Boletín Oficial del País Vasco

247. zk., 2010eko abenduaren 27a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Ingurumen eta Lurralde Antolamendu Saila

6401

EBAZPENA, 2008ko apirilaren 25ekoa, Ingurumeneko sailburuordearena, Dow Chemical Ibérica SLri ingurumen-baimen bateratua ematen diona, Leioa eta Erandioko (Bizkaia) udalerrietan plastikoa erabiliz produktuak fabrika ditzan.

AURREKARIAK

2006ko uztailaren 28an, Fernando Palacios-Pelletier Chivite jaunak, Dow Chemical Ibérica SL enpresaren izenean eta ordezkaritzan, Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2002 Legeak xedatutakoaren arabera, Leioa eta Erandioko (Bizkaia) udalerrietan plastikoa erabiliz produktuak fabrikatzeko jarduerarako. Eskaerarekin batera Leioa eta Erandioko udalen hirigintzako bateragarritasunari buruzko txostenez gain agiri tekniko hauek aurkeztu zituzten:

- Oinarrizko proiektua (2006ko uztaila).

- Laburpen ez-teknikoa (2006ko uztaila).

Erreferentziako baimena eskatzeko unean, Dow Chemical Ibérica SL enpresak, besteak beste, jarduerarako 1965eko irailaren 23ko eta 1978ko abenduaren 15eko baimenak zituen. Baimen horiek poliestireno-legarrak fabrikatzeko planta baterako eta poliestireno-taulak fabrikatzeko planta baterako eman zituzten, hurrenez hurren. Halaber, enpresa sustatzaileak 2003ko abenduaren 9ko hondakin arriskutsuak ekoizteko baimenak zituen, hondakinen inguruan indarrean dagoen araudian xedatutakoari jarraituz; halaber, Bilbao Bizkaia Partzuergoko Kolektorera Konexioa egiteko 2004ko urtarrilaren 12ko baimena zuen.

2006ko irailaren 6an, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, ingurumen organoaren bidez proiektuaren gaineko eraginaren azterlana jendaurrean jartzeko izapidetzea adosteari dagokionez. Zehazki Leioa eta Erandioko Udalei, Eusko Jaurlaritzako Osasun Sailari, Bilbaoko Portuko Agintaritzari, Eusko Jaurlaritzako Ingurumen eta Lurralde Antolamendu Saileko Uren Zuzendaritzari eta Bilbao Bizkaiko Ur Partzuergoari eskatu zizkien.

2006ko azaroaren 24an, ingurumen organoak agiri osagarriak eskatu zizkion sustatzaileari; espedientea 2007ko urriaren 10ean osatu zen.

Aurkeztutako agiriak nahikoa zirela egiaztatu ondoren, Ingurumeneko sailburuordeak 2007ko azaroaren 14an emandako ebazpenaren bidez, jendaurrean jarri zen 30 egun balioduneko epean, Dow Chemical Ibérica SL enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Bizkaiko Aldizkari Ofizialean argitaratu zen, bietan 2007ko abenduaren 3an. Era berean, eremuaren ondoko auzokide bakoitzari jakinarazpena bidali zitzaion.

Jendaurrean jartzeko izapidea amaitu ondoren, alegaziorik ez dagoela egiaztatu da.

Uztailaren 1eko 16/2002 Legearen 17. eta 18. artikuluetan xedatutakoa betez, Ingurumenaren Kalitatearen Zuzendaritzak, 2008ko urtarrilaren 14an, txostena eskatu zien Erandio eta Leioako Udalei, Bilbao Bizkaia Ur Partzuergoari, Bilbaoko Portuko Agintaritzari eta Bizkaiko Osasun Publikoko Zuzendariordetzari.

2008ko otsailaren 4an, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Dow Chemical Ibérica SA enpresaren esku utzi zen, Ingurumen eta Lurralde Antolamendu Sailak egindako ebazpen-proposamena gehituta.

2008ko otsailaren 22an sustatzailearen jakinarazpena jaso zen. Jakinarazpen hartan hainbat ohar egiten ziren Ingurumeneko Baimen Bateratuaren ebazpen proposamenari lotuta.

ZUZENBIDEKO OINARRIAK

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoa betez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.

16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Dow Chemical Ibérica SL enpresaren kasuan, baimen hauek guztiak behar ditu: hondakin arriskutsu eta ez-arriskutsuak sortzeko baimena, saneamendu-sarera isurtzeko baimena, eta atmosferaren kutsadurari dagozkion baimenak, eta lurzoruaren kutsadura prebenitu eta zuzentzeari dagozkionak. Gainera, espedientean beste administrazio eta erakunde eskudun batzuek ere parte hartu dute, aginduzko txostenak igorriz.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak ordezten du jarduera sailkatuetarako udal-lizentziaren prozedura, azaroaren 30eko 2414/1961 Dekretuan, jarduera gogaikarri, osasungaitz, kaltegarri eta arriskutsuei buruzkoan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplika dakizkiekeen gainerako arauak. Transkribatutako aginduak aplikatuz, Dow Chemical Ibérica SL enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Leioa eta Erandioko Udalen txostenak.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan dira teknika erabilgarri onenen erabilera eta aplikatzekoa den alorreko legerian ezarritako baldintzak. Zehazki, Europako Batzordearen 2007ko abuztuko «Reference Document on the Best Available Techniques in the Production of Polymers» BREF txostenaren edukia kontuan hartu da. Horrez gain, araudi sektorialei dagokienez, kasu honetan aplikagarria da batez ere apirilaren 30eko 782/1998 Errege Dekretua. Honen bidez, Ontzien eta Ontzien Hondakinen apirilaren 24ko 11/1997 Legea garatu eta gauzatzeko Araudia onartzen da.

Espedienteko txostenak aztertu ondoren, ebazpen-proposamena sinatu eta Dow Chemical Ibérica SL enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta 2002ko uztailaren 1eko 16/2002 Legearen, Kutsaduraren Prebentzio eta Kontrol Integratuari buruzkoaren 20. artikuluan jasotzen den entzunaldi-izapidea bete da. Zentzu horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko.

Organo hau da ingurumeneko baimen bateratu hau emateko eskuduna, aipatutako legearen 13. artikuluan eta 2005eko urriaren 25eko 340/2005 Dekretuaren, Ingurumen eta Lurralde Antolamendu Sailaren egitura organikoa ezartzen duenaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko urtarrilaren 30ean emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; irailaren 30eko 1131/1988 Errege Dekretua, Legea burutzeko araudia onartzen duena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; azaroaren 26ko 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplika daitekeen gainerako araudia,

EBATZI DUT:

Lehenengoa.- Helbide soziala Madrilgo (Madril) udalerriko Cerro del Castańar kaleko 72-Bn duen eta IFK B48011670 zenbakia duen Dow Chemical Ibérica SL enpresari poliestireno-legarrak eta poliestireno-taulak produzitzeko jarduerarako ingurumeneko baimen bateratua ematea, Leioa eta Erandioko udalerrietan, eta Ebazpen honen Bigarren atalean zehaztutako baldintzak jarraituz.

Jarduera 4.1. kategorian dago «Baseko produktu kimiko organikoak ekoizteko instalazio kimikoak» izenekoan, eta zehazki: h) Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskinaren baseko gai plastikoak (polimeroak, zuntz sintetikoak, zelulosazko zuntzak).

Dow Chemical Ibérica SL enpresaren instalazio nagusiak Leioako udalerriko Iparragirre Hiribidean daude; gainera, Erandioko udalerrian 240.465 m˛-ko guztizko azalera okupatuz salgaiak eta itsasoko terminala ditu.

Poliestireno-legarrak ekoizteko lerroak 66.000 t/urte produzitzeko ahalmena duen bitartean poliestireno-taulak ekoizteko lerroak 10.000 t/urte produzitzeko ahalmena du.

Poliestireno-legarrak (styron) ekoizteko lerroan bi poliestireno-legar mota ekoizten dituzte: kristal-poliestirenoa -gardena eta hauskorra- eta inpaktu handiko poliestirenoa -zuria eta sendoa-. Bi kasuetan ekoizteko prozesua bera da, lehengaien prestakuntza aparte utzita. Izan ere, inpaktuko poliestirenoaren kasuan goma (polibutadienoa) eho behar da eta estirenoarekin nahastu. Lehengaiak, estirenoa eta olio minerala, batez ere, nahastu, aurretik berotu eta polimerizazio-erreaktoreetara igortzen dira. Bertan poliestireno-plastikoa sortzen da. Erreaktoreen irteeran debolatizadore batetik pasatzen da. Erreakzionatu ez duten osagai eta osagai lurrunkor guztiak ekipo horretan ateratzen dira (% 15). Behar bezala erreakzionatu duen produktua estruitu egiten dute hariak sortzeko. Hari horiek uretan hoztu, paletetan moztu eta zakuratu edo silotara eramaten dituzte. Erreakzionatu ez duten eta debolatizadorean bereizi dituzten lehengaiak lurrunkorren tratamendu-lerro batera igortzen dira. Tratamendu-lerro horrek serieko hainbat kondentsadore ditu, eta bertan osagaiak bereizten dira. Berreskuratutako etilbentzenoa eta monomero birziklatua berriz ere lehengai gisa gehitzen dira eta gainerako produktua energia aldetik galdaretan baliotzen da.

Poliestireno estruituko (styrofoam) taulak ekoizteko lerroan, gehigarri diferenteak eta aurreko prozesuan fabrikatutako poliestireno-legarrak nahasten dira. Nahastea estruitu egiten da eta aparra kentzen zaio taula-forma hartzeko. Une horretatik aurrera taula akabatzeko hainbat lan hasiko dira (arbastatzeak, mozteak, azala kentzea, ildaskatzeak eta abar) amaieran izango duen forma lortu arte. Logotipoa inprimatu ondoren, fardeldu eta paletetan jartzen da bidali arte. Mozte eta arbastatzeko lan hauetan sortutako taulako txirbilak ekipo batera bidaltzen dira. Ekipo horretan txirbilak urtu eta tamainan homogeneizatzen dira lehengai gisa prozesura itzultzeko.

Instalazioan erabilitako energia-iturriak dira: energia elektrikoa, 11.500 KVAko potentziadun 6 transformadoreren bitartez (urtean 10.700.000 KWh-ko kontsumoa; horietatik 5.900.000 kWh poliestireno-lerroari zegozkien eta 4.800.000 kWh taulak fabrikatzeko lerroari); gas naturala, fabrikazio-itsasgarriekin batera, polimerizazio-erreakzioa emateko behar den beroa sortzen du galdarak erreta (49 t/urte gas-kontsumoa eta 719 t/urte itsasgarri-kontsumoa); eta gasolioa, berogailu eta garraiorako eskorgek funtzionatzeko (kontsumoa 43.000 litro/urte).

Batez ere hozte-sistemaren funtzionamendurako erabiltzen den kontsumitutako ur guztia Bilbao Bizkaia Ur Partzuergoaren saretik jasotzen da. Urtean (2005. urtea) 61.518 m3 kontsumitzen dira.

Poliestireno-legarrak ekoizteko lerroak atmosferara isurtzeko 4 foku sistematiko ditu: fluido termikoko DH-360 galdara, fluido termikoko DH-370 galdara, estrusio-makinen haizagailu eta husteko sistemako kondentsaezinen irteera, eta legar-urasken kargako dedusterrari dagokion foku ez-sistematiko bat. Poliestireno-taulak ekoizteko lerroak atmosferara isurtzeko 3 foku sistematiko ditu: aparrak kentzeko xurgagailuen bidez ateratzea, taulak mozteko inguruan mahuka-iragazkia eta zikloia txirbilak metatzen diren zatian.

Bestalde, batez ere itsasoko terminaleko eta plantako andelak betetzeko lanen ondorioz isurtze barreiatuak sortzen dira, bai eta andel horiek arnasteagatik sortutako isurtzeak ere.

Plantak industriako hondakin-urak, ur sanitarioak eta euri-urak sortzen ditu. Kutsatuak egon daitezkeen fabrikazio-eremuko industria-urak, ur sanitarioak eta euri-urak Bilbao Bizkaia Ur Partzuergoaren kolektorera bidaltzen dira isurketa-puntu bakar baten bitartez. Jatorria kontuan hartuta, ur horiek tratamendu fisiko eta kimikoa jaso dute aurretik. Kutsatzeko arriskurik ez duten euri-urak Udondo ibaira bidaltzen dira. Itsasoko terminalean biltegiratzeko gordailuetako edo ponpetako kubetatan jasotako euri-urak ibilgura isurtzen dira kontrol analitikoa zuzena denean, edo hondakin arriskutsu gisa kudeatzen dira kutsadura-motaren bat badute.

Beste hainbaten artean proiektuak Teknika Erabilgarri Onenak (TEO) ditu «Reference Document on Best Available Techniques in the Production of Polymers» erreferentziako agirian adierazitakoaren arabera: biltegiratzean sortutako emisioak murriztu eta kontrolatzea, mailaren aldaketa minimizatzea, sabai mugikorrak, kondentsadoreen instalazioa, haizatzea berreskuratzea tratatu ahal izateko, gasen konpentsazio-lerroak, erreaktoreen haizatze eta purgatzeko korronteak berreskuratzea, peletizadorearen ihes-gasak biltzea eta tratatzea, HIPS (inpaktu handiko poliestirenoa) produkzioan disoluzio-sistemetako isurketak murriztea, kontzentrazio handiko ponpatze-sistemak eta lurruna konpentsatzeko lerroak.

Bigarrena.- Dow Chemical Ibérica SL enpresak sustatutako poliestireno-legarrak eta poliestireno-taulak Leioako udalerrian produzitzeko honako baldintza eta betebeharrak ezartzea:

A) Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Dow Chemical Ibérica SL enpresak aldaketa horien berri emango du.

B) Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusita bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

B.1.- Instalazioaren jardunerako baldintza orokorrak.

B.1.1.- Airearen kalitatea babesteko baldintzak.

B.1.1.1.- Baldintza orokorrak.

Dow Chemical Ibérica SL instalazioa ustiatzean atmosferara egingo diren isurketek ez dituzte Ebazpen honetan ezarritako balioak gaindituko.

Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.

Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala eraiki, ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

B.1.1.2.- Fokuak identifikatzea. Katalogazioa.

Dow Chemical Ibérica SL enpresaren instalazioak ondorengo fokuak ditu, atmosfera babestearen arloan indarrean dagoen araudiaren arabera katalogatuta:

Foku zk. Erregistro-liburuan duen izena Isurtze-fokuaren izena Garaiera (m) Diametroa (m) Katalogazioa UTM koodernatuak

Taldea X Y

1 48000005-01 Fluido termikoaren DH-360 galdara 6 0,42 C 501.677 4.796.509

2 48000005-02 Fluido termikoaren DH-370 galdara 6 0,42 C 501.678 4796.515

3 48000005-03 Husteko sistematik kondentsaezinen irteera 10 0,025 B 501.616 4.796.524

4 48000005-04 Estrusio-makinen haizagailuak 10 0,3 B 501.610 4.796.520

7-D 48000005-07-D Legar-zisternak kargatzeko dedusterra 9 - Foku ez-sistematikoa 501.689 4.796.544

8 48000005-08 Aparrak ateratzeko xurgagailuen bidez ateratzea 4,7 0,71 C 501.740 4.796.608

9 48000005-09 Taulak mozteko eremua

(mahuka-iragazkia) 12 0,615 (diametro baliokidea) C 501.740 4.796.586

10 48000005-10 Txirbilak metatzea

(Zikloia) 10 0,4 C 501.738 4.796.577

Batez ere itsasoko terminaleko eta plantako andelak betetzeko lanen ondorioz sortutako isurtze barreiatuak, bai eta andel horiek arnasteagatik sortutako isurtzeak ere.

B.1.1.3.- Isurtzeko muga-balioak.

Instalazioa ustiatzean atmosferara egingo diren isurketek ez dituzte isurtzeko muga-balio hauek gaindituko:

Fokua Substantziak Isurtzeko muga-balioak

1 Karbono-monoxidoa (CO) 500 ppm

Nitrogeno-oxidoak (NOx) 300 ppm

2 Karbono-monoxidoa (CO) 500 ppm

Nitrogeno-oxidoak (NOx) 300 ppm

3 Estirenoa * 100 mg/Nm3

4 Konposatu Organiko Hegazkorrak (KOHak) 150 mgC/Nm3

8 Konposatu Organiko Hegazkorrak (KOHak) 150 mgC/Nm3

9 Partikula solidoak 20 mg/Nm3

10 Partikula solidoak 20 mg/Nm3

Fluxua > 100 g/h bada.

Isurtzeko muga-balioak baldintza hauei buruzkoak dira: 273 K-ko tenperatura, 101,3 kPa-ko presioa eta gas lehorra.

Gehienez onar daitezkeen balioek ez dituzte isurketarako muga-balioak gaindituko, arauz egingo diren aldizkako ikuskaritzetan (ordubeteko hiru neurketa gutxienez) zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

Konposatu Organiko Hegazkorrei (KOHak) (Karbono Organikoaren Guztizko gisa neurtuta) eta Estirenoari dagokienean ez dituzte isurketarako muga-balioak gaindituko, arauz egingo diren aldizkako ikuskaritzetan (ordubeteko hiru neurketa gutxienez), baldin eta neurketa guztien batez bestekoek isurketaren muga-balioak gainditzen ez badituzte eta ordubeteko neurketa batek ere isurketaren muga-balioak gainditzen ez baditu (1,5 baino gehiagoko aldea).

B.1.1.4.- Gasak biltzeko eta husteko sistemak.

Fokuetako gas-hondarrak kanporatzeko tximiniek ez dute B.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira Industria Ministerioak 1976ko urriaren 18an emandako Agindua (Industriak atmosferan eragiten duen kutsadurari aurre hartu eta hori zuzentzeari buruzkoa) bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute.

L1 e" 8D eta L2 e" 2D distantziak betetzen ez diren fokuetarako inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliozkotasuna justifikatzea eskatuko da.

Halaber, neurketa eta irakurketa ofizialak aldez aurretik abisatu gabe egiteko beharrezko gutxienekoak izango dituzte (argindarra eta beste batzuk).

B.1.2.- Saneamendu-sarera isurketak egiteko baldintzak.

B.1.2.1.- Isurketen sailkapena, jatorria, ingurune hartzailea eta kokapena.

(Ikus .PDF)

B.1.2.2.- Gehienez isur daitezkeen emari eta bolumenak.

1. isurketa: kutsadura eragin dezaketen euri-urak, hozte-urak eta industria-urak (fabrikazioa).

Eguneko gehienezko bolumena 30 m3

B.1.2.3.- Isurtzeko muga-balioak.

Bilbao Bizkaia Ur Partzuergoko «Saneamendu-sareko isurketak erregulatzen dituen araudian» agertzen diren mugak eta baldintzak bete beharko dira, erakunde horrek aintzat har ditzakeen zehaztapen, aldaketa edo salbuespenekin.

Ezingo dira diluzio-teknikak erabili isurien muga-balioak lortzeko.

B.1.2.4.- Araztu eta husteko instalazioak.

Arazketa-instalazioek edo hondakin-urak zuzentzeko neurriek honako jarduera hauek barne hartzen dituzte funtsean:

- 800 m3-ko segurtasuneko pond-a: ura gordetzeko lekua, goraino bete arte. Betetzen denean pH, DQO eta usaina egiaztatzen dira. Emaitza zuzena bada pond-a partzuergoaren kolektorean (1. isurketa-puntua) husten da. Emaitza negatiboa balitz urak hondakin arriskutsu gisa kudeatuko lirateke. Sistema honetara bideratzen dira hozte-dorreetako purgatzeetatik bildutako urak, galdaretatik eta erreakzio-eremuetatik datozen sute-urak, eta poliestirenoko erreakzio-eremuko euri-urak. Urak batez beste 3 aste inguru egoten dira.

OMS: urak baino dentsitate txikiagoa duten produktu organikoen isurtzeak biltzen dituzten putzuak dira. Produktu-mota hau duen ur-fluxua trenkada bidez bereizitako hainbat kameratatik igarotzen da. Bertatik igarotzeko abiadura motela bada goialdean flotatzen ari diren konposatuak kamaren goialdeko tapatik atera daitezke. Putzu horietara eramaten dira sute-urak. Ez ordea honako hauek: galdara eta erreakzioko eremutako urak, kubeta, ponpa eta gordailuetako kutsatuak egon daitezkeen euri-urak, eta ur sanitarioak.

- 54 m3-ko segurtasuneko pond-a: pH eta DQO parametroak egiaztatzen dira eta emaitza zuzena bada pond-a Udondo ibaira husten da. Egindako analisia positiboa izango ez balitz hondakin arriskutsu gisa kudeatuko lirateke.

Hartutako neurri zuzentzaileak nahikoak ez direla ikusiz gero, Dow Chemical Ibérica SL enpresak behar beste aldaketa egingo ditu arazketako instalazioetan isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.

Aurkeztutako agirien arabera, isurketak kontrolatzeko kutxeta bat jarriko da baimendutako industria-ur bakoitzerako; kutxeta horiek isurketen lagin esanguratsuak lortzeko beharrezkoak diren ezaugarri guztiak izango dituzte. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

B.1.3.- Instalazioan sortutako hondakinak egoki kudeatzen direla bermatzeko baldintzak.

Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

Hondakinen kudeaketari buruzko printzipio hierarkikoei jarraituz, hondakin oro balioztatu egin behar da eta horretarako autokudeaketa behar da edo balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira, autosufizientzia- eta gertutasun-printzipioei jarraituz.

Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

Hondakinak desagertu, galdu edo ihes eginez gero, berehala jakinaraziko da gertatutakoa Ingurumen Sailburuordetzan eta Leioako Udalean.

B.1.4.- Hondakin arriskutsuak.

Sustatzaileak adierazitako hondakin arriskutsuak honako hauek dira:

● 1. Prozesua: Laborategia.

- 1. hondakina: «Klorodun disolbatzaileak».

Identifikazioa: B48011670/4800000365/1/1.

Hondakinaren kodea: Q7//D13//L6//C40//H5/14//A501(1)//B5520.

HEZ: 160506.

Urtean sortutako kantitatea: 56,20 kg.

Azterketa kimikoak egitean eta laborategiko tresnak garbitzean sortzen da. Mota askotariko osaera duten klorodun disolbatzaileak eta iraungitako erreaktiboak dira. Hondakin hori jasotzeko identifikatutako ontzian biltzen da. Ontzi hori betetzean, hondakinen biltegian dagoen hondakin horrentzako identifikatutako edukiontzi handiago batera eramaten da.

● 2. Prozesua: Poliestirenoa.

- 1. hondakina: «Olio termiko zikina».

Identifikazioa: B48011670/4800000365/2/1.

Hondakinaren kodea: Q8//R13//L6//C43//H5/6//A501(1)//B5514.

HEZ: 130308.

Urtean sortutako kantitatea: 1.856 kg.

Arazteko eta agente termiko gisa berriz erabiltzeko olio termikoa jarraikian destilatzean sortzen da. Karbono-ezpurutasun handia duten konposatu aromatikoak dira. Hondakin horretarako identifikatutako andelean jasotzen da. Andel hori betetzen denean hondakin horrentzako identifikatutako bidoi batera ponpatzen da eta hondakinen biltegira eramaten da.

- 2. hondakina: «Iragazketa-ehunak».

Identifikazioa: B48011670/4800000365/2/2.

Hondakinaren kodea: Q8//R13//S40//C43//H4/14//A501(1)//B5514.

HEZ: 150202.

Urtean sortutako kantitatea: 642 kg.

Batez ere estirenoaren eta polibutadienoaren (goma) nahasteak iragaztean sortzen da. Estirenoz eta polibutadienoz (goma) blaitutako poliester-ehunak dira. Hondakin horrentzako identifikatutako bidoian jasotzen da hondakina sortzen den gunean eta, bete ondoren, hondakinen biltegira eramaten da.

- 3. hondakina: «Isurtzeak garbitzeko hondarra».

Identifikazioa: B48011670/4800000365/2/3.

Hondakinaren kodea: Q5//D13//S34//C43//H5//A501(1)//B5514.

HEZ: 150202.

Urtean sortutako kantitatea: 940 kg.

Isurtze txikiak biltzeko lanetan sortzen da. Estirenodun material xurgatzaileak dira. Hondakin horrentzako identifikatutako bidoian jasotzen da. Bidoia betetzean hondakinen biltegira eramaten da.

- 4. hondakina: «Alumina+TBC+Estireno».

Identifikazioa: B48011670/4800000365/2/4.

Hondakinaren kodea: Q07// R13// S20// C43// H3B/H04// A501(1)// B05514.

HEZ: 070210.

Urtean sortutako kantitatea: 10.260 kg.

Terbutil katekoleko inhibitzailea (TBC) ezabatzeko lanetan sortzen da estirenoan, aluminako adsortzio-dorreetan. Terbutil katekol (TBC) eta estirenoz estalitako aluminako esferak dira. Hondakin horrentzako identifikatutako bidoian jasotzen da. Bidoia betetzean hondakinen biltegira eramaten da.

- 5. hondakina: «Estireno+Zink estearatoa+koloregarria».

Identifikazioa: B48011670/4800000365/2/5.

Hondakinaren kodea: Q7//R13//S20//C43//H3b/4//A501(1)//B5514.

HEZ: 070210.

Urtean sortutako kantitatea: 0 kg (2005. urtean).

Estireno, zink-estrato eta koloregarri (urdintzailea) arteko nahastea iragazteko lanetan sortzen da, polimerizazio-erreaktorean elikatu aurretik. Zink, koloregarri eta estirenoko osagarrien hondakinak dira. Hondakin horrentzako identifikatutako bidoian jasotzen da. Bidoia betetzean hondakinen biltegira eramaten da.

- 6. hondakina: «Peroxidozko ontzi erabiliak (plastikozko bidoiak)».

Identifikazioa: B48011670/4800000365/2/6.

Hondakinaren kodea: Q5//R13//S36//C28//H5//A501(1)//B5514.

HEZ: 150110.

Urtean sortutako kantitatea: 1.420 kg.

Estirenoaren polimerizazioaren adierazleen moduan peroxidoak erabiltzearen ondorioz sortzen da. Barruan peroxidoak izan dituzten plastikozko bidoiak dira. Hondakin horrentzako identifikatutako karga paletizatu eta bilkortuetan biltzen da peroxidoentzako biltegi espezifikoan.

- 7. hondakina: «Barruan olio termikoa izan duten 200 l-ko metalezko bidoiak».

Identifikazioa: B48011670/4800000365/2/7.

Hondakinaren kodea: Q5//R4//S36//C43//H4//A501(1)//B5514.

HEZ: 150110.

Urtean sortutako kantitatea: 68 kg.

Fluido termikoa erabili izateagatik sortzen da. Bifenilo-oxido eta bifenilo nahasteak, eta difeniletanoa jaso duten hainbat metalezko bidoik osatzen dute. Hondakinen biltegian hondakin horrentzako identifikatutako eremu batean biltzen dira.

- 8. hondakina: «Zuloak garbitzeko urak».

Identifikazioa: B48011670/4800000365/2/8.

Hondakinaren kodea: Q5//R13//L34//C43//H5//A501(1)//B5514.

HEZ: 120301.

Urtean sortutako kantitatea: 1.160 kg.

Plantako arteketan bildutako urak dekantatzeko zuloak garbitzean sortzen da; estirenoko lohiak (hondoan) eta gainak (gainazalean) dira. Hondakina sortzen den puntuan jasotzen da zuzenean baimendutako kudeatzaileari entregatzeko.

- 9. hondakina: «Estireno-hondakinak (garbiketa eta isurtzeak)».

Identifikazioa: B48011670/4800000365/2/9.

Hondakinaren kodea: Q05// R13// L20/P20// C43// H3B/H04// A501(1)// B5514.

HEZ: 120301.

Urtean sortutako kantitatea: 720 kg Ekipoak garbitzean, eta ihes eta isurketetan sortzen da. Estirenoa darama. Hondakin horrentzako identifikatutako bidoian jasotzen da hondakina sortzen den gunean. Ondoren, hondakinen biltegira eramaten da.

● 3. Prozesua: Styrofoam.

- 1. hondakina: «Bario estearatoko erraztakinak».

Identifikazioa: B48011670/4800000365/3/1.

Hondakinaren kodea: Q7//D13//S20//C15//H4/14//A501(1)//B5520.

HEZ: 070214.

Urtean sortutako kantitatea: 1.062 kg.

Styrofoam fabrikatzeko instalazioan bario estearatoko gehigarriak kargatzeko lanetan gertatutako isurketa txikiak biltzean sortzen da. Batez beste bario estearatoko % 70 eta talkoko % 30ez osatutako konposaketa baten hondakinak dira. Hondakin horrentzako identifikatutako bidoian jasotzen da. Bidoia betetzean hondakinen biltegira eramaten da.

- 2. hondakina: «Geroratzailea bildu duten big-bag poltsak».

Identifikazioa: B48011670/4800000365/3/2.

Hondakinaren kodea: Q5//D15//S36//C42//H5//A501(1)//B5520.

HEZ: 150110.

Urtean sortutako kantitatea: 400 kg.

Sugar-geroratzaile gisa erabilita, styrofoam-en formulazioan hexabromoziklododekanoko gehigarriak erabiltzean sortzen da. HBCD (sugar-geroratzailea) izan duten big-bagak dira. Trinkotzen da eta hondakinen biltegian hondakin horrentzako identifikatutako big-bagetan jasotzen da.

● 4. Prozesua: Zerbitzu orokorrak.

1. hondakina: «Erabilitako olioa».

Identifikazioa: B48011670/4800000365/4/1.

Hondakinaren kodea: Q7//R9//L8//C51//H5/6//A501(1)//B00019.

HEZ: 130205.

Urtean sortutako kantitatea: 1.083 kg.

Instalazio eta ekipoen olioak aldatzean sortzen da. Batez ere erabilitako olio hidraulikoak eta motorreko olioak dira. Hondakin horrentzako identifikatutako bidoian jasotzen da. Bidoia betetzean hondakinen biltegira eramaten da.

- 2. hondakina: «Garbiketako disolbatzaileak».

Identifikazioa: B48011670/4800000365/4/2.

Hondakinaren kodea: Q7//R13//L5//C41/51//H3b/5//A501(1)//B00019.

HEZ: 140603.

Urtean sortutako kantitatea: 35 kg.

Disolbatzaile ez-halogenatuekin piezak garbitzeko lanetan sortzen da. Olioarekin erabilitako disolbatzaile ez-halogenatuak dira. Hondakin horrentzako identifikatutako bidoian jasotzen da. Hondakin hori sortzen den puntuan bertan jasotzen da.

- 3. hondakina: «Olioa izan duten metalezko bidoiak».

Identifikazioa: B48011670/4800000365/4/3.

Hondakinaren kodea: Q5//R4//S36//C51//H5/6//A501(1)//B0019.

HEZ: 150110.

Urtean sortutako kantitatea: 68 kg.

Olioa aldatzeko lanetan sortzen da. Olio hidraulikoa eta lubrikazioko olioa gorde duten metalezko bidoi hutsak dira. Hondakinen biltegian hondakin horrentzako identifikatutako eremu batean biltzen da.

- 4. hondakina: «Berun azidozko bateriak».

Identifikazioa: B48011670/4800000365/4/4.

Hondakinaren kodea: Q6//R4//S37//C18/23//H8//A501(1)//B0019.

HEZ: 160601.

Urtean sortutako kantitatea: 267,5 kg.

Beruna eta soluzio azidoa duten bateria erabiliak jartzeko lanetan sortzen da. Hondakinen biltegian hondakin horrentzako identifikatutako eremuan jasotzen da.

- 5. hondakina: «Pila agortuak».

Identifikazioa: B48011670/4800000365/4/5.

Hondakinaren kodea: Q6//R13//S37//C5/11//H6/14//A501(1)//B0019.

HEZ: 200133.

Urtean sortutako kantitatea: 26,8 kg.

Pila agortuak aldatzeko eragiketetan sortzen da. Pilak multzoka jasotzen dira, eta nikela eta kadmioa bezalako metalak dituzte. Sortzen den lanpostuen ondoan hondakin horretarako identifikatutako edukiontzian jasotzen da eta hondakinen biltegian hondakin horretarako identifikatutako plastikozko bidoira eramaten da.

- 6 hondakina: «Botoi-pilak».

Identifikazioa: B48011670/4800000365/4/6.

Hondakinaren kodea: Q6//R13//S37//C16//H6/14//A501(1)//B0019.

HEZ: 160603.

Urtean sortutako kantitatea: 2 kg.

Mantentze orokorreko azpiprozesuan pila agortuak biltzeko lanetan sortzen da. Merkurioa daramaten erabilitako pilak dira. Sortzen den lanpostuen ondoan hondakin horretarako identifikatutako edukiontzian jasotzen da eta hondakinen biltegian hondakin horretarako identifikatutako plastikozko bidoira eramaten da.

- 7. hondakina: «Fluoreszenteak eta lanparak».

Identifikazioa: B48011670/4800000365/4/7.

Hondakinaren kodea: Q6//R13//S40//C16//H6/14//A501(1)//B0019.

HEZ: 200121.

Urtean sortutako kantitatea: 97 kg.

Mantentze-lan orokorra azpiprozesuan lanparak aldatzeko lanetan sortzen da; merkurioa duten fluoreszente eta/edo lanpara erabiliak dira. Hondakinen biltegian paletaren gainean jarritako hondakin horretarako identifikatutako kutxan jasotzen da.

- 8. hondakina: «Ekipo elektriko eta elektronikoak».

Identifikazioa: B48011670/4800000365/4/8.

Hondakinaren kodea: Q14//R4//S40//C6/18//H6/14//A501(1)//B0019.

HEZ: 160213.

Urtean sortutako kantitatea: 376 kg.

Ekipo elektriko eta elektronikoak berritzeko lanetan sortzen da; baztertutako ekipo ofimatikoak dira. Hondakin horrentzat identifikatutako eremuan jasotzen da.

- 9. hondakina: «Plastikozko ontzi hutsak».

Identifikazioa: B48011670/4800000365/4/9.

Hondakinaren kodea: Q14//R4//S40//C6/18//H6/14//A501(1)//B0019).

HEZ: 150110.

Urtean sortutako kantitatea: 162 kg.

Ontzi hutsak bildu eta multzokatzeko azpiprozesuan sortzen dira. Tintetarako disolbatzaileak, tintak eta azido klorhidrikoa bildu dituzten plastikozko ontziak dira. Bolumena murrizteko prentsatu eta hondakin horrentzako identifikatutako bidoian jasotzen dira. Bidoi hori betetzean hondakinen biltegira eramaten da.

- 10. hondakina: «Aerosol agortuak».

Identifikazioa: B48011670/4800000365/4/10.

Hondakinaren kodea: Q5//R13//S-G36//C51//H3b/5//A501(1)//B0019.

HEZ: 160504.

Urtean sortutako kantitatea: 30 unitate.

Ontzi hutsak bildu eta multzokatzeko azpiprozesuan sortzen dira. Lubrifikatzaileak eta korrosioaren aurkakoak izan dituzten aerosolak dira. Sortzen den lanpostuaren edo lanpostuen ondoan hondakin horretarako identifikatutako edukiontzian jasotzen da eta hondakinen biltegian hondakin horretarako identifikatutako bidoira eramaten da.

- 11. hondakina: «Iragazkiak eta bustitako trapuak».

Identifikazioa: B48011670/4800000365/4/11.

Hondakinaren kodea: Q5//D13//S40//C51//H14//A501(1)//B0019.

HEZ: 150202.

Urtean sortutako kantitatea: 100 kg.

Xurgatzaileak eta ehunak biltzean sortzen da. Batez ere olioz bustitako iragazkiak, banakako babes-ekipoak eta trapuak dira. Hondakin hori identifikatzeko edukiontzian biltzen da sortzen den lekuan edo lekuetan, eta bidoira eramaten da.

a) Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

b) Hondakin arriskutsuak jasotzen dituzten ontziek uztailaren 20ko 833/1988 Errege Dekretuak (hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen du dekretu horrek) 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

c) Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.

d) Hondakin arriskutsuak gordetzeko denbora ezingo da 6 hilabetetik gorakoa izan.

e) Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakinen kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.

f) Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Dow Chemical Ibérica SL enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

g) Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

h) Dow Chemical Ibérica SL enpresak ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du sortutako olio erabilia.

i) Ekainaren 2ko 679/2006 Errege Dekretuan, Industrian erabilitako olioaren kudeaketa arautzen duenean, aurreikusitako baimendutako kudeaketa bateraturako sistema bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Dow Chemical Ibérica SL enpresak.

j) Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

k) Dow Chemical Ibérica SL enpresak poliklorobifeniloak eduki ditzaketen gailuak dituenez, kudeaketa egokia izan dadin, nahitaez bete behar ditu poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituen 1999ko abuztuaren 27ko 1378/1999 Errege Dekretuaren baldintzak eta errege dekretu hori aldatzen duen 2006ko otsailaren 24ko 228/2006 Errege Dekretua.

l) Europako Parlamentuaren eta Kontseiluaren 2000ko ekainaren 29ko 2037/2000 EE Erregelamenduan ozono-geruza agortzen duten substantzia batzuk zehazten eta arautzen dira. Dow Chemical Ibérica SL enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

m) Dow Chemical Ibérica SL enpresak urtero adierazi beharko dio Ingurumen Sailburuordetzari, ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.

n) Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

o) Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Dow Chemical Ibérica SL enpresak neurri babesleak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.

p) Aurreko e, f (kudeatzaileak EAEn daudenean), m eta n ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

q) Amiantoa duten hondakinak antzemanez gero, Dow Chemical Ibérica SL enpresak 108/1991 Errege Dekretuan (3. artikulua), amiantoak ingurumenean sortzen duen kutsadura saihestu eta gutxitzekoan, ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun- eta osasun-arloan bete behar diren gutxieneko baldintzak.

B.1.5.- Hondakin ez-arriskutsuak.

Sustatzaileak adierazitako hondakin ez-arriskutsuak hauek dira:

Hondakinaren izena HEZ kodea Zein prozesuri lotuta Kalkulatutako ekoizpena (kg/2005)

Papera/kartoia 200101 Bilgarriak kentzea

Bulegoak 14.620

58.980

Plastikoa 150102 Bilgarriak kentzea 16.620

Burdina txatarra 200140 Ekipoak desegitea 293.820

Kableak (Cu edo Al-ekoak)

Zura 150103 Bilgarriak kentzea 159.580

50.520

Beira-zuntza eta plastikozko erraztakinak 200301 Fabrikatzeko orokorra 25.260

II. motako bestelako hondakin geldoak

Zabor organikoa 200301 Sukaldea, zerbitzu orokorrak 5.200

Ontziak 150102

Beira 150107

Papera 200101 Bulegoak

a) Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu batera.

b) Hondakin horiek 2 urtez gorde ahal izango dira gehienez.

c) Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Dow Chemical Ibérica SL enpresak artxibategian erregistratu eta gorde beharko ditu onarpen-agiriak edo horien agiri ofizial baliokideak, beharrezkoak direnean, bost urtean gutxienez.

d) Halaber, hondakin geldo eta geldoarazien kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

e) Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

f) Aipatutako c) eta d) (kudeatzaileak EAEn daudenean) eta e) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

B.1.6.- Lurzorua babesteko baldintzak.

Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako aginduak betez lurzoruaren egoerari buruz aurkeztutako aurretiazko txostenean jasota dauden gomendioen arabera, Dow Chemical Iberica, SL enpresak lurzorua babesteko beharrezko neurriak hartu beharko ditu.

B.1.7.- Zaratari buruzko baldintzak.

Jarraian adierazitako zarata-mailak ez gainditzeko neurriak hartu eta instalatuko dira:

a) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.

b) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.

c) Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

d) Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.

C) Ingurumena Zaintzeko Programa.

Ingurumena Zaintzeko Programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

C.1.- Atmosferara botatzen diren poluitzaileak kontrolatzea.

a) Dow Chemical Ibérica SL enpresak botatzen dituen kutsatzaileak kontrolatu beharko ditu, ondorengoaren arabera:

(Ikus .PDF)

b) Aurreko atalean aipatutako kanpoko neurketa guztiak kontrol-erakunde baimendu (KEB) batek egin beharko ditu (hiru neurketa, ordubetekoa bakoitza, gutxienez, zortzi orduko tartean neurtuta), eta aldizkako kontrol horiei buruzko txostenak Ingurumen Sailburuordetza honek prestatutako «Kontrol-erakunde baimenduen gutxieneko txostenean» ezarritakora egokitu beharko du. Nolanahi ere, kontrolek eta neurketa-baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

c) Arestian eskatutako parametro guztien neurketen KEB txostenak bidaliko dira. Neurketa berriak egin beharko dira, baldin eta parametroen neurketarik ez badago edo egindako neurketak Ebazpen honetan kontrol-maiztasuna ezarri aurretik egindakoak badira. Atmosferara egiten diren isurketen ondorengo kontrolak, egindako azken neurketan adierazitako maiztasunarekin egingo dira.

d) 8. fokuarekin lotuta, foku hori abian jarri baino astebete lehenago jakinarazi beharko zaio Ingurumen Sailburuordetzari. Une horretatik aurrera gehienez hiru hilabeteko epea izango dute dagokion KEB txostena aurkezteko.

C.1.1.- Lortutako emaitzen erregistroa.

Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta 1976ko urriaren 18ko Aginduak, industriak atmosferan sortzen duen kutsadura saihestu eta zuzentzekoak, 33. artikuluan ezarritako edukia jaso beharko du.

Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako intzidentziak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.

C.2.- Isuritako uraren kalitatea kontrolatzea.

a) Sustatzaileak aurkeztu dituen agirien arabera, ondorengo analitikak egingo dira:

(Ikus .PDF)

b) Kanpoan egiten den kontrol bakoitza, laginak hartzea nola ondorengo analisia, «Erakunde Laguntzaile» batek egin eta egiaztatuko du, eta goiko puntuetan aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko (1) epean.

c) Laginketak kutsatzaile gehien sortzen den aldietan egingo dira beti.

d) Isurketak baimenean jarritako baldintza guztiak betetzen dituela ulertuko da, B.1.2.3 ataleko parametro guztientzat ezarritako mugak betetzen badituzte.

C.3.- Zarataren kontrola.

Hesiaren mugan zarata-mapa bat egingo dute prozesuko taldetan aldaketaren batek jabetza-mugatik kanpoko soinu-mailan eragin handia duenean. Baimendutako kontrol-erakunde batek neurtuko ditu eta zarata-mapa osatuko du.

Sei hilean behin, Erandioko udalerriarekin mugatzen duen hesian barne-neurketa egingo dute, ingurune horretan sortutako zarata-maila kontrolatzeko.

Perimetroko hainbat puntutan neurketak egingo dituzte. Ezinbestekoa da La Avanzadako irteerarako balioak eskuratzea, prozesuko ekipotan aldaketaren batek zarata-mailan kalte handiak eragiten dituenean.

Erregistratutako maila instalaziotatik kanpo dagoen zerbaitek eragiten badu, iturri hori desagertu arte itxaroten saiatuko dira, neurtutako balioen iturburua azalduko duten oharrak idatziko dituzte, edo Styrofoam-eko planta geldituta neurtuko da. Era horretan, bertan lortutako balioa planta funtzionatzen ari denean lortutakoari kenduko zaio. Horrela, autobiak sor dezakeen zarata kenduko da.

C.4.- Jardueraren adierazleak kontrolatzea.

Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

(Ikus .PDF)

C.5.- Emaitzak kontrolatu eta bidaltzea.

Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Urtero egingo da, martxoaren 30a baino lehen beti, eta ingurumena zaintzeko programako emaitzekin batera, txosten bat aurkeztuko da. Txosten horretan adieraziko dira neurri babesle eta zuzentzaileen funtzionamendua, baita prozesuak eta ingurunearen kalitatea kontrolatzeko sistemak ere. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

C.6.- Ingurumena Zaintzeko Programaren agiri bategina.

Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

D) Ez-ohiko egoeretan, kutsadurari aurre hartzeko neurriak eta jardunerako baldintzak.

D.1.- Jarduera uztea.

Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (24.16 epigrafea, Lehengai plastikoen fabrikazioa), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Dow Chemical Ibérica SL enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

D.2.- Ez-ohiko jardunean aplikatzeko neurriak eta jarduerak.

Sustatzaileak hasieran aurkeztutako dokumentazioaren 21. atalean egindako proposamenean ez-ohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

a) Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei dagokienez. Isuri-ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (irazgaiztea), biltegiratzeko neurri bereziak (gai arriskutsuak), egon daitezkeen isuri-ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

b) Aurreko paragrafoan adierazitako eskuliburuak ikuskaritza eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurre hartzeko.

Prebentziozko mantentze-lanen eskuliburu horretan kutsadura atmosferikoa prebenitzeko eta zuzentzeko sistemen (arazketa, minimizazioa, etab.) egoera ona bermatzeko neurriak jaso beharko dira.

c) Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gertaerena ere.

d) Olioak, disolbatzaileak eta aerosolak, besteak beste, maneiatzeak lurzorua eta ura kutsa ditzake. Beraz, isuriak, jarioak edo ihesak gertatzeko arriskua izan dezaketen azalera guztiak irazgaiztuta egongo dira.

e) Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

f) Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunean isolatzeko seinaleztapen-elementuak eta babes pertsonalerako ekipamendu bereziak.

g) Estirenoa ezustean isuriz gero itsas-kutsadura ekiditeko euren baliabideak izan beharko dituzte.

h) Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.

i) Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isuriak prebenitzeko hartu diren segurtasun-neurriak abian izateko. Estazioan erroilu erako edo gai pikortatuzko edo antzeko berariazko gai xurgatzailea izango da, ustekabeko jario edo ihesetan berehala aplikatu ahal izateko.

j) Hondakin-ura ezingo da «by pass» bidez isuri arazketa-instalazioetan.

k) Ingurunearen edo jardueraren kontrolaren gainean kalteak eragin ditzakeen gorabehera edo ez-ohiko gertaeraren baten aurrean (besteak beste, ustekabeko isuri bat egitea eta isurpenaren muga-balioak gainditzea), sustatzaileak gorabehera edo ez-ohiko gertaera horren berri eman beharko dio Ingurumen Sailburuordetzari.

l) Gertakari edo arazo larriren bat edo ustekabeko isuriren bat egonez gero, SOS Deiak eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:

- Gertakari-mota.

- Gertakaria non, zergatik eta zer ordutan gertatu den.

- Iraupena.

- Ustekabeko isuria bada, emaria eta isuritako gaiak.

- Mugak gaindituz gero, isurtzeei buruzko datuak.

- Eragindako kalteen balioespena.

- Hartutako neurri zuzentzaileak.

- Berriro gerta ez dadin aurreikusitako neurriak.

- Prebentzio-neurriak eraginkortasunez aplikatzeko ezarritako epeak.

m) Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

E) Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta, edo ofizioz, aldaraz daitezke, ingurumena zaintzeko programan lortutako emaitzetan oinarrituta.

F) Urtean behin Dow Chemical SL enpresak Ingurumen Sailburuordetzari jakinaraziko dizkio atmosferara botatako kutsagarriei, uretara egindako isurketei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, apirilaren 20ko 508/2007 Errege Dekretuaren, E-E-PRTR Araudiko eta ingurumeneko baimen bateratuetako isurketen gaineko informazioa ematea arautzen duenari jarraituz.

Informazio hori ekitaldi horren hurrengo martxoaren 31 baino lehen bidali beharko dira. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

Halaber, Ebazpen honetan aurreikusitako gainontzeko informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

G. 2007ko apirilaren 21eko 509/2007 Errege Dekretuaren 4. artikuluko 3. atalari jarraituz, instalazioaren titularrek agintaritza eskudunari jakinarazi beharko diote instalazio horietan erabiltzen eta ekoizten diren substantziek, 1907/2006 EE Erregelamenduan erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.

H. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

Hirugarrena.- Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio ebazpen honetako puntu hauetan ezarritako baldintzak betetzen direla: B.1.4.e) (Sortutako hondakin arriskutsuak onartzen dituen txostena), B.1.5.c) (Sortutako hondakin ez-arriskutsuak onartzen dituen txostena), C.1 (Atmosferara egiten diren isurien kontrola, hala badagokio), C.1.1 (Atmosferara egiten diren isuriak erregistratzeko eredua), C.3 (Zarataren kontrola), C.6 (Ingurumena zaintzeko programaren agiri bategina), D.3.a) eta b) (Prebentzioko mantentze-lanetarako eskuliburua, ikuskaritza eta kontrolerako programa), D.3.g) (Larrialdi-egoeretarako eskuragarri dauden materialen zerrenda), D.3.h) (Itsas-kutsadura ekiditeko baliabideak), D.3.i) (Kubetak husteko protokoloa), D.3.n) (Suteen kontrako araudiaren egiaztapena).

Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki direla. Horretarako, aipatutako ikuskaritza-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den biharamunetik kontatzen hasita.

Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen integratua eraginkortzat aitortuko da.

Laugarrena.- Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

Bostgarrena.- Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

Seigarrena.- Dow Chemical Ibérica SL enpresak Ebazpen honen xede den poliestireno-legarrak eta -taulak ekoizteko instalazioan titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, horrek onar dezan.

Zazpigarrena.- Baimen honek balioa galduko du kausa hauek gertatzen direnean:

- Epearen barruan ez egiaztatzea Ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

- Dow Chemical Ibérica SL enpresaren nortasun juridikoa bukatzea, indarrean dagoen araudian ezarritako kasuetan.

- Baimena indarrean jartzen dela adierazten duen ebazpenean xedatutakoak.

Zortzigarrena.- Ebazpen honen edukia jakinaraztea Dow Chemical Ibérica SL enpresari, Erandio eta Leioako udalei, ingurumeneko baimen bateratua emateko prozeduran parte hartu duten erakundeei eta gainerako interesdunei.

Bederatzigarrena.- Ebazpen hau Euskal Herriko Agintaritzaren Aldizkarian argitaratzeko agintzea.

Hamargarrena.- Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamenduko sailburuari, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

Vitoria-Gasteiz, 2008ko apirilaren 25a.

Ingurumeneko sailburuordea,

IBON GALARRAGA GALLASTEGUI.

Azterketa dokumentala