00/05

Eskatzailea: REPSOL BUTANO, SA

Helbidea: Urkijo zumarkalea, 80 - 48013 - Bilbao (Bizkaia).

Eskaeraren xedea: Eskoriatzako udal-barrutiko Apotzaga auzoan, Gipuzkoako lurralde historikoan, etxebizitzetan eta saltokietan erabiltzeko gas propano kanalizatua (B erako presio ertainekoa) banatzeko sarea eraikitzeko administrazioaren baimena ematea.

Zerbitzuaren presioa: B erako presio ertaina.

Banaketa-hodien materiala: dentsitate ertaineko polietilenozko tutuak.

Hodien luzera guztira: 1.181,5 metro.

Aurrekontua: Bost milioi berrehun eta hogeita bederatzi mila laurehun eta berrogeita hamar pezeta (5.229.450 PTA.).

Hori guztia jendaurrean jartzen da Eusko Jaurlaritzako Industria, Merkataritza eta Turismo Saileko Gipuzkoako lurralde-bulegoan, Donostiako Easo kaleko 10.ean (PK: 20006), proiektua eta dagokion eskaera aztertuak izan daitezen, eta hilabeteko epean, iragarki hau argitaratu eta hurrengo egunean hasita, egoki iritzitako erreklamazio eta arrazoibideak aurkezteko, edo aipatutakoarekin lehiatzeko egin nahi diren eskaera eta proiektuak aurkezteko. Kopia hirukoitzak aurkeztu beharko dira.

Donostia-San Sebastián, 2000ko urriaren 11.

Lurralde-Bulegoko burua,

JAVIER LOPEZ LARRINAGA.