![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
145. zk., 1994ko abuztuaren 1a, astelehena
- Bestelako formatuak:
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Hirigintza, Etxebizitza eta Ingurugiroa
2762
218/1994 DEKRETUA, ekainaren 21ekoa, Mendaroko Udalak, nahitaezko desjabetza egiteko, "Uholdeen aurkako babeserako eta Deba eta Kilimon ibaiak bideratzeko proiektua, 2. aldia" delakoak hartzen dituen ondasunak eta eskubideak berehala hartu behar dituela deklaratzen duena.
Mendaroko Udalak 1994ko martxoaren 15ean egindako bilkuran hartutako erabakiaz, «Uholdeen aurkako babeserako eta Deba eta Kilimon ibaiak bideratzeko proiektua, 2. aldia» delakoak hartzen dituen ondasun eta eskubideak jendaurrean jarri ziren, horien desjabetza egiteko. Horren ostean, Eusko Jaurlaritzari nahitaezko desjabetzaren eraginpean dauden ondasun eta eskubideak berehala hartu beharrekoak direla deklaratzeko eskatzea erabaki zen, Nahitaezko Desjabetzari buruzko Legearen 52. atalean ezarritakoaren arabera.
Berehala hartu beharreko ondasun eta eskubideak zeintzu diren jakiteko, behar beste xehapenez zehaztu eta banakatu dira horretarako egin den eta espedientean dagoen zerrendan. Zerrenda hori jendaurrean egon zen eta ez zen alegazioidazkirik aurkeztu.
Hirigintza, Etxebizitza eta Ingurugiro Saileko zerbitzu teknikoek aldeko erizpena eman dute, aukeratutako lurren erabilpenak eta indarrean dauden legeak bat datozela adieraziz.
Ondasun eta eskubide horiek hartzea luza ezinezkotzat jotzen da Deba ibaia bideratu ahal izateko, eta horrela, uholdeek ondasun publiko eta pribatuetan egindako galerak saihesteko.
Euskal Herriko Lurralde Antolakuntzari buruzko maiatzaren 31ko 4/1990 Legearen 26.1.f) atalean xedatzen denaren arabera, lurraldearen hirigintzaantolaketari dagozkion sistema orokorretan edo antolaketa horren elementuren batean nahitaezko desjabetza erabiltzearenondorioz eragindako ondasun eta eskubideak berehala hartu beharrekoak direla deklaratzea Eusko
Jaurlaritzaren eginkizuna da eta, lege horrek 26.2 atalean xedatzen duenari jarraituz, Hirigintza, Etxebizitza eta Ingurugiro sailburuari dagokio horretarako proposamena
Jaurlaritzaren Kontseiluari aurkeztea.
Ondorioz, Hirigintza, Etxebizitza eta Ingurugiro sailburuaren proposamenez eta Jaurlaritzaren Kontseiluak
1994ko ekainaren 21ean egindako bilkuran aztertu ondoren, hauxe
XEDATU DUT:
/p>
Atal bakarra.- Nahitaezko Desjabetzari buruzko
Legearen 52. atalean eta Euskal Herriko Lurralde Antolakuntzari buruzko Legearen 26.ean xedatutakoaren arabera, «Uholdeen aurkako babeserako eta Deba eta
Kilimon ibaiak bideratzeko proiektua, 2. aldia» egiteak hartzen dituen ondasun eta eskubideak, horretarako espedientean zehaztu eta banakatu direnak, Mendaroko
Udalak berehala hartu behar dituela deklaratzen da.
Vitoria-Gasteizen, 1994ko ekainak 21.
Lehendakaria,
JOSE ANTONIO ARDANZA GARRO.
Hirigintza, Etxebizitza eta Ingurugiro sailburua,
JOSE ANTONIO MATURANA PLAZA.