RSS
10. zk., 1999ko urtarrilaren 15a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Osasun Saila
173
2163/1998 ERABAKIA, abenduaren 23koa, Osakidetzako zuzendari nagusiarena, toki-korporazioei dirulaguntzak emateko Batzordearen proposamena onartzeko dena.
Toki-korporazioei dirulaguntzak emateko Batzordearen 1998ko abenduaren 22ko bileran onartutako proposamena ikusi ondoren.
Honakoak kontuan hartuta:
GERTAKARIAK:
Lehenengoa.– Osakidetzaren Administrazio Kontseiluaren 1998ko martxoaren 17ko Erabakiaren beteaz, Osakidetzaren zuzendari nagusiaren abuztuaren 3ko 1550/1998 Erabakiaren bidez dirulaguntzak esleitu zitzaizkien hainbat toki-korporaziori, hain zuzen 30.000.000 PTAko dirulaguntzak.
Bigarrena.– Dirulaguntzak jasotzeko, toki-korporazioek nahitaez 1998ko martxoaren 17ko Erabakiko betebeharrak konplitu behar dituztenez gero, Batzordeak, 1998ko abenduaren 22an egindako bilkuran, honako proposamena egin du, laguntza horiek berresteko edo ukatzeko:
A) Laguntza hauek berrestea:
UDALA KONTZEPTUA DIRULAGUNTZA BARRUTIKA
Añana (Gesaltza) K.-ko lanak eta ordainsariak 6.300.000
Leza Kale Nagusiko 4ko K.-ko lanak 1.500.000
Manzanos Sobre la rueda kaleko K.-ko lanak 1.700.000 Valdegovia (Villanañe) Merkatu Plazako K.-ko lanak 1.000.000 10.500.000
Bakio Basigo auzuneko 29ko K.-ko lanak 1.500.000
Ereño K.-ko lanak eta altzariak (Eskolape kalea) 1.000.000
Lezama Aretxalde auzuneko K.-ren proiektua 500.000
Markina Karmengo Plaza 19ko K.-ko lanak 1.500.000
Munitibar Munitibat auzuneko 3ko K.-ko lanak 1.500.000
(Mediko-Etxea)
Zamudio Uribe egoitzaldeko K.-ko proiektua 1.500.000 7.500.000
Amezketa Bartolome Deuna kaleko K.-ko lanak,
altzariak eta ekipamendua 2.000.000
Antzuola Frontoi Bidea kaleko 7ko K.-ko lanak 1.000.000
eta ordainsariak
Berastegi Azpilleta azpia lursaileko K.-ko lanak, 1.500.000
pintura eta bestelakoak
Lezo Lopene kaleko 4ko K.-ko proiektua eta lanak 4.500.000
Zegama Aseginolaza anaien hiribideko K.-ko 1.000.000 10.000.000
handitze-proiektua eta altzariak
GUZTIRA 28.000.000
K.= Kontsultategia O.Z.= Osasun Zentroa.
B) Laguntza hauek ukatzea:
DIRULAGUNTZA BARRUTIA
Lagrán 1.500.000 (Araba)
Ispaster 500.000 (Gipuzkoa)
GUZTIRA 2.000.000
C) Laguntza berri hauek ematea:
Asparrena (Araia) Santsaerreka kalea 7ko Osasun 1.000.000
Zentroaren Eraberritzea
Munitibar Kontsultategiko arrapala 1.000.000
D) Valdegovíako Udalari urtebetez luzatzea ordainketa egiteko agiriak aurkezteko epea.
Eta hauekin bat etorrita:
ZUZENBIDEZKO OINARRIAK:
Lehenengoa.– Erabaki hau emateko eskumena dela-eta, Toki-Korporazioei laguntzak emateko Batzordearen proposamenez: Osasun zentroak eta kontsultategi medikoak eraiki, handiagotu, eraldatu eta konpontzeko, Euskal Autonomia Erkidegoko udalei dirulaguntzak emateko deialdia egiten duen Osakidetza Ente Publikoaren Erabakiaren I. eranskineko 5. oinarria.
Bigarrena.– Onartzen den edukia dela-eta: emandako laguntzei dagokienez, 1998ko martxoaren 17ko Erabakiaren 6. eta 9. oinarrietan, hurrenez hurren, adierazitako irizpide eta betebeharrak; ukatutako laguntzei dagokienez, ekainaren 19ko 7/1997 Legea eta abenduaren 17ko 698/1991 Dekretua. Hirugarrena.– Prozedura-kontuak direla-eta: aipaturiko martxoaren 17ko Erabakiaren oinarrietan jasotzen ez diren gorabeherei dagokienez, Herri Administrazioen Lege Jaurbideari eta Guztientzako Administrazio Jardunbideari buruzko azaroaren 26ko 30/1992 Legea.
ERABAKI DUT:
Lehenengoa.– Toki-korporazioei dirulaguntzak emateko Batzordearen proposamena onartzea, burutu dadin.
Bigarrena.– Erabaki hau behin betikoa da eta ez du administrazio-bidea amaitzen. Beraz, bere aurka errekurtso arrunta aurkeztu ahalko zaio Osakidetzako Administrazio Kontseiluari, hilabeteko epean EHAAn argitaratzen denetik kontatzen hasita, halaxe ezarrita dago-eta Herri Administrazioen Lege Jaurbideari eta Guztientzako Administrazio Jardunbideari buruzko azaroaren 26ko 30/1992 Legearen 114. atalean eta hurrengoetan.
Hirugarrena.– Erabaki hau EHAAn argitara dadila agintzea.
Vitoria-Gasteiz, 1998ko abenduaren 23a.
Osakidetzako zuzendari nagusia,
LUIS HERNÁNDEZ SÁNCHEZ.
