RSS
247. zk., 2005eko abenduaren 29a, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Garraio eta Herri Lan Saila
6465
421/2005 DEKRETUA, abenduaren 20koa, Garraio eta Herri Lan Sailari atxikitako «Euskotren-Ferrocarriles Vascos, S.A.» sozietate publikoko zuzendaritza-taldekideen zerrenda onartzeari buruzkoa.
Zuzenbide pribatuko ente publikoetako eta sozietate publikoetako zuzendaritza-taldekideen estatutu pertsonala arautzen duen otsailaren 23ko 130/1999 Dekretuko 3.1 artikuluak, honela dio: «Jaurlaritzaren Kontseiluak, zuzenbide pribatuko ente publikoetako eta sozietate publikoetako enteak atxikita dituzten sailetako titularren proposamenez, ente horietako zuzendaritza-taldekideen zerrenda onartuko du dekretu bidez».
Aipatu artikuluak, bestalde, proposamenak honelaxe prestatuko direla ezartzen du: erabaki bidez egingo dituzte, urtero, zuzenbide pribatuko ente publikoetako eta sozietate publikoetako organo artezkariek edo administrazio kontseiluek; eta, erabakietan bertan, dekretu haren ondorioetarako zuzendaritza-taldekidetzat zeintzuk jotzen diren zehaztu beharko da.
Artikulu horretan ezarritakoarekin bat etorriz, «Eusko Trenbideak-Ferrocarriles Vascos, S.A.» sozietate publikoaren administrazio kontseiluak bilera egin zuen 2005eko azaroaren 25ean, non, aho batez erabaki baitzen zuzendari orokorra eta kontseilari delegatua «Eusko Trenbideak-Ferrocarriles Vascos, S.A.» sozietate publikoaren zuzendaritza-taldekidetzat aitortzea.
Ondorioz, Jaurlaritzari buruzko ekainaren 30eko 7/1981 Legeko 26.3 artikuluan eta zuzenbide pribatuko ente publikoetako eta sozietate publikoetako zuzendaritza-taldekideen estatutu pertsonala arautzen duen otsailaren 23ko 130/1999 Dekretuko 3.1 artikuluan ezarritakoaren arabera, Garraio eta Herri Lan sailburuaren proposamenez eta Jaurlaritzaren Kontseiluak 2005eko abenduaren 20an egindako bilkuran eztabaidatu eta onartu ondoren, hauxe
XEDATU DUT:
Artikulu bakarra.– Otsailaren 23ko 130/1999 Dekretuan aurreikusitako ondorioetarako, «Eusko Trenbideak-Ferrocarriles Vascos, S.A.» sozietate publikoaren zuzendaritza-taldekideen zerrenda onartzea, honako karguak jasoz:
– Sozietatearen zuzendari nagusia.
– Kontseilari delegatua.
XEDAPEN INDARGABETZAILEA
Garraio eta Herri Lan Sailari atxikitako sozietate publikoetako zuzendaritza-taldekideen zerrenda onartzen duen abuztuaren 31ko 320/1999 Dekretua indargabetu egiten da
AZKEN XEDAPENA
Euskal Herriko Agintaritzaren Aldizkarian argitaratzen den egunean jarriko da indarrean Dekretu hau.
Vitoria-Gasteizen, 2005eko abenduaren 20an.
Lehendakaria,
JUAN JOSÉ IBARRETXE MARKUARTU.
Garraio eta Herri Lan sailburua,
NURIA LÓPEZ DE GUEREÑU ANSOLA.
