RSS
42. zk., 2005eko martxoaren 2a, asteazkena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Urduña-Orduñako Udala
1003
IRAGARKIA, Tejera industrialderako sarbide berriaren gaineko lurpeko pasabide-lanak egiteko proiektuaren onespenari buruzkoa.
Urduña-Orduñako Udalbatzak, 2005eko urtarrilaren 19an izandako ezohiko osoko bilkuran hurrengoa erabaki zuen:
1.– Tejera industrialderako sarbide berriaren lurpeko pasabide-lanak egiteko proiektuaren onespena. Proiektua Foru Sozietate Publikoa den Bizkailur SAk aurkeztu du, "Typsa, ingeniariak, aholkulariak eta arkitektoak" enpresak idatzi duelarik. Esleipen lana egiteko aurrekontua zortziehun eta hogeita lau mila, berrehun eta hogeita hamazortzi euro eta hamabi zentimokoa da (824.238,12 euro), eta dagokion ziurtasun eta osasunaren gaineko ikerketarako aurrekontua hogei mila, hirurehun eta hiru euro eta berrogeita hamazortzi zentimokoa da (20.303,58 euro).
2.– Proiektu teknikoa dela-eta, zerrenda zehatza eta pertsonalizatua agertzen da, non lana aurrera eramateko nahitaezko ondasun-desjabetzearen deskribapena agertzen den. Nahitaezko desjabetzearen Legeak dioena eta apirilaren 18ko 781/1986 Errege-Dekretuan agertzen dena kontuan izanda, lanek onura publikoa dutela eta, horren ondorioz, lursailak edo ondasunak okupatzea beharrezkoa dela adierazten da.
3.– Lana burutzeari ekitea. Lursailak udalaren eskura pasatzeko behar diren tramiteak eginda, data honetan desjabetze-espedientea irekiko du.
4.– Zerrenda zehatza eta pertsonalizatua adieraztea, non lana aurrera eramateko nahitaezko ondasun-desjabetzearen deskribapena agertzen den:
Lursailak eta jabeak
Relación de fincas y titulares afectados
Zenb	Aldea-etxadia	Lursaila	Jabea	Azalera
N.º	Polígono	Parcela	Titular	Superficie
Landa-lurra/Rústicas
1	19	35	M.ª Amparo de la Salud Sampedro Gutiérrez	265,0	
			Herminio Ceferino Ruisánchez Sampedro		
			Antonio Ruisánchez Sampedro		
5.– Erabakia hamabostaldiko epean jendaurrean erakustea, Bizkaiko Aldizkari Ofizialean, Euskal Herriko Agintaritzaren Aldizkarian, Udaletxeko iragarki-taulan eta probintziako egunkari batean argitaratuz. Bertan desjabetze prozesuan sartzen diren ondasunen zerrenda ikusgai izango da, interesdunek eta jabeek udal honetan alegazioak eta erreklamazioak aurkezteko aukera izan dezaten.
6.– Jabeei eta interesdunei erabaki honen berri banan-banan adieraztea, baita dagozkien prozesuak ere.
7.– Jendaurreko epean alegaziorik edo erreklamaziorik egon ezean, proiektu teknikoak behin betiko onespena izango du, beste erabakirik egin barik. Halaber, laugarren puntuan ezarritako ondasunen okupazioaren beharraren adierazpena izango da. Halere, interesdunek okupazio-beharraren gaineko errekurtsorik egin ezean, bidezko prezioa zehazteko espedienteari hasiera emango zaio.
8.– Alegaziorik egonez gero, Urduñako Alkatea izendatzea alegazioen ebazpena eta jakinarazpena egiteko.
9.– Aipatutako arrazoiengatik eta Nahitaezko Desjabetzearen Legearen 52. artikuluan ezarritakoaren arabera, Eusko Jaurlaritzaren Kontseiluari Tejera industrialderako sarbide berriaren gaineko lurpeko pasabide-lanak direla eta, lursailak eta ondasunak premiazko okupazio-adierazpena egiteko eskatzea.
Jendaurrean erakusten da 15 eguneko epean, gai honen gaineko xedapenen eta Nahitaezko Desjabetzearen Legearen arabera, jabeek zein interesdunek alegazioak eta erreklamazioak aurkez ditzaten. Aipatutako epean proiektu teknikoa eta nahitaezko desjabetzerako hasierako onespen-espedientea ikusgai izango dira Udal bulegoetan.
Urduña-Orduña, 2005eko otsailaren 2a.
