Euskal Herriko Agintaritzaren Aldizkaria

151. zk., 1993ko abuztuaren 11, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Kultura

2672

AGINDUA, 1993ko abuztuaren 2koa, Kultura Sailburuarena, 1993ko ekainaren 23an Kultura Sailburuak emandako Aginduan ezarritako epea aldatzen duena.

1993ko uztailaren 15ean agertu zen argitaratuta

Euskal Herriko Agintaritzaren Aldizkarian Kultura

Sailburuak 1993ko ekainaren 23an emandako Agindua,

Euskal Autonomi Elkarteko Udalei beren Artxibo Sistema martxan jarri edo/eta sendotzeko dirulaguntzak emateko modua arautzen duena.

Xedapen horren seigarren atalean, dirulaguntza horietakoren bat jaso nahi izanez gero interesatuek aurkeztu behar duten dokumentazioa zein den zehazten da eta, bertan, Udalak proiektuaren zati bat ordainduko duela hitz emanez Udal Erabakiaren Egiaztagiria aurkeztea (d lerroaldia) jotzen da beharrezkotzat.

Aipatutako konpromezu hori onartzen duen Udal

Erabakia hartuta egotea beharrezko izanik eta, bestetik, argitaratutako xedapenaren argibide objetiboaren arabera, dirulaguntzetakoren bat lortu ahal izateko emandako epearen zati handi batek abuztua hartzen duenez gero, egoki jotzen da eskabideak aurkezteko epeak berriz aztertzea.

Horrenbestez,

XEDATU DUT:

/p>

Atal bakarra.- Euskal Autonomi Elkarteko udalei beren Artxibo Sistema martxan jarri edo/eta sendotzeko dirulaguntzak emateko modua arautzen duen 1993ko ekainaren 23ko Aginduaren 7. atala moldatzea eta, aurrerantzean, beste era honetara idatzita geratzea:

«7. atala.- Epea.

Eskabideak aurkezteko epea, urte honetako irailaren

15era artekoa izango da.»

AZKEN XEDAPENA

Honako Agindu hau, Euskal Herriko Agintaritzaren

Aldizkarian argitaratu eta hurrengo egunean jarriko da indarrean.

Vitoria-Gasteiz, 1993ko abuztuak 2.

Kultura Sailburua,

JOSEBA ARREGI ARANBURU.