Euskal Herriko Agintaritzaren Aldizkaria

145. zk., 1994ko abuztuaren 1a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Hirigintza, Etxebizitza eta Ingurugiroa

2765

221/1994 DEKRETUA, ekainaren 21ekoa, Bilbaoko Udalak, nahitaezko desjabetza egiteko, Iturburu kaleko 17 zenbakia duen orubearen 1/9-ari dagozkion ondasun eta eskubideak berehala hartu behar dituela deklaratzen duena.

Bilbaoko Udalak 1994ko otsailaren 18an hartutako erabakiaz, Iturburu kaleko 17 zenbakia duen orubearen

1/9-aren jabe direnen ondasun eta eskubideak jendaurrean jarri ziren, horien desjabetza egiteko. Horren ostean, Eusko Jaurlaritzari nahitaezko desjabetzaren eraginpean dauden ondasun eta eskubideak berehala hartu beharrekoak direla deklaratzeko eskatzea erabaki zen, Nahitaezko Desjabetzari buruzko Legearen 52. atalean ezarritakoaren arabera.

Berehala hartu beharreko ondasun eta eskubideak zeintzu diren jakiteko, behar beste xehapenez zehaztu eta banakatu dira horretarako egin den eta espedientean dagoen zerrendan. Zerrenda hori jendaurrean jarri zen zegokion garaian eta ez zen arrazoibide-idazkirik aurkeztu.

Hirigintza, Etxebizitza eta Ingurugiro Saileko zerbitzu teknikoek aldeko erizpena eman dute, aukeratutako lurren erabilpenak eta indarrean dauden legeak bat datozela adieraziz.

Ondasun eta eskubide horiek hartzea luza ezinezkotzat jotzen da, alderdi hori hirigintza aldetik hobetzeko asmoz, babes ofizialpean etxebizitzak sustatzeko politika egin ahal izateko.

Euskal Herriko Lurralde Antolakuntzari buruzko maiatzaren 31ko 4/1990 Legearen 26.1.f) atalean xedatzen denaren arabera, lurraldearen hirigintzaantolaketari dagozkion sistema orokorretan edo antolaketa horren elementuren batean nahitaezko desjabetza erabiltzearen ondorioz eragindako ondasun eta eskubideak berehala hartu beharrekoak direla deklaratzea Eusko

Jaurlaritzaren eginkizuna da eta, lege horrek 26.2 atalean xedatzen duenari jarraituz, Hirigintza, Etxebizitza eta Ingurugiro sailburuari dagokio horretarako proposamena

Jaurlaritzaren Kontseiluari aurkeztea.

Ondorioz, Hirigintza, Etxebizitza eta Ingurugiro sailburuaren proposamenez eta Jaurlaritzaren Kontseiluak

1994ko ekainaren 21ean egindako bilkuran aztertu ondoren, hauxe

XEDATU DUT:

/p>

Atal bakarra.- Nahitaezko Desjabetzari buruzko

Legearen 52. atalean eta Euskal Herriko Lurralde Antolakuntzari buruzko Legearen 26.ean xedatutakoaren arabera, Iturburu kaleko 17 zenbakia duen orubearen

1/9-ari dagozkion ondasun eta eskubideak, horretarako espedientean zehaztu eta banakatu direnak, Bilbaoko

Udalak berehala hartu behar dituela deklaratzen da.

Vitoria-Gasteizen, 1994ko ekainak 21.

Lehendakaria,

JOSE ANTONIO ARDANZA GARRO.

Hirigintza, Etxebizitza eta Ingurugiro sailburua,

JOSE ANTONIO MATURANA PLAZA.