RSS
247. zk., 2010eko abenduaren 27a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Euskal Herriko Unibertsitatea
6404
ERABAKIA, 2010eko azaroaren 17koa, EHUko Gizarte Kontseiluko Osoko Bilkurak hartutakoa, zeinaren bidez, izaera ez egonkorreko merituak ebaluatzeko eta ordainsari osagarriak esleitzeko IV. Deialdia onartzea eta argitaratzea erabaki baita.
«Ikusita, 209/2006 Dekretua, urriaren 17koa, Universidad del País Vasco / Euskal Herriko Unibertsitateko irakaskuntza eta ikerkuntzako pertsonalaren ordainsari osagarriena; ebaluazio-protokoloa, 209/2006 Dekretuaren 8. artikuluak aipatzen duena, Uniqualek onartutakoa, Euskal Unibertsitate Sistemaren Kalitate eta Egiaztatzearen Ebaluazio-Agentzia; eta bestelako arau orokorrak eta aplika daitezkeenak.
UPV/EHUko Gizarte Kontseiluaren Bilkurak
XEDATZEN DU:
IV. Deialdia onartzea eta argitaratzea, merituak ebaluatzeko eta ordainsari osagarriak esleitzeko, izaera ez egonkorrekoa, ondoko oinarrien arabera,
Lehenengoa.- Deialdiaren helburua.
1.- Deialdi honen helburua Irakaskuntza eta Ikerkuntzako Pertsonalaren (IIP) merituak ebaluatzea da ordainsari osagarriak ordaintze aldera. Esleipena 209/2006 Dekretuan, urriaren 17koa, ezarritakoaren arabera egingo da, ordainsari osagarriena, eta Uniqualek onartutako ebaluazio-protokoloaren arabera egingo da, Euskal Unibertsitate Sistemaren Kalitate eta Egiaztatzearen Ebaluazio-Agentzia.
2.- Ordainsari osagarriak hiru maila metagarritan eta mailaz mailako tarte desberdinetan sailkatuko dira. Hau da:
C Maila: UPV/EHUn dedikazio profesionala aitortzeari zuzendutakoa.
B Maila: Kalitatea eta etengabeko hobekuntza aitortzeari zuzendutakoa.
A Maila: Bikaintasuna aitortzeari zuzendutakoa.
Bigarrena.- Ordainsari osagarriak esleitzeko merituen ebaluazioa eskatzea dute:
1.- Irakaskuntza eta Ikerkuntzako pertsonala, funtzionarioak eta kontratatu administratiboak edo kontratatu laboralak, UPV/EHUkoak, zerbitzu aktiboan dena deialdiaren datan edo inoiz izan bada 2005eko urtarrilaren 1etik.
2.- Irakaskuntza eta Ikerkuntzako pertsonala, funtzionarioak eta kontratatu administratiboak edo kontratatu laboralak, UPV/EHUkoak, zerbitzu aktiboa ez denekoan direnak, baina plazarako erreserba edo kontratua deialdiaren datan. Halaber, ordainsari osagarrien esleipenerako merituen ebaluazioa eskatzea du, zerbitzu aktibora bihurtu artean osagarri hori jasotzeko ez duen eskubideari kalterik egin gabe.
3.- UPV/EHUren Gizarte Kontseiluaren Bilkurak onartuetako deialdietan eskatu zuten pertsonak, ezingo dira berriro ere aurkeztu aurreko ebaluazioaren bost urteko baliagarritasun-epea agortu arte.
Hirugarrena.- C mailako osagarriak.
1.- C mailak, Euskal Herriko Unibertsitatean dedikazio profesionala aitortzekoak, bi tarte ditu:
C1 - UPV/EHUn 3 zerbitzu-urte emanda sartzeko aukera dago.
C2 - UPV/EHUn 7 zerbitzu-urte emanda sartzeko aukera dago.
2.- Aurreko eraginetarako, 2009ko abenduaren 31 arte emandako zerbitzuak hartuko dira kontuan, Xedapen Iraunkorra Bigarrena lehenean ezarritakoari kalterik egin gabe, 209/2006 Dekretuaren, urriaren 17koa, azken zehaztasuna, Euskal Herriko Unibertsitateko Irakaskuntza eta Ikerkuntzako pertsonalaren ordainsari osagarriei buruzkoa.
3.- Aurretiaz aipatutako denbora zenbatzeko, zerbitzu aktiboaren parekoak izango dira: zerbitzu bereziko egoerak eta seme-alaba zaintzeagatiko eszedentziak edo laneko IIPren kasuaren pareko egoerak.
Laugarrena.- Beharrezko dokumentazioa C mailako merituen ebaluaziorako:
1.- UPV/EHUn emandako zerbitzuak egiaztatzea. Egiaztapen hori ofizioz egingo du dagokion UPV/EHUko IIP kudeaketa-zerbitzuak.
2.- Irakaskuntzari buruzko txosten negatiboaren ausentzia eta irakaskuntza-inkestetan islatutako balorazio negatiboaren ausentzia egiaztatzea. Egiaztapen hori Irakasleen Errektore-ordeak egindako egiaztagiriaz egingo da, kasu bakoitzean inplikatutako Saileko Kontseiluaren aurretiazko txostenarekin.
3.- Aurreko atalean ezarritakotik salbuetsita daude: afektatutako pertsonala ohiko irakaskuntza jardueratik kanpo badago edo egon bada, epe zehatz baterako, ardura akademikoak edo liberazioak izateagatik (sindikatuak, euskara ikasteko, sabatikoa, irakaskuntza eta ikerkuntza eguneratzeko, etab.) irakaskuntzaren salbuespen osoa edo partziala izateko eskubidearekin. Zerbitzu aktiboan eragiten ez duten kasu horietan, ez da beharrezkoa izango egiaztagiririk aurkeztea txosten negatiboaren ausentziarako, eta nahikoa izango da pertsona interesdunak ohiko irakaskuntzatik kanpo mantendu duen egoera egiaztatzea.
4.- Halaber, ez da beharrezkoa izango artikulu honen bigarren atalak aipatutako egiaztagiria aurkeztea, pertsonala zerbitzu berezietan edo seme-alaben zaintzak eragindako eszedentzian izan denean, edo pareko egoeran kontratatutako IIP kasuan; nahikoa izango da pertsona interesdunak ohiko irakaskuntzatik kanpo mantendu duen egoera egiaztatzea.
5.- Sailaren hasierako txostena negatiboa bada, afektatutako irakasleari jakinarazi beharko zaio, eta 10 eguneko epea emango zaio bere interesak defendatzeko egoki iritzitako alegazioak egiteko.
Sailak, afektatutako pertsonak egindako alegazioak aztertuta, behin betiko erabakia hartuko du.
Hasierako zein behin betiko txostena, negatiboak direnean, arrazoitu egin beharko dira.
6.- Irakasleen Errektore-ordeak afektatutako pertsonei txosten negatiboak jakinaraziko dizkie. Jakinarazpen horretan berariaz txostenaren aurkako errekurtsoak, zein organoren aurrean aurkeztu behar diren eta ezartzeko epeak adieraziko dira.
Bosgarrena.- Beharrezko dokumentazioa merituak ebaluatzeko, Ikerkuntzako Pertsonalaren C mailari dagokionez:
1.- UPV/EHUn emandako zerbitzuak egiaztatzea. Egiaztapen hori ofizioz egingo du dagokion UPV/EHUren IIPren kudeaketa-zerbitzuak.
2.- Interesdunek ebaluaziorako alegatutako merituak egiaztatzen dituzten dokumentu guztiak aurkeztu beharko dituzte, inoiz ez jatorrizkoak, dokumentazio hori ez baita itzuliko. C tarteak esleitzeko, deialdi honetarako, beharrezkoa izango da atxikituta daudeneko Saileko Kontseiluaren aldeko txostena, betebeharrak betetzeari dagokiona.
Seigarrena.- B mailako osagarriak.
1.- B mailak, etengabeko kalitatea eta hobekuntza aitortzekoak, hiru tarte izango ditu:
B1 - gutxienez 5 urteko antzinakotasuna, gutxienez C tartea izatea eta 25 puntu lortzea.
B2 - gutxienez 10 urteko antzinakotasuna, C1 eta C2 tarteak izatea eta 50 puntu lortzea.
B3 - gutxienez 10 urteko antzinakotasuna, C1 eta C2 tarteak izatea eta 75 puntu lortzea.
2.- Aurreko eraginetarako, 2009ko abenduaren 31 arte emandako zerbitzuak hartuko dira kontuan, Xedapen Iraunkorra Bigarrena lehenean ezarritakoari kalterik egin gabe, 209/2006 Dekretuaren, urriaren 17koa, azken zehaztasuna, Euskal Herriko Unibertsitateko Irakaskuntza eta Ikerkuntzako pertsonalaren ordainsari osagarriei buruzkoa.
3.- Aurretiaz aipatutako denbora zenbatzeko, zerbitzu aktiboaren parekoak izango dira: zerbitzu bereziko egoerak eta seme-alaba zaintzeagatiko eszedentziak edo laneko IIPren kasuaren pareko egoerak.
Zazpigarrena.- Beharrezko dokumentazioa B mailari dagozkion merituak ebaluatzeko:
1.- UPV/EHUn emandako zerbitzuak egiaztatzea. Egiaztapen hori ofizioz egingo du dagokion UPV/EHUko IIP kudeaketa-zerbitzuak.
2.- Interesdunek ebaluaziorako alegatutako merituak egiaztatzen dituzten dokumentu guztiak aurkeztu beharko dituzte, inoiz ez jatorrizkoak, dokumentazio hori ez baita itzuliko.
3.- Hala ere, ez da beharrezkoa izango, tarte horiek esleituta dituzten irakasleek, egindako deialdien babesean aitortutakoak, 1999ko Gizarte Kontseiluaren akordioaren arabera, esleipen horiek eragin zituzten merituak egiaztatzea, nahikoa izango da aitorpen hori eranstea eta dagokion eskaeran merituen zerrenda adieraztea
Zortzigarrena.- A mailako osagarriak.
1.- A mailak, bikaintasuna aitortzekoa, bertan sartzeko gutxienez 10 urteko antzinakotasuna eskatzen denekoak, A1 eta A2 tarteak izango ditu.
2.- Aurreko eraginetarako, 2009ko abenduaren 31 arte emandako zerbitzuak hartuko dira kontuan, Xedapen Iraunkorra Bigarrena lehenean ezarritakoari kalterik egin gabe, 209/2006 Dekretuaren, urriaren 17koa, azken zehaztasuna, Euskal Herriko Unibertsitateko Irakaskuntza eta Ikerkuntzako pertsonalaren ordainsari osagarriei buruzkoa.
3.- Aurretiaz aipatutako denbora zenbatzeko, zerbitzu aktiboaren parekoak izango dira: zerbitzu bereziko egoerak eta seme-alaba zaintzeagatiko eszedentziak edo laneko IIPren kasuaren pareko egoerak.
Bederatzigarrena.- Beharrezko dokumentazioa A mailako merituak ebaluatzeko.
1.- UPV/EHUn emandako zerbitzuak egiaztatzea. Egiaztapen hori ofizioz egingo du dagokion UPV/EHUko IIP kudeaketa-zerbitzuak.
2.- Interesdunek ebaluaziorako alegatutako merituak egiaztatzen dituzten dokumentu guztiak aurkeztu beharko dituzte, inoiz ez jatorrizkoak, dokumentazio hori ez baita itzuliko.
3.- Hala ere, ez da beharrezkoa izango, tarte horiek esleituta dituzten irakasleek, egindako deialdien babesean aitortutakoak, 1999ko otsaileko Gizarte Kontseiluaren akordioaren arabera, esleipen horiek eragin zituzten merituak egiaztatzea, nahikoa izango da aitorpen hori eranstea eta dagokion eskaeran merituen zerrenda adieraztea.
Hamargarrena.- 1.- Ordainsari osagarriak esleitzeko merituen ebaluaziorako eskaerak Gobernu Kontseiluan aurkeztuko dira, Uniquali bidaltzen zaiola berariaz adierazita, Euskal Unibertsitate Sistemaren Kalitate eta Egiaztapenaren Ebaluazio-Agentzia; ebaluaziorako, honekin batera erantsitako eredua erabiliko da. Instantziak aurkezteko epea bi hilabetekoa izango da, EHAAn deialdia argitaratzen denetik zenbatzen hasita, eta UPV/EHUren Erregistro Orokorretan aurkeztuko dira, edo 30/1992 Legearen, azaroaren 26koa, 38.4 artikuluan ezarritako edozein bideren bidez, Herri Administrazioen Araubide Juridikoaren eta Administrazio Prozedura Erkidearena, 4/1999 Legeak aldatutakoa, urtarrilaren 13koa.
2.- UPV/EHUren Erregistro Orokorrak dira, Leioako Campuseko Unibertsitateko Errektoretzan direnak; halaber, Gipuzkoako Campuseko Errektoreordetzan (Ignacio Ibarrola eraikina, Elhuyar plaza, 1 (Donostia) eta Arabako Campuseko Errektoreordetzan (Izardui Komandantea kalea 2 (Vitoria-Gasteiz). Bulego horiek eta Erregistro Orokorreko UPV/EHUren Zentroak UPV/EHUren 2001eko martxoaren 19ko Ebazpenean zerrendatzen dira (EHAA, 2001eko apirilaren 2koa) eta ondoko interneteko helbidean: www.ehu.es/oficinas_registro.html. Araba, Bizkaiko eta Gipuzkoako Campusetako Erregistroen ordutegia ondokoa da: astelehenetik ostegunera, 09:00etatik 13:00etara goizez eta 15:00etatik 16:30era arratsaldez. Ostiraletan eta udako etengabeko lanaldian eta Aste Santu eta Gabonetako txandetan, ordutegia 09:00etatik 13:00etara izango da.
3.- Euren instantziak Posta bulegoetan aurkezten dituzten interesatuek, 1829/1999 Dekretuak, abenduaren 3koa, ezarritakoaren arabera egin beharko dute, posta-zerbitzuen prestazioaren Erregelamendua onartzen duena, eta ondokoa dioena:
«Herritarrek edo erakundeek Administrazio publikoen organoei zuzendutako eskaera, idazki eta jakinarazpenak, posta-zerbitzu unibertsala esleitu zaion operadorearen bidez, zabaldutako gutun azalean aurkeztuko dira, era horretan, bidali nahi den dokumentuaren lehen orrialdearen goiburuan, argi eta garbi azaltzeko: bulegoaren izena eta data, lekua, onartu izanaren ordua eta minutua. Bidaltzaileak bidalketaren gertaerak azaltzea eska dezake, betiere identitatea jatorrizkoarekin parekatuta, bidali nahi den kopiaren, fotokopiaren edo bestelako erreprodukzio baten lehen orrialdean, agiri bezala eman beharko dena, dokumentu hori dagokion administrazio organo eskudunaren aurrean aurkeztu izana egiaztatzeko.
Adierazitako diligentziak egindakoan, bidaltzaileak berak gutun azala itxiko du, eta enplegatuak onartu izanaren agiria emango dio, estanpa bulegoan gordeta.
Posta-zerbitzu unibertsala esleitu zaion operadoreak onartutako bidalketak, artikulu horretan aurreikusitako formalizazioei jarraiki, behar bezala aurkeztutakotzat joko dira, azaroaren 26ko 30/1992 Legearen 38 artikuluan aurreikusitakoaren arabera, Herri Administrazioen Araubide Juridikoaren eta Administrazio Prozedura Erkidearena, eta bere garapeneko araudiaren arabera.»
Hamaikagarrena.- Deialdi hori bi fasetan ebatziko da: lehenik C mailari dagozkion ordainsari osagarriak esleituko dira eta ondoren B eta A mailei dagozkienak.
Hamabigarrena.- C mailari dagozkion osgarrien esleipena.
1.- Irakasleen Errektoreordetzak, sindikatuen ordezkaritza entzun ondoren, Uniqual Euskal Unibertsitate Sistemaren Kalitate eta Egiaztapenaren Ebaluazio-Agentziari, aurkeztutako eskaeren zerrenda bidaliko dio ebalua ditzan, aipatutako Agentziak eskatutako dokumentazioarekin batera.
2.- Uniqual Euskal Unibertsitate Sistemaren Kalitate eta Egiaztapenaren Ebaluazio-Agentziaren ebazpenak, interesdunei jakinaraziko zaizkie. Errekurtso horren aurka, hautazko izaerarekin, berraztertzeko errekurtsoa jartzea dago hilabete bateko epean edo zuzenean administrazioarekiko auzien errekurtsoa Administrazioarekiko auzien Epaitegi eskudunetan bi hilabeteko epean, bi kasuetan Ebazpena jakinarazten denetik zenbatzen hasita.
3.- UPV/EHUren Gobernu Batzordeak C mailako osagarrien esleipenaren proposamen bat onartuko du, behin Uniqual Euskal Unibertsitate Sistemaren Kalitate eta Egiaztapenaren Ebaluazio-Agentziak ebaluazioa egin ostean; proposamen hori Gizarte Kontseiluari helaraziko zaio onartu eta esleipena bete dezan.
4.- Gizarte Kontseiluak UPV/EHUri emandako eskaeren kopia bidaliko du, berariaz adierazita aitorpen horren zenbatekoa eta data, ordainketari ekin diezaion. Halaber, interesdun bakoitzari egindako esleipen osagarrien berri emango dio.
Hamahirugarrena.- B eta A mailei dagozkien esleipen osagarriak.
1.- Behin aldi baterako ezarritako eskakizuna egiaztatuta (5 edo 10 urte zerbitzuetan), Irakasleen Errektoreordetzak Uniqual Euskal Unibertsitate Sistemaren Kalitate eta Egiaztapenaren Ebaluazio-Agentziari, aurkeztutako eskaerak bidaliko dizkio ebalua ditzan, eskatzaile bakoitzak aurkeztutako dokumentazioarekin batera.
2.- UPV/EHUren Gobernu Batzordeak A eta B mailetako osagarrien esleipenaren proposamen bat onartuko du, behin Uniqual Euskal Unibertsitate Sistemaren Kalitate eta Egiaztapenaren Ebaluazio-Agentziak ebaluazioa egin ostean; proposamen hori Gizarte Kontseiluari helaraziko zaio onartu eta esleipena bete dezan.
3.- Uniqual Euskal Unibertsitate Sistemaren Kalitate eta Egiaztapenaren Ebaluazio-Agentziaren ebazpenak, interesdunei jakinaraziko zaizkie. Errekurtso horren aurka, hautazko izaerarekin, berraztertzeko errekurtsoa jartzea dago Agentzia horretan hilabete bateko epean edo zuzenean administrazioarekiko auzien errekurtsoa Administrazioarekiko auzien Epaitegi eskudunetan bi hilabeteko epean, bi kasuetan Ebazpena jakinarazten denetik zenbatzen hasita.
4.- Gizarte Kontseiluak UPV/EHUri emandako eskaeren kopia bidaliko du, berariaz adierazita aitorpen horren zenbatekoa eta data, ordainketari ekin diezaion. Halaber, interesdun bakoitzari egindako esleipen osagarrien berri emango dio.
Hamalaugarrena.- Merituen ebaluazioak eta ordainsari osagarrien esleipenak eragin ekonomikoa eta administratiboa izango du 2005eko urtarrilaren 1etik aurrera, Bigarren Xedapen Iraunkorra lehenean ezarritakoari kalterik egin gabe, urriaren 17koa, Euskal Herriko Unibertsitateko Irakaskuntza eta Ikerkuntzako pertsonalaren ordainsari osagarriena.
Hamabosgarrena.- Irakaskuntzako pertsonalak zerbitzuak lanaldi partzialean eskaintzen baditu, ordainsari osagarri bakoitza era proportzionalean ordainduko da.
Hamaseigarrena.- Ebaluazio positiboak eta ordainsari osagarrien esleipenak bost urteko balioa izango du, deialdi honetatik zenbatzen hasita. Eskatzailea ezingo da ordainsari osagarrien esleipenerako beste deialdi batera aurkeztu, harik eta aipatutako baliagarritasun-epealdi hori agortu arte.
XEDAPEN GEHIGARRIA
Deialdi honetako tarteak eta mailak ebaluatzeko eskatutako urteak zenbatze aldera, deialdi ofizialeko beka batez gozatutako denboraldiak hartuko dira kontuan (UPV/EHU, Eusko Jaurlaritza, Hezkuntza eta Zientzia Ministerioa), betiere atxikitze-zentroa Unibertsitate hau izan bada.
Errekurtsoak
Ebazpen honek bide administratiboa agortzen du. Horren aurka, 30/1992 Legearen, azaroaren 26koa, 107. eta hurrengo artikuluetan ezarritakoaren arabera, Herri Administrazioen Araubide Juridikoaren eta Administrazio Prozedura Erkidearena, aukerako berraztertzeko errekurtsoa jartzea dago Gizarte Kontseiluaren aurrean, hilabete bateko epean argitaratzen denetik zenbaten hasita, edo administrazioarekiko auzien errekurtsoa Bilboko Administrazioen Auziekiko Epaitegian bi hilabeteko epean, argitaratzen denetik zenbatzen hasita».
Leioa, 2010eko azaroaren 17a.
Idazkari nagusia,
M.ª PILAR ELORRIETA SANTOS.
O.E.
Kontseiluburua,
EMILIO GUEVARA SALETA.
MEREZIMENDUAK EBALUATZEKO ESKARIA. GEHIGARRIZKO ORDAINSARI-OSAGARRIAK JASOTZEKO
IV. DEIALDIA
(Ikus .PDF)
