Euskal Herriko Agintaritzaren Aldizkaria

237. zk., 1997ko abenduaren 11, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Arabako Foru Aldundia

6175

IRAGARPENA, A-132 errepideko 23,500 km-tik 25,977 km-raino (Birgara Goienetik Maezturaino) bazter-bideak egiteko eta zoladura indartzeko proiektuko obren eraginez, Birgarako ur-horniketa eta saneamendu zerbitzua berriro ezartzeko proiektu osagarriak ukitutako ondasun eta eskubideen titularren zerrenda jendaurrean jartzeko dena.

Azaroaren 20ko 376/1997 zenbakiko Foru Aginduaren bitartez, nahitaezko desjabetzako espedientea hastea xedatu da, banakakoen zerrenda eta lurzatien planoak onartuz, hain zuzen, «A-132 errepideko 23,500 km-tik 25,977 km-raino (Birgara Goienetik Maezturaino) bazter-bideak egiteko eta zoladura indartzeko proiektuko obren eraginez, Birgarako ur-horniketa eta saneamendu zerbitzua berriro ezartzeko proiektu osagarriak» ukitutako ondasun eta eskubideei dagokiena.

Ondorioz, indarrean dagoen Nahitaezko Desjabetzari buruzko Legearen 17. eta 18. ataletan eta lege hori garatzen duen Araudiaren 17. atalean xedatutakoaren babesean, zerrenda hori jendaurrean jarriko da 15 egun balioduneko epean, iragarpen hau argitaratzen den egunaren biharamunetik kontatzen hasita.

Epe horretan edonork aurkeztu ahal izango ditu, idatziz, beharrezkotzat jotzen dituen datuak, ustez egin diren akatsak zuzentzeko; edota aukera izango du, sakoneko edo formazko akatsak direla-eta, okupazioaren aurka egiteko. Azken kasu honetan, zerrendakoak ez, baina beste ondasun batzuk okupatzea edo beste eskubide batzuk eskuratzea zergatik hobesten duen arrazoitu beharko du.

Ukitutako ondasun eta eskubideen titularren zerrenda eta lurzatien planoak Udalaren iragarki-oholean egongo dira, interesa izan dezaketen erakunde, udal eta norbanakoen esku. Hauek, egoki ikusiz gero, bidezko alegazioak aurkeztu ahalko dituzte, bulego-orduetan, foru aldundi honetako erregistro nagusian (Probintzia plaza 5, 1. solairua, Vitoria-Gasteiz), bi kopiatan eta legezko epean; eta alegaziook honako toki honetara zuzenduta egongo dira: Herrilan eta Garraio Saila, Administrazio Zerbitzu Juridikoa.

Vitoria-Gasteiz, 1997ko azaroaren 25a.

Diputatuorde nagusia eta Herrilan

eta Garraio diputatua,

JUAN JOSÉ OCHOA DE ERIBE ELORZA.