Euskal Herriko Agintaritzaren Aldizkaria

132. zk., 1998ko uztailaren 15a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Xedapen Orokorrak

Osasuna

3250

1352/1998 ERABAKIA, ekainaren 9koa, Osakidetzako zuzendari nagusiarena, Santa Marina ospitaleari atxikitako Kontratazio Mahaia sortzeko dena.

Osakidetza Ente Publikoaren Estatutu Sozialak ezartzen dituen azaroaren 11ko 255/1997 Dekretuaren 20.4 atalean xedatzen denez, Ente Publikoko Zuzendaritza Nagusiak, Administrazio Kontseiluak aldez aurretik baimena eman ondoren, behar adina kontratazio-mahai eratuko ditu Ente Publikoko erakundeen tamainaren arabera eta kontratazio-organoari kontratuak esleitzen laguntzeko, Herri Administrazioen Kontratuen maiatzaren 18ko 13/1995 Legearen 82. atalean adierazitakoa kontuan izanda.

Horregatik, zuzendaritza nagusi honek, Osakidetzako Administrazio Kontseiluaren 1998ko otsailaren 13ko baimena jaso ondoren, eta legeak ematen dion ahalmena erabiliz, hauxe

ERABAKI DU:

Lehenengoa.– Osakidetzaren menpeko Santa Marina ospitaleari atxikitako Kontratazio Mahaia sortzea. Kideak, Kontratazio Organoak izendatu baititu, hauek dira:

LEHENDAKARIA:

– Titularra: Josu Mirena Etxegarai Atela - Ospitaleko Gestio Ekonomikorako zuzendaria.

– Ordezkoak:

Nicolás Guerra Zaldúa - Ospitaleko zuzendari medikoa.

Francisco Cantero Pacheco - Ospitaleko Erizaintzako zuzendaria.

1. BOKALA:

– Titularra: Andoni Santiago Burruchaga.

– Ordezkoak:

Teresa Carranza Curiel.

Iñaki Adame Ortiz.

M.ª Eugenia Goti Aguirre.

Francisco Leyva Martínez.

2. BOKALA:

– Titularra: M.ª Adelina Ruiz Sagredo.

– Ordezkoa: Pilar Muerza Ullibarri.

BOKALA - IDAZKARIA

– Titularra: Francisco Urtusagasti Orúe.

– Ordezkoa: Aholkularitza Juridikoko ordezkari bat.

Erabaki honek ez du administrazio-bidea amaitzen; beraz, bere aurka errekurtso arrunta aurkeztu ahalko diote interesatuek Osakidetzako Administrazio Kontseiluari, hilabeteko epean argitaratzen denetik hara, Herri Administrazioen Lege Jaurbideari eta Guztientzako Administrazio Jardunbideari buruzko azaroaren 26ko 30/1992 Legearen 107. eta 114. ataletan eta hurrengoetan ezarritakoaren arabera.

Vitoria-Gasteiz, 1998ko ekainaren 9a.

Osakidetzako zuzendari nagusia,

LUIS HERNÁNDEZ SÁNCHEZ.