![Euskal Herriko Agintaritzaren Aldizkaria](/appcont/servibopvi/images/bopv_anuncio_e.png)
179. zk., 2017ko irailaren 19a, asteartea
- Bestelako formatuak:
- PDF (186 KB - 1 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
INGURUMEN, LURRALDE PLANGINTZA ETA ETXEBIZITZA SAILA
4511
AGINDUA, 2017ko irailaren 8koa, Ingurumen, Lurralde Plangintza eta Etxebizitzako sailburuarena, Natura Ondare eta Klima Aldaketa Zuzendaritzako Busturiko Zerbitzu Orokorren arduradunaren kargutik kentzea xedatzen duena.
Euskal Funtzio Publikoari buruzko uztailaren 6ko 6/1989 Legearen 50.4.c) artikuluan xedatutakoarekin bat, eta lege horrek ematen dizkidan eskumenez baliatuz, honako hau
XEDATZEN DUT:
Lehenengoa.– Paula Caviedes Gil andrea Ingurumen, Lurralde Plangintza eta Etxebizitza Sailaren Natura Ondare eta Klima Aldaketa Zuzendaritzari atxikitako Urdaibaiko Biosfera Erreserbaren Patronatuko Zerbitzu Orokorren arduradunaren kargutik (zuzendari kontserbatzailea) kentzea (kodea: 511678/1), eta egindako lanagatik eskerrak ematea.
Bigarrena.– Kargu-uzte honek 2017ko irailaren 11tik aurrera izango ditu ondorio ekonomiko eta administratiboak.
Hirugarrena.– Administrazio-bidea amaitzen duen agindu honen aurka aukerako berraztertzeko errekurtsoa aurkez dakioke organo honi, hilabeteko epean, edo administrazioarekiko auzi-errekurtsoa aurkez daiteke Administrazioarekiko auzien epaitegian, bi hileko epean, bi kasuetan agindua Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2017ko irailaren 8a.
Ingurumen, Lurralde Plangintza eta Etxebizitzako sailburua,
IGNACIO MARÍA ARRIOLA LÓPEZ.