Euskal Herriko Agintaritzaren Aldizkaria

14. zk., 1999ko urtarrilaren 21a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Hezkuntza, Unibertsitate eta Ikerketa Saila

300

AGINDUA, 1998ko abenduaren 28koa, Hezkuntza, Unibertsitate eta Ikerketa sailburuarena, Valle de Trápaga-Trapagarango (Bizkaia) «Itxaropena Ikastola» ikastetxe pribatuari Derrigorrezko Bigarren Hezkuntzako unitateak gehitzeko eta Haur Hezkuntzako unitateak kentzeko baimena emateko dena.

Valle de Trápaga-Trapagarango (Bizkaia) «Itxaropena Ikastola» ikastetxe pribatuaren titularraren legezko ordezkariak hasiarazitako espedientea aztertu da; Derrigorrezko Bigarren Hezkuntzako unitateak gehitzeko eta Haur Hezkuntzako unitateak kentzeko baimena eskatzeko da espedientea.

Hezkuntzako Bizkaiko Lurralde Ordezkaritzak egin dizkio izapideak espedienteari, indarreko legeriak agindutako agiriak erantsi zaizkio eta gai horretan eskumena duten erakundeek beren iritzia eman diote.

Ikastetxe pribatuetan unibertsitateaz kanpoko araubide orokorreko irakaskuntza emateko baimenei buruzko apirilaren 3ko 332/1992 Errege Dekretua (9ko EBO), unibertsitateaz kanpoko araubide orokorreko irakaskuntzak ematen dituzten ikastetxeek bete beharreko gutxieneko baldintzak ezartzen dituen ekainaren 14ko 1004/1991 Errege Dekretua (26ko EBO) eta gai horretan aplikagarri diren eta indarrean dauden gainerako legeak ikusi ondoren, hau

ERABAKI DUT:

1. atala.– 1998/99 ikasturtetik aurrera, Derrigorrezko Bigarren Hezkuntzako unitate bat gehitzeko eta Haur Hezkuntzako unitate bat kentzeko baimena ematea ondoren zehazten den ikastetxe pribatuari: Lurralde Historikoa: Bizkaia.

Udalerria: Valle de Trápaga-Trapagaran.

Herria: San Salvador del Valle.

Izen espezifikoa: «Itxaropena Ikastola».

Helbidea: Seber Otxoa, 2.

Titularra: Itxaropena Ikastolako Guraso Elkartea.

Baimena: Derrigorrezko Bigarren Hezkuntzako unitate bat gehitzea, 30 ikasposturako edukieraz Haur Hezkuntzako 2. zikloko unitate bat kentzea

Ikastetxearen osaera:

– Haur hezkuntzako 2. Zikloa: 4 unitate 100 ikasposturako edukieraz.

– Lehen Hezkuntza: 9 unitate 225 ikasposturako edukieraz.

– Hezkuntza Berezia: 1 unitate

– Derrigorrezko Bigarren Hezkuntza: 5 unitate 150 ikasposturako edukieraz.

2. atala.– Ikastetxe hori, ikaspostuen kopuruari, eskola–unitate bakoitzeko irakasle/ikasle gehieneko erlazioari eta irakasleen titulazio eta espezializazioari dagokienez, unibertsitateaz kanpoko araubide orokorreko irakaskuntzak ematen dituzten ikastetxeen gutxieneko baldintzak ezartzen dituen ekainaren 14ko 1004/1991 Errege Dekretuan (26ko EBO) xedatutakoari egokitu beharko zaio.

AZKEN XEDAPENAK

Lehenengoa.– Agindu honetan dagoen baimen–emateak ez du esan nahi, inolaz ere, hezkuntza itunen araubidearen bitartezko laguntzarik lortu denik. <P ALIGN="JUSTIFY">Bigarrena.– Agindu honen aurka administrazioarekiko auzi–errekurtsoa jarri ahal izango da Euskal Herriko Auzitegi Nagusiaren aurrean, agindua Euskal Herriko Agintaritzaren Aldizkarian argitaratzen den egunaren biharamunetik aurrera bi hilabeteko epean.

Vitoria-Gasteiz, 1998ko abenduaren 28a.

Hezkuntza, Unibertsitate eta Ikerketa sailburua,

INAXIO OLIVERI ALBISU.