Euskal Herriko Agintaritzaren Aldizkaria

252. zk., 1992ko abenduaren 29a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Euskal Autonomia Erkidegoko Xedapen Orokorrak

Ogasuna eta Finantzak

3754

314/1992 DEKRETUA, abenduaren 1ekoa, Euskal Autonomi Elkarteko Herri-Zorra, barnerakoa, amortizagarria eta bonotan eratua, hamabi mila milioi ( 12.000.000.000 PTA) pezetako diruzenbatekoz, hamalau mila eta bostehun milioi ( 14.500.000.000 PTA) pezetara zabaldu daitekeena, jaulkitzea xedatzen duena.

Euskal Autonomi Elkartearen 1992rako Aurrekontu Orokorrak onartzeari buruzko urtarrilaren 28ko 1/1992 Legearen 8. ataleko 1. idazatiak,

Euskal Autonomi Elkarteko Herri-Zorra jaulkitzeko baimena eman zion

Eusko Jaurlaritzari, 51.812.000.000 PTAko diruzenbatekorarte, Ogasun eta Finantza Sailaren proposamenaz eta inbertsioei erantzun ahal izateko.

Baimen horretaz baliatuz, bidezkoa da, Euskal Autonomi Elkarteko

Herri-Zorraren laugarren jaulkipena egitea, barnekoa, amortizagarria eta bonotan eratua izango dena; horren diruzenbatekoa hamabi mila milioi (12.000.000.000 PTA) pezetakoa da, hamalau mila eta bostehun milioi (14.500.000.000 PTA) pezetara zabaldu daitekeena; behin koordinaketa lanak burutu eta gero.

Horien indarrez, Ogasun eta Finantza Sailburuaren proposamenez, Eusko

Jaurlaritzaren Kontseiluak 1992ko abenduaren leko bileran aztertu eta onartu ondoren, honako hau

XEDATU DUT:

1. atala.-Jaulkipenaren diruzenbatekoa.

Euskal Autonomi Elkartearen Aurrekontu Orokorrak onartzeari buruzko

1/1992 Legeko 8. ataleko 1. idazatian Jaurlaritzari ematen zaion baimenaz baliatuz, Euskal Autonomi Elkarteko Herri-Zorra, barnerakoa, amortizagarria eta bonotan eratua, hamabi mila milioi pezetakoa, hamalau mila eta bostehun milioi pezetara zabaldu daitekeena, jaulkitzen da.

2. atala.-Jaulkipenaren harpidedunak.

Dekretu honen bidez baimendutako jaulkipena harpidetza publikorako da.

3. atala.- Herri-Zorraren gauzatze modua. Herri-Zorra bonotan gauzatuko da, bakoitza 10.000 PTAko balio izendatuaz; kontuan egindako oharterazpenetan ordezkatu ahal izango dira.

4. atala.- Jaulkipenaren ezaugarriak.

4.1.- Izendatutako interes-tasa.

Jaulkitako Herri-Zorrak ehuneko hamahiruko interesa izango du.

4.2.- Harpidetza egiteko aldia eta lagapen-prezioa. Harpidetza aldia

1992ko abenduaren 10ean hasiko da eta 1992ko abenduaren 28an amaituko da.

Bonoak parean jaulkiko dira.

4.3.- Jaulkipen eguna.

Jaulkipen egun 1ez eta jaulkipena ezagutzeko ondarioetarako, 1992ko abenduaren 28ko data eramango dute. bonoek.

4.4.- Interesen zordunketa eta ordainketa. Interesak zordundu eta ordaindu, jaulkipen egunean kontatzen hasi eta seihilabeteka egingo dira, epea bete eta gero, urte bakoitzeko ekainaren 28an eta abenduaren 28an.

4.5.- Amortizazioa.

Jaulkipen egunetik lau eta bost urtera amortizatuko dira bonoak, laugarren urte bukaeran titulu bakoitzaren izendatua erdira ekarriaz.

4.6.- Onura fiskalak.

Bonotan eratutako Euskal Autonomi Elkarteko Herri-Zorra sortzeko ekintza eta ondorengo transmisioa, kostuzko transmisioetan ezartzen den zergatik salbuetsita egongo da, indarrean dagoen zerga-arauekin bat etorriz.

Dekretu honen bidez jaulkitako bonoak jaraunspenez edo legatuz hartzen direnean, Oinordetza eta Dohaintzen gaineko Zergaren zerga-oinarrian, zerga hori arautzen duten arauetan ohartemandako murrizketa izango dute.

Ezargarri diren arauek aipatutako murrizketa ohartematen badute, baina haren ezaugarriak zehazki ezartzen ez badituzte eta murrizketa izateko eskubidea duten herri-zorren jaulkipen baldintzetara bidaltzen badute, ehuneko 90ekoa izango da portzentaia: beti ere, esandako bonoak ondarearen kausatzailearen jabetzan egon badira bere heriotza izan baino urtebete lehenagotik gutxienez.

4.7.- Konputagarritasuna.

Dekretu honen bidez baimentzen den Herri-Zorraren jaulkipeneko bonoek, elkarrenganako bermedun sozietateen, aseguru pribatuetarako entitateen, borondatezko gizarte-aurrezaintzako entitateen eta

Estatuko Herri-Zorraren konputagarritasuna automatikoki aitortua izan dezaten antzeko beste entitateen koefizienteetan, inbertsio-ondorioetarako beharrezko den gaitasundun baloreen aitorpena izango dute.

AZKEN XEDAPENAK

Lehenengoa.- Garatzeko baimena.

Baimena ematen zaio Ogasun eta Finantza Sailburuari, dekretu honek agintzen duena betetzeko beharrezko izan daitezen xedapenak eman eta erabakiak hartzeko.

Bigarrena.- Indarrean jartzea.

Euskal Herriko Agintaritzaren Aldizkarian argitaratzen den egunean jarriko da indarrean dekretu hau. Vitoria-Gasteiz, 1992ko abenduak 1.

Lehendakaria,

JOSE ANTONIO ARDANZA GARRO.

Ogasun eta Fiaantza Sailburua,

JOSE LUIS LARREA JIMENEZ DE VICUÑA

Azterketa dokumentala