![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
98. zk., 2018ko maiatzaren 23a, asteazkena
- Bestelako formatuak:
- PDF (197 KB - 1 orri.)
- EPUB (191 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 4 ZENBAKIKO ZUZENEKO LAGUNTZA EMATEKO UNITATE PROZESALA
2735
EDIKTUA, 1113/2017 hitzezko judizioaren ondoriozkoa.
Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 4 zenbakiko Epaitegia.
Judizioa: 1113/2017 hitzezko judizioa.
Alderdi demandatzailea: Banco Cetelem SA.
Alderdi demandatua: Raul Salgado Perez.
Gaia: hitzezko judizioa.
Judizio horretan ebazpena eman da, eta hau dio:
1.– Erabaki da prozedura honetan 2018-01-22an emandako epaia zuzentzea.
2.– Aipatutako ebazpena aurrekarietan adierazitako moduan idatzita geratuko da, behin betiko, honela: hau dioen lekuan:
«Ebazpen hau irmoa da, eta, beraren aurka, ezin da apelazio-errekurtsorik aurkeztu erreklamatutako zenbatekoari dagokionez.»
hau esan behar du:
«Aurkaratzeko modua: apelazio errekurtsoa aurkeztuta, Arabako Probintzia Auzitegiari (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (0012 0000 00 1113 17) kontsignatu beharko da zenbateko hori. Ordainagiriaren kontzeptua idazteko hutsunean, "Errekurtsoa" dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJL, 15. xedapen gehigarria).»
Sar bedi ebazpen hau epaien liburuan eta bidal bedi testigantza auto nagusietara.
Demandatuaren gaur egungo helbidea edo egoitza ezezaguna denez, ediktu hau EHAAn argitaratzea erabaki da, Prozedura Zibilaren 1/2000 Legearen 156.4 eta 164. artikuluetan xedatutakoarekin bat, 2018-01-29ko Autoa jakinarazteko eginbidea gauza dadin.
Vitoria-Gasteiz, 2018ko apirilaren 13a.
JUSTIZIA ADMINISTRAZIOAREN LETRADUA.