Euskal Herriko Agintaritzaren Aldizkaria

200. zk., 1994ko urriaren 20a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Hezkuntza, Unibertsitateak eta Ikerketa

3835

AGINDUA, 1994ko urriaren 7koa, Hezkuntza, Unibertsitate eta Ikerketa sailburuarena, 94/95 ikasturteari dagokion ikastetxeei buruzko informazioa eredu bateratuaren bidez biltzeko dena.

Hezkuntza-plangintza eta kudeaketa arloetako beharrei erantzun ahal izateko eta estatistika ondorioetarako, unibertsitatez besteko irakaskuntzak ematen dituzten

Euskal Autonomi Elkarteko ikastetxe guztietan

94/95 ikasturteari buruzko bateratutako informazioa bilduko da. Horretarako, Sailburuaren Kabinete Teknikoaren proposamenez, Sail honek, hauxe

XEDATU DU:

Lehenengoa.- Euskal Autonomi Elkartean beren egoitzak dituzten unibertsitatez besteko ikastetxe guztiek,

Ikastetxeetako Datutegia izenpean antolatu den galdera zerrendari erantzun beharko diote eta bete zehaztasunez eta egiatasunez.

Bigarrena.- Ikastetxeko zuzendariak gainbegiratu beharko du ereduak nola bete diren, izan ere, honek abalatzen baitu bere izenpeaz, ematen den informazioaren egiazkotasuna.

Hirugarrena.- Urriaren 17tik hasita bidaliko dira galdera-zerrendak ikastetxeetara, izen eta guzti. Eta hurrengo bi asteen barruan bete eta dagokion Lurralde

Ordezkaritzako Estatistika Atalean aurkeztu beharko dira. Honek, aztertu eta elaboratu egingo ditu erantzunak.

AZKEN XEDAPENA

Hezkuntzako lurralde ordezkariei esku ematen zaie, agindu honetan ezartzen dena garatzeko eta aplikatzeko beharrezkoak diren neurriak har ditzaten.

Vitoria-Gasteiz, 1994ko urriak 7.

Hezkuntza, Unibertsitate eta Ikerketa sailburua,

FERNANDO BUESA BLANCO.