RSS
42. zk., 2005eko martxoaren 2a, asteazkena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Justizi Administrazioa
Barakaldoko Lehen Auzialdiko 1 Zenbakiko Epaitegia
990
EDIKTUA, jabetza baten espedienteari buruzko 185/04 zk.ko prozeduraren ondoriozkoa.
Demandatzaileak: María Ángeles Garmendia San Martín andrea, Ana María Garmendia San Martín andrea, María Del Carmen Garmendia San Martín andrea, Nicomedes Goicoechea Arruabarrena jauna eta José Luis González Bermúdez jauna.
Abokatuak: Basaguren del Campo, Oscar, Basaguren del Campo, Oscar, Basaguren del Campo, Oscar, Basaguren del Campo, Oscar eta Basaguren del Campo, Oscar.
Prokuradoreak: Manuel Hernández Uriguen, Manuel Hernández Uriguen, Manuel Hernández Uriguen, Manuel Hernández Uriguen eta Manuel Hernández Uriguen jauna.
Demandatua:
Gaia: jabari-espedientea.
Aipatu judizioan AUTOA eman da, zeinaren edukia ondokoa baita, hitzez hitz:
43/05 ZK.KO AUTOA
Epailea: Luis Acayro Sánchez Lázaro jauna.
Lekua: Barakaldo (Bizkaia).
Eguna: bi mila eta bosteko urtarrilaren hemeretzia.
EGITATEAK
Lehenengoa.– Hernández Urigüen prokuradoreak idatzi bat aurkeztu du María Ángeles Garmendia San Martín andrearen, María Del Carmen Garmendia San Martín andrearen, Ana María Garmendia San Martín andrearen, Nicomedes Goicoechea Arruabarrena jaunaren eta José Luis González Bermúdez jaunaren izenean eta ordez, finka honetan etendako segidako traktuari berriro ekiteko jabari-espedientea hasteko eskatuz: "landa-finka; hogeita bederatzi area eta hamabi zentiareako etxaldea Pontonen; hauek ditu mugakideak: iparraldean, Pablo Robledo jaunaren txaleta; hegoaldean, Miguel Uribe jaunaren jabegoa; ekialdean, Braulio Olaso jaunaren jaraunsleak; eta mendebaldean, Eusebia de las Heras andrearen txaleta eta Miguel Uribe jaunaren etxaldea". Portugaleteko Jabetza Erregistroan inskribatuta dago: 36 liburukia, 9 liburua, 51 folioa, 442 zk.ko finka.
Idatzi horretan alegatzen zenez, segidako traktua etenda gelditu zen, Francisca Ciriaca Líbano San Martín andreak finkaren erregistroko titularrak ziren Francisco San Martín Pucheta jaunarengandik eta Josefa Zabalbeitia Pucheta andrearengandik oinordetzan eskuratu izana Erregistroan ezin izen zelako ipini. Francisco San Martín Pucheta jauna eta Josefa Zabalbeitia Pucheta andrea, bestalde, María del Carmen, Ana María eta María Ángeles Garmendia San Martín andreen birraitona eta birramona zenduak ziren; María del Carmen, Ana María eta María Ángeles Garmendia San Martín andreek finka Francisca Ciriaca andrearen oinordetzaz ere eskuratu zutenez, José Luis González Bermúdez jaunari saldu zioten, foru-komunikazioko ezkontza-erregimenerako.
Bigarrena.– Izapideak egiteko onartu da 2004ko uztailaren 19ko probidentzia bidez aurkeztutako eskabidea eta erregistroko titular gisa honako hauek zitatzea erabaki da: Francisco San Martín Pucheta jauna eta Josefa Zabalbeitia Pucheta andrea edo beraien jaraunsleak, Estanislao Garmendia Allende jauna edo beraren jaraunsleak, pertsona horiek baitira katastroan ageri direnak. Hamar eguneko epea izango dute espedientean agertzeko, egoki iritzi dutena alegatzeko. Halaber, dei egiten zaie eskatutako inskripzioak kalte egin diezaiekeen pertsonei —ez baitakigu nortzuk diren— epe berean eta xede berarekin ager daitezen, Abanto Zierbenako Udaleko eta Epaitegiko iragarki-oholean ipiniko diren eta Bizkaiko Aldizkari Ofizialean argitaratuko diren ediktuen bidez.
Hirugarrena.– Ediktuak argitaratuta eta eskabidearen izapideak egiteko onartutako probidentzian aditzera emandako pertsonak ediktuen bitartez zitatu eta gero, hamar eguneko epea igaro zen. Ez zen inor azaldu eskabideari aurka eginaz. 2004-10-18ko eginbidez eskatzaileari sei egun ematea erabaki zen froga-proposamenerako.
Laugarrena.– Froga proposamenaren barruan 2004-10-27ko idatzian jasota daudenak proposatu zituen eskatzaileak.
Bosgarrena.– Proposatutako froga onartu ondoren 2004-11-09ko probidentziaz, hamar eguneko epean burutu zen froga.
Seigarrena.– Froga-aldia amaitu eta gero, Ministerio Fiskala eta eskatzailea entzuteko hamar egun eman ziren. Eskatutakoaren alde informatu zitzaion ministerioari; eta eskatzaileari alegatu zitzaion ezen, bere eskaerari gauzatutako frogen bidez, berak ordezkatzen duenak espedientearen gai den finkaren gainean duen jabetza egiaztatu egin zela.
ARRAZOIBIDE JURIDIKOAK
Lehenengoa.– Espedientea izapidetzerakoan legezko formalitateak bete dira, bertan interesa duten guztiei egin baitzaie zitazioa, bereziki erregistroko titularrari, eta eskatutako inskripzioak kalte egin diezaiekeen eta nor diren ez dakigun pertsonei dagozkion ediktuak argitaratuta egin baitiegu zitazioa. Eta espedientean ez da eskabidearen aurka interesdunik agertu.
Bigarrena.– Eskabide-egileak aurkeztutako agiri bidezko frogaren bitartez eta auto hauetan egindakoaren bitartez egiaztatu du ebazpen honetako lehenengo egitatean deskribatzen den finkaren jabaria eskuratu zuela, Kode Zibileko 609. artikuluan xedatutakoaren arabera. Beraz, bidezkoa da eskabide-egileak finka horren gain duen jabaria deklaratzea, eta kontraesanean dauden inskripzioen indargabetzea dekretatzea, Hipotekei buruzko Legearen 202. artikuluaren arabera.
XEDAPENAK
María Ángeles Garmendia San Martín, María del Carmen Garmendia San Martín, Ana María Garmendia San Martín, Nicomedes Goicoechea Arruabarrena eta José Luis González Bermúdez eta emazte duen Consuelo Lanseros Tellechea jaun-andreek ebazpen honetako lehenengo egitatean azaldutako finkaren gain duten jabaria justifikatutzat deklaratzen da, eta Portugaleteko Jabetza Erregistroan Francisco San Martín Pucheta jaunaren eta Josefa Zabalbeitia Pucheta andrearen alde dagoen kontraesaneko inskripzioa indargabetzea agintzen da.
Ebazpen hau irmo egitean, egin bedi testigantza eta eman bekio eskabide-egileari, etendako segidako traktuari berriro ekiteko, eta itzul bitez eskabidearekin aurkeztutako agiriak, espedientean testigantza nahikoa utzirik.
Inpugnatzeko modua: apelazio-errekurtsoa, Bizkaiko Probintzia Auzitegian (Prozedura Zibilari buruzko Lege berriaren 455. artikulua).
Epaitegi honetan aurkeztutako idazki baten bitartez egin beharko da errekurtsoa, bost egun balioduneko epearen barruan, jakinarazpenaren hurrengo egunetik aurrera. Errekurtso horretan, bestalde, honako hauek adierazi beharko dira: zein ebazpen apelatzen den, errekurritzeko nahia eta zein erabaki inpugnatzen diren (PZLb; 457.2. artikulua).
Epaileak ebatzi eta sinatu du. Fede ematen dut.
Epailearen sinadura	Idazkariaren sinadura
Francisco San Martín Pucheta jaunaren, Josefa Zabalbeitia Pucheta andrearen eta Estanislao Garmendia Allende jaunaren jaraunsleen eta erabakitako inskripzioak kaltetu ditzakeen pertsonen – ez dakigu nortzuk diren- egungo bizilekua ezezaguna denez, ebazpen hau Bizkaiko Aldizkari Ofizialean ediktu bidez jakinaraztea erabaki da.
Ebazpen horren aurka demandatu auzi-iheslariak apelazio-errekurtsoa aurkez dezake, Bizkaiko Probintzia Auzitegian.
Epaitegi honetan aurkeztutako idazki baten bitartez egin beharko da errekurtsoa, bost egun balioduneko epearen barruan, ediktu hau argitaratu eta hurrengo egunetik aurrera. Errekurtso horretan, bestalde, honako hauek adierazi beharko dira: zein ebazpen apelatzen den, errekurritzeko nahia eta zein erabaki inpugnatzen diren (PZLb; 457.2. artikulua).
Barakaldo (Bizkaia), 2005eko urtarrilaren 24a.
IDAZKARI JUDIZIALA.
