RSS
248. zk., 1994ko abenduaren 30a, ostirala
- Bestelako formatuak:
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Hirigintza, Etxebizitza eta Ingurugiroa
4829
AGINDUA, 1994ko azaroaren 30ekoa, Bizkaia lurralde historikoko sailburuarena, Bizkaia lurralde historikoko Durango udalerrian laurogei (80) etxebizitza sozial eta horiei atxikitako garaje eta trastelekuak esleitzeko espedienteari hasiera ematen diona.
Bizkaia lurralde historikoko Durango udalerrian,
EB2-1972/90-EE espedientearen babespean, eraikibidean daude laurogei (80) etxebizitza sozial eta horiei atxikitako trasteleku eta garajeak. Ondorioz, bidezkoa da ezarritako arauzko baldintzak betetzen dituzten eskatzaileei etxebizitza horiek esleitzeko bideari ekitea.
Etxebizitza sozialetarako finantza neurriei eta araubide juridikoari buruz Eusko Jaurlaritzak emandako apirilaren 20ko 109/1993 Dekretuaren 35. atalak xedatzen duenez, Eusko Jaurlaritzako Hirigintza, Etxebizitza eta Ingurugiro sailburua da Euskal Autonomi
Elkarteko Administrazioaren jabetzapeko etxebizitza sozialak esleitzeko prozedurari hasiera emateko aginpidea duen organoa.
Eusko Jaurlaritzaren apirilaren 20ko 109/1993
Dekretuko 33. atalaren arabera eta berorren seigarren gehigarrizko xedapenari lotuta, zenbait etxebizitza sozial esleitze prozesu orokorretik kanpo uzteko aginpidea du Eusko Jaurlaritzako Hirigintza, Etxebizitza eta
Ingurugiro sailburuak, behar bereziei erantzuteko beharrezko denean.
Horiek horrela, hau:
/p>
XEDATU DUT:
Lehengoa.- EB2-1972/90-EE espedientearen babespean,
Bizkaiko Lurralde Historikoko Durango udalerrian
Euskal Autonomi Elkarteko Administrazioaren jabetzapeko laurogei (80) etxebizitza sozial eta horiei atxikitako trasteleku eta garajeak esleitzeko eskabideak aurkezteko hilabeteko epea zabaldu dela aitortzen da.
Etxebizitza horiek oraindik ez dute eskuratu etxebizitza sozialen behin-betiko kalifikazioa.
Bigarrena.- Eusko Jaurlaritzaren apirilaren 20ko
109/1993 Dekretuaren 35.1.a) atalean ohartemandakoaren ondorioetarako, Durangokoa izango da etxebizitza horietan ardura duen udala. Esleitzeko eskabideak bertako udaletxean aurkeztuko dira, agindu hau Euskal
Herriko Agintaritzaren Aldizkarian argitaratzen den egunaren biharamunean hasi eta hilabeteko epearen barruan.
Hirugarrena.- Esleitu beharreko etxebizitzak eta horiei atxikitako trasteleku eta garajeak laurogei (80) izango dira. Horien kokapena, azalera erabilgarria eta salmentaprezioak hauek dira:
Euskal Herriko Elkarte Autonomoarenak diren etxebizitza sozialak esleitzeari buruz Eusko Jaurlaritzako
Hirigintza, Etxebizitza eta Ingurugiro Sailak 1994ko apirilaren 29an emandako Aginduaren 2. atalean xedaturikoari atxikiz, esleitu beharreko etxebizitzetatik honako hauek gordetzen dira:
- bi (2) etxebizitza elbarrituentzat egokitutako etxebizitza behar duten eskatzaileentzat. - hogeita hamabi (32) etxebizitza kide gutxiko familientzat. Elkarbizitza egiten duen unitatea 2 pertsonakoa izango da gehienez.
Esleitu beharreko etxebizitza kopurutik, Durangoko udalak bere etxebizitza premiak betetzeko behar dituenak hartu ahal izango ditu, apirilaren 20ko 109/1993
Dekretuaren 40. atalean eta hurrengoetan ezarritakoaren arabera. Bizkaiko Foru Aldundiak, bestalde, gai horretan aginpidea duen foru organoaren erabakiz, hainbat etxebizitza berari saltzeko eska dezake, bertan maizterrak sartu ahal izateko edo prekarioan uzteko, aipatutako Dekretuaren 46. atalean eta hurrengoetan ezarritako baldintzetan.
Ondorio horietarako, Udalak eta Aldundiak hurrenez hurren, hogeita zortzi (28) eta hamabi (12) etxebizitza gordetzea eskatu ahal izango dute eta ez gehiago.
Zio hori dela-eta gordetako etxebizitzen kopurua, oro har, ez da jardunbide orokorrari jarraituz esleitu beharreko etxebizitzen % 50etik gorakoa izango. Etxebizitza horiek gordetzeko eskubideaz Bizkaiko Foru
Aldundia baliatzen ez bada, Durangoko Udalak eskatu ahal izango ditu gelditzen diren etxebizitzak.
Laugarrena.- Sail honen 1994ko apirilaren 29ko
Aginduaren 14.2 atalaren arabera, etxebizitzak eskuratu ahal izateko gutxieneko baldintzak betetzen dituzten eskatzaile guztien arteko zozketaren bitartez egingo da behin-betiko esleipena. Zozketa hori jende aurrean egingo da Bilboko Hirigintza eta Etxebizitza ordezkaritzan edo horretarako jarritako beste nonbait, notarioa aurrean dagoelarik.
Bosgarrena.- Honako hauek utziko dira esleitze prozesu orokorretik kanpo:
- Etxebizitza sozial bat Iñaki Garaita Ibarrarentzat,
Euskal Autonomi Elkarteko Auzitegi Nagusiak administrazio-arekiko
1082/1986 auzierrekurtsoan emandako epaia betez. Jaun horren izenean zegoen etxebizitza esleitzeko kontratua ebatzitzat ematen zuen 1986ko apirilaren 9ko Erabakiaren erabateko deuseztasuna deklaratzen zuen epai horrek eta administrazio egintzak espedientearen hasierara atzeratzen zituen. - Hamazortzi etxebizitza (18) Landako eremua lurzatitan banatzeko proiektuaren eraginpean dauden titular edo maizterrentzako, Hirigintza, Etxebizitza eta
Ingurugiro sailak eta Durangoko udalak 1994ko urriaren
3an sinatutako lankidetza itunaren zortzigarren klausulan xedatutakoarekin bat etorriz.
Etxebizitza horren esleipena eta berorren zehaztapena
Hirigintza eta Etxebizitzako Bizkaiko lurralde ordezkariak berak egingo du, Eusko Jaurlaritzako sail honen Hirigintza Zuzendaritzak egindako proposamen arrazoitua ikusi ondoren, etxebizitza sozialetarako finantza neurriei eta araubide juridikoari buruzko
1993ko apirilaren 20ko 109/1993 Dekretuaren seigarren gehigarrizko xedapenaren eta Euskal Autonomi
Elkarteko administrazioaren jabetzapeko etxebizitzen esleipenari buruz Hirigintza, Etxebizitza eta Ingurugiro sailburuak 1994ko apirilaren 29an emandako aginduaren
22. atalaren arabera.
Seigarrena.- Espediente honen gai diren etxebizitza sozialak esleitu aurretik, eraikitako eraikuntzaren gaineko azalera-eskubidea eratuko da, zein eratzeko eskritura publikoa gauzatzen denean kontatzen hasita, 75 urteko eperako izango baita. Ondorioz, Euskal Autonomi
Elkartearen jabetzapeko lurraren gainean jasotako eraikinaren jabetzari eusteko eskubidea eta jabetzari berari darizkion eskubide guztiak izango dituzte esleipendunek, baina azaleraren gaineko eskubidea agiri publikoz eratzen denean kontatzen hasi eta 75 urte geroago, Euskal Autonomi Elkarteko Adminiztrazioari edo, hala badagokio, lurzoruaren titularrari itzuliko zaio etxebizitzen jabetza, eta itzultze horrek ez du inolako eskubiderik ordaindu beharrik ekarriko.
Esleipena salerosketakontratuaren bidez eta geroratutako diru-kopuruaren bermea jarriz egingo da.
Kontratuhori eskritura publikoan gauzatu ahal izango da, artez.
Zazpigarrena.- Behin-behineko eta behinbetiko kalifikazioen artean azalera ezberdintasunak egon daitezkeenez, gutxi gorabeherakoak dira ematen diren prezioak.
Etxebizitzaren azken prezioa honako hau izango da: etxebizitzaren behin-betiko kalifikazioan ematen den azalera erabilgarria, aplikagarria izan eta behinbehineko kalifikazioa egin zen egunean indarrean zegoen modulu ponderatuaren %90az (90.063 PTA/m.
2 ) biderkatzearen ondoriozkoa. Atxikitako trasteleku eta garajeen azken prezioa kalkulatzeko, ostera, horien azalera erabilgarria aipatutako moduluaren 0,9aren %53az biderkatu beharko da.
Zortzigarrena.- Durangoko udalaren eta Bizkaiko
Foru Aldundiaren aldeko salmenta baldintzak, bada,
Eusko Jaurlaritzaren apirilaren 20ko 109/1993 Dekretuaren
41 eta 47. ataletan ezarritakoak izango dira.
Bederatzigarrena.- Etxebizitzak eta horiei atxikitako trasteleku eta garajeak esleitzeko prozedura eta irizpideak
Eusko Jaurlaritzaren apirilaren 20ko 109/1993
Dekretuan eta, horrek jasotzen ez dituenetan, Hirigintza,
Etxebizitza eta Ingurugiro Sailaren 1994ko apirilaren
29ko Aginduan ezarritakoaren araberakoak izango dira.
Hamargarrena.- Ordainketa baldintzak: 20 urtetan bananduko da etxebizitzaren eta berari atxikitako trasteleku eta garajearen guztirako prezioa; urteko interesa % 4,5ekoa izango da eta kuotak beti berdinak. Gerorakotutako zenbatekoak hilekotan bananduko dira. Balio
Erantsiaren gaineko Zerga gaineratuko zaio eragiketari.
Hamaikagarrena.- Hirigintza, Etxebizitza eta Ingurugiro
Saileko Bizkaiko Lurralde Ordezkaritzari, Bizkaiko
Foru Aldundiari eta Durangoko Udalari eman beharko zaie agindu honen berri. Udalak bertako iragarkioholeanjarri beharko du ikusgai, eta egoki jo ditzan beste argitarabide batzuk ere erabili ahal izango ditu.
Agindu honen aurka Adminiztrazioarekiko auzierrekurtsoa aurkeztu ahal izango da, Euskal Autonomi
Elkarteko Auzitegi Nagusiko administrazio-arekiko
Auzietarako Salan. Agindua Euskal Herriko Agintaritzaren
Aldizkarian argitaratzen den egunaren biharamunean hasi eta bi hilabeteko epearen barruan egin beharko da hori.
Vitoria-Gasteiz, 1994ko azaroak 30.
Hirigintza, Etxebizitza eta Ingurugiro sailburua,
JOSÉ ANTONIO MATURANA PLAZA.
