Euskal Herriko Agintaritzaren Aldizkaria

146. zk., 2000ko abuztuaren 1a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Industria, Merkataritza eta Turismo Saila

3424

IRAGARKIA, Industria, Merkataritza eta Turismoko Bizkaiko Lurralde Bulegoko buruarena, industrian, etxebizitzetan eta merkataritza-guneetan erabiliko den gas naturala banatzeko sare baten instalazioa jendaurrean jartzen duena. Sarearen izena «Bizkaian gas naturala garraiatzeko sarea, Astepe-Lemoa Lotura» da.

AURREKARIAK

Ondoren adierazten den instalazio-proiektua jendaurrean jarri da, arau hauetan aurreikusten den eraginetarako: - Hidrokarburoen Sektoreko urriaren 7ko 34/1998 Legea, (98-10-08ko EAO), - Gas Erregarrien Zerbitzu Publikorako Araudi Orokorra, 2913/1973 Dekretuaren bidez onartua (73-11-21eko EAO), - Jabetza Nahitaez Kentzeko 1954ko abenduaren 16ko Legearen 17. eta 52. artikuluak (54-12-17ko EAO), eta horren 1957ko apirilaren 26ko Araudiaren 56. artikulua (57-06-20ko EAO), - Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 86. artikulua (92-11-27ko EAO)

Erref.: R.16.3 – CG-B-2000/21 ASS/AOK

Eskatzailea: Euskadiko Gas Baltzua, S.A.

Helbidea: Pio Baroja plaza 3, 2.a, 48001-Bilbao.

Kokagunea: Lemoako eta Zornotzako udalerriak.

Eskabidearen gaia: Gasa banatzeko «Bizkaian gas naturala garraiatzeko sarea, Astepe-Lemoa Lotura» izeneko sarea eraiki ahal izateko instalazoei baimena ematea eta herri-onura aitortzea.

Azalpena: Honako atal hauek ditu:

Presio handiko sarea: Industrian erabiltzeko. Hasiera: Arratiako sarean, V-79 erpinean, eskoletatik hurbil dagoen balbula batean, Lemoako udalerrian. Amaiera: Durangoko sarean (III. fasea), V-58 erpinean, Amorebietako Papelera del Carmen eta HUA gunean.

Zerbitzuko gehienezko presioa: 16 Kg/cm.2.

Tutuak: altzairuzkoak; 6»koak eta 2.974 metroko luzerakoak.

Erdi-presioko sarea: Etxebizitza eta merkataritza-guneetarako. Hasiera: V-79 erpin berean, Lemoako eskolen ondoan dagoen hargune batean. Trazadura bat dator presio handiko tutuenekin. Lemorietako Bizitegi sektorea eta S. Inazioko landa-guneak hornitzeko izango da eta V-16 arte joango da.

Zerbitzuko gehienezko presioa: 4 kg/cm.2.

Tutuak dentsitate erdiko polietilenozkoak izango dira eta 680 metroko luzera izango dute.

Aurrekontu osoa: 50.461.666 pezeta.

Sarea eraikitzeak sortuko duen eragina:

a) Sareko bide-zor iraunkorra: tutuak eta beharrezko osagaiak lurperatuta egongo diren lursail-zatietan, 4 metroko zabalerakoa izango da (2 metro tutuen ardatzaren alde bakoitzean). Honako muga hauek izango ditu:

1.– Berrogeita hamar zentimetro baino sakonago goldatzeko lanak edo antzekoak egitea debekatuta dago, bai eta zuhaitzak eta zuhaiskak landatzeko debekua ere, behin betiko bidezorra duen gune horretan.

2.– Instalazioen mantenimendurako beharrezko langileek eta ekipoek sarrera librea dute eta kalterik eragiten badute, kalteak ordaindu egingo dira.

b) Trazaduraren ardatzaren alde batean edo bestean debekatuta dago 5 metro baino gutxiagoko tartean instalazioen funtzionamendu egokia eragotzi edo kaltetu dezakeen obrarik egitea edo beste edozein ekintzarik egitea. Tarte hori bide-zor iraunkorraren parekoa izan arte txikitzeko aukera izango da, beren-beregi eskatzen baldin bada eta lurralde-bulego honek kasu bakoitzean ezartzen dituen baldintzak betetzen baldin badira.

c) Obrak egin beharra dela-eta, lur-zati batzuk okupatu egin beharko dira behin-behingoz eta bertan dauden oztopo guztiak kendu egingo dira. Finka bakoitzean zein lur-zati okupatuko den horrela, partzela-planoetan eta ukitutako ondasun eta eskubideen banan banako zerrenda zehatzean ageri da.

Proiektuak lursailen planoak eta eraginpeko ondasun eta eskubideen zerrenda zehatz eta banan-banakoa dauzka bere baitan.

Denek jakin dezaten argitaratzen da iragarki hau, batez ere lurren jabeek eta proiektuak eraginpean hartzen dituen gainerako titularrek. Horien zerrenda iragarki honen amaieran txertatu da, espedientea Bizkaiko Lurralde Bulegoan (Concha Jenerala 23, 5. oina, Bilbao) aztertu ahal izateko. Bulego horretan egokitzat jotzen dituzten arrazoibideak aurkeztu ahal izango dituzte, hiru aletan, iragarki hau argitaratzen den egunaren biharamunetik hasi eta hogei eguneko epean.

Bilbao, 2000ko ekainaren 28a.

Lurralde Bulegoko burua, (Jardunean)

JOSÉ ANDRÉS BLASCO.

PROIEKTUAK ERAGINDAKOEN ZERRENDA. «ASTEPE-LEMOA LOTURA» IZENEKO PROIEKTUA.

RELACION DE AFECTADOS. PROYECTO DENOMINADO «CONEXIÓN ASTEPE-LEMOA».

Erref./Ref.ª: R.16.3 – ASS/AOK

(Ikus .PDF)

Azterketa dokumentala