Euskal Herriko Agintaritzaren Aldizkaria

128. zk., 1998ko uztailaren 9a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileak

Osasuna

3147

1369/1998 ERABAKIA, ekainaren 18koa, Osakidetzako zuzendari nagusiarena, Bizkaiko Osasun Barrutiko Uribe-Kosta eskualdeko zuzendari mediku lanpostua betetzeko José Contreras Pulido jauna izendatzen duena.

Bizkaiko Osasun Barrutiko Uribe-Kosta eskualdeko zuzendari mediku lanpostua betetzeko deialdia ikusi da. Deialdi hori Zuzendaritza Nagusi honen 1998ko martxoaren 31ko 806/1998 Erabakiaren bitartez egin zen eta EHAAko 91. zenbakian argitaratu zen 1998ko maiatzaren 19an.

Eskabideak aurkezteko epea amaitu da eta lanpostu horretan jarduteko hautagai bakarrak agertu dituen agiriak aztertu dira. Berorrek dituen tasun profesionalak baloratu dira «curriculum vitae»-n aurkeztutako merezimenduen arabera.

Aurkezturiko agiriak ikusita, José Contreras Pulido jauna deialdiko lanposturako egokia dela eta bertan jarduteko dohain egokiak dituela ikusi da.

Horiek horrela direla, Zuzendaritza Nagusi honek honako hau ERABAKI DU:

Lehenengoa.– José Contreras Pulido jauna Bizkaiko Osasun Barrutiko Uribe-Kosta eskualdeko zuzendari mediku izendatzea. Bigarrena.– Lanpostu-jabetza egiten den egunean hartuko du indarra, ekonomikoa eta administratiboa, izendapen honek.

Hirugarrena.– Lansaria 1 eskualdeko zuzendari medikuari dagokiona izango da, hots, orora, urteko 6.493.446 PTA gordin, aplikazekoa den araudian urtero onartzen diren kopuruen arabera.

Laugarrena.– Erabaki honen aurka errekurtso arrunta jarri ahal izango zaio Osakidetzako Administrazio Kontseiluari, erabakia Euskal Herriko Agintaritzaren Aldizkarian argitara dadin egunean hasi eta hilabeteko epean.

Vitoria-Gasteiz, 1998ko ekainaren 18a.

Osakidetzako zuzendari nagusia,

LUIS HERNÁNDEZ SÁNCHEZ.