RSS
203. zk., 1994ko urriaren 25a, asteartea
- Bestelako formatuak:
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Nekazaritza eta Arrantza
3897
370/1994 DEKRETUA, irailaren 27koa, Euskal Autonomi Elkartean nekazaritza iharduera adina baino lehenago lagatzeko laguntzetarako araubidea finkatzen duen Dekretua aldatzen duena.
Euskal Autonomi Elkartean nekazaritzako iharduera adina baino lehenago lagatzea bultzatuko duten laguntzetarako araubidea martxoaren 30eko 82/1993 Dekretuan, zeinetan Euskal Herrian nekazaritzako iharduera adina baino lehenago lagatzeko dirulaguntzak ezartzen diren, xedatutakoak eta Foru Aldundiek hori garatzeko emango dituzten arauek eraenduko dute, ekainaren
30eko 2079/1992 Arautegiarekin (EEE) bat etorriz.
Martxoaren 30eko 82/1993 Dekretua ezartzearen ondorioz eta Europar Batasunak eman dituen gidalerroen ondorioz, martxoaren 30eko 82/1993 Dekretuaren zenbait atal aldatzea komenigarria erizten da Europar
Batasunak ezarri dituen arauei egokitzeko.
Ondorioz, Nekazaritza eta Arrantza sailburuaren proposamenez, Jaurlaritzaren Kontseiluak 1994ko irailaren
27an egindako bilkuran aztertu eta onartu ondoren, hauxe.
XEDATU DUT:
1. atala.- 1.- Euskal Autonomi Elkartean nekazaritza iharduera adina baino lehenago lagatzeko laguntzetarako araubidea finkatzen duen martxoaren 30eko
82/1993 Dekretuaren 5. atala honako modu honetan geratzen da:
«Laguntzak jasotzen diren epealdian zehar, onuradunak
Gizarte Segurantza ordaindu beharko du, Gizarte
Segurantzak araubide egokian alta egoeraren parekoa onartu eta gero».
2.- Euskal Autonomi Elkartean nekazaritza iharduera adina baino lehenago lagatzeko laguntzetarako araubidea finkatzen duen martxoaren 30eko 82/1993
Dekretuaren 7. atalaren a) idazatia ezabatuta geratzen da.
3.- Euskal Autonomi Elkartean nekazaritza iharduera adina baino lehenago lagatzeko laguntzetarako araubidea finkatzen duen martxoaren 30eko 82/1993
Dekretuaren 8. atalean ondoko aldaketak ematen dira:
a) 1. puntuko a) idazatian hauxe ezabatzen da:
«...eta Euskal Autonomi Elkartean egoitza edukitzea»
b) 2. puntuan a) letra ezabatzen da.
4.- Euskal Autonomi Elkartean nekazaritza iharduera adina baino lehenago lagatzeko laguntzetarako araubidea finkatzen duen martxoaren 30eko 82/1993
Dekretuaren 10. atalaren 1. puntuan, «...450.000
PTA...» dioenean, «...617.520 PTA...» esan behar du.
5.- Euskal Autonomi Elkartean nekazaritza iharduera adina baino lehenago lagatzeko laguntzetarako araubidea finkatzen duen martxoaren 30eko 82/1993
Dekretuaren 12. atalean a) idazatia ezabatzen da.
6.- Euskal Autonomi Elkartean nekazaritza iharduera adina baino lehenago lagatzeko laguntzetarako araubidea finkatzen duen martxoaren 30eko 82/1993
Dekretuaren 14. atalaren 1. puntuan, «...300.000
PTA...» dioenean, «...467.520 PTA...» esan behar du.
2. atala.- Euskal Autonomi Elkartean nekazaritza iharduera adina baino lehenago lagatzeko laguntzetarako araubidea finkatzen duen martxoaren 30eko
82/1993 Dekretuaren Azken Xedapenei hirugarren xedapen bat erasten zaie, honako hau alegia:
«Hirugarrena.- Dekretu honetan ezarritako 10 eta
14. ataletan zehaztutako dirulaguntzen zenbatekoak urtero berrikusiko dira, Gizarte Segurantzaren sisteman jubilazioaren ziozko gutxienezko pentsio indibidualentzat ezartzen den birbalorazioa kontutan harturik.»
AZKEN XEDAPENA
Euskal Herriko Agintaritzaren Aldizkarian argitara dadin egunaren biharamunean hartuko du indarra dekretu honek.
Vitoria-Gasteizen, 1994ko irailak 27.
Lehendakaria,
JOSE ANTONIO ARDANZA GARRO.
Nekazaritza eta Arrantza sailburua,
JOSE MANUEL GOIKOETXEA ASKORBE.
